ಭಾರತದ ‘ಎಚ್ಎಎಲ್’ (HAL) ಮತ್ತು ಅಮೆರಿಕದ ಸಂಸ್ಥೆ ‘ಜಿಇ’ (GE) ನಡುವೆ ಸುಮಾರು 8,870 ಕೋಟಿ ರೂ.ಗಳಿಗೂ ಅಧಿಕ ಮೌಲ್ಯದ ಒಪ್ಪಂದ!
ನವದೆಹಲಿ – ಭಾರತದ ‘ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್’ (HAL) ನವೆಂಬರ್ 7 ರಂದು ಅಮೆರಿಕದ ‘ಜನರಲ್ ಎಲೆಕ್ಟ್ರಿಕ್’ (GE) ಸಂಸ್ಥೆ ಜೊತೆ 1 ಬಿಲಿಯನ್ ಡಾಲರ್ (ಸುಮಾರು 8,870 ಕೋಟಿ ರೂಪಾಯಿಗಳಿಗಿಂತ ಹೆಚ್ಚು) ಮೌಲ್ಯದ ಒಪ್ಪಂದಕ್ಕೆ ಸಹಿ ಹಾಕಿದೆ. ಇದರ ಅಡಿಯಲ್ಲಿ, ‘ಜನರಲ್ ಎಲೆಕ್ಟ್ರಿಕ್’ ಭಾರತಕ್ಕೆ 113 ಜೆಟ್ ಇಂಜಿನ್ಗಳು ಮತ್ತು ‘ಸಪೋರ್ಟ್ ಪ್ಯಾಕೇಜ್’ಗಳನ್ನು ಒದಗಿಸಲಿದೆ.
The engine deliveries would be from 2027 to 2032. The contract for 97 LCA Mk 1A was signed in September 2025. @SpokespersonMoD @DefProdnIndia @GE_Aerospace
— HAL (@HALHQBLR) November 7, 2025
‘ಎಚ್ಎಎಲ್’ ತನ್ನ ‘ಎಕ್ಸ್’ ಖಾತೆಯ ಒಂದು ಪೋಸ್ಟ್ನಲ್ಲಿ ಈ ಒಪ್ಪಂದದ ಮಾಹಿತಿ ನೀಡಿದೆ. ಈ ಇಂಜಿನ್ಗಳನ್ನು 97 ‘ಮಾರ್ಕ್-1ಎ’ ಲಘು ಯುದ್ಧ ವಿಮಾನಗಳಲ್ಲಿ (ತೇಜಸ್ ಯುದ್ಧ ವಿಮಾನಗಳಲ್ಲಿ) ಅಳವಡಿಸಲಾಗುವುದು ಎಂದು ಸಂಸ್ಥೆ ತಿಳಿಸಿದೆ. ಈ ಇಂಜಿನ್ಗಳನ್ನು ಭಾರತಕ್ಕೆ 2027 ರಿಂದ 2032 ರ ಅವಧಿಯಲ್ಲಿ ಪೂರೈಕೆ ಮಾಡಲಾಗುವುದು. ರಕ್ಷಣಾ ಸಚಿವಾಲಯವು ಸೆಪ್ಟೆಂಬರ್ 25 ರಂದು ‘ಎಚ್ಎಎಲ್’ ಜೊತೆ 62,370 ಕೋಟಿ ರೂಪಾಯಿಗಳ ಒಪ್ಪಂದ ಮಾಡಿಕೊಂಡಿದ್ದು, ಇದರ ಅಡಿಯಲ್ಲಿ ‘ಎಚ್ಎಎಲ್’ ಭಾರತೀಯ ವಾಯುಪಡೆಗಾಗಿ 97 ‘ಎಲ್ಸಿಎ ತೇಜಸ್ ಮಾರ್ಕ್-1ಎ’ ಯುದ್ಧ ವಿಮಾನಗಳನ್ನು ಸಿದ್ಧಪಡಿಸಲಿದೆ.
🚨 Big Boost for 🇮🇳 Defence!
The U.S. will supply 113 GE engines for India’s Tejas Mk-1A fighter jets ✈️
A landmark deal worth ₹8,870 crore signed between HAL and General Electric, strengthening India–U.S. defence partnership and boosting indigenous air power 💪🇮🇳… pic.twitter.com/2nLWzqmQQc
— Sanatan Prabhat (@SanatanPrabhat) November 8, 2025
ಭಾರತೀಯ ವಾಯುಪಡೆಗೆ ವಿಮಾನಗಳ ಪೂರೈಕೆ ಇನ್ನೂ ಬಾಕಿ!
ಫೆಬ್ರವರಿ 2021 ರಲ್ಲಿ, ಸರಕಾರವು 83 ತೇಜಸ್ ‘ಮಾರ್ಕ್-1ಎ’ ವಿಮಾನಗಳನ್ನು ಖರೀದಿಸಲು ‘ಎಚ್ಎಎಲ್’ ಜೊತೆ 48,000 ಕೋಟಿ ರೂಪಾಯಿಗಳ ಒಪ್ಪಂದ ಮಾಡಿಕೊಂಡಿತ್ತು. ಆದರೆ, ಅಮೆರಿಕನ್ ಇಂಜಿನ್ಗಳ ವಿತರಣೆಯಲ್ಲಿ ವಿಳಂಬವಾಗುತ್ತಿದ್ದರಿಂದ ‘ಎಚ್ಎಎಲ್’ ಇನ್ನೂ ಒಂದು ವಿಮಾನವನ್ನೂ ಸಹ ವಾಯುಪಡೆಗೆ ನೀಡಿಲ್ಲ. 2028 ರ ವೇಳೆಗೆ ‘ಎಚ್ಎಎಲ್’ ಎಲ್ಲಾ ವಿಮಾನಗಳನ್ನು ವಾಯುಪಡೆಗೆ ನೀಡುವ ನಿರೀಕ್ಷೆಯಿದೆ. ಈ ವಿಮಾನಗಳಿಗಾಗಿ ‘ಎಚ್ಎಎಲ್’ಗೆ ಈಗಾಗಲೇ ‘ಜಿಇ’ಯಿಂದ 4 ಇಂಜಿನ್ಗಳು ಲಭ್ಯವಾಗಿವೆ.
ಅರುಣಾಚಲ ಪ್ರದೇಶದಲ್ಲಿ ಚೀನಾ ಸೇನೆಯ ನುಸುಳುವಿಕೆ ನಡೆದಿಲ್ಲ! – ಭಾರತೀಯ ಸೇನೆಯ ಸ್ಪಷ್ಟನೆ
ಶ್ರೀರಾಮ ಮಂದಿರದ ದಾನ ಕಳ್ಳತನದ ದೊಡ್ಡ ಹೆಸರುಗಳನ್ನು ಬಹಿರಂಗಪಡಿಸಿದರೆ, ಅವರು ನನ್ನನ್ನು ಕೊಲ್ಲುವರು! – ಪಂಡಿತ್ ಧೀರೇಂದ್ರಕೃಷ್ಣ ಶಾಸ್ತ್ರಿ
ಭಾರತದ ನೂತನ ಭೂಸೇನಾ ಮುಖ್ಯಸ್ಥರಾಗಿ ಜನರಲ್ ಧೀರಜ್ ಸೇಠ್
‘ಯಾರು ನೀರನ್ನು ತಡೆಯುತ್ತಾರೋ, ಅವರ ಕೈಗಳನ್ನು ಮುರಿಯುತ್ತೇವೆ !’
ಚೀನಾದ ಸೇನೆಯೊಂದಿಗೆ ಪ್ರತಿ ವರ್ಷ ೧ ಸಾವಿರದ, ೧೦೦ ಬಾರಿ ಮುಖಾಮುಖಿ ಮಾತುಕತೆ!
ಪಾಕಿಸ್ತಾನವನ್ನು ಮತ್ತೆ ‘ಎಫ್ಎಟಿಎಫ್’ನ ‘ಗ್ರೇ ಲಿಸ್ಟ್’ಗೆ ಸೇರಿಸಲು ಭಾರತದ ಸಿದ್ಧತೆ