ಸ್ಥಳೀಯ ನ್ಯಾಯಾಲಯದ ಆದೇಶದ ನಂತರ ಪಾಕಿಸ್ತಾನದ ಸಂತ್ರಸ್ತ ಹಿಂದೂ ಬಾಲಕಿಯನ್ನು ಕುಟುಂಬಕ್ಕೆ ಒಪ್ಪಿಸಲಾಯಿತು! : Pakistan Hindu Girl

ಮೂರು ತಿಂಗಳ ಹಿಂದೆ ಅಪಹರಣ ಮತ್ತು ಬಲವಂತದ ನಿಕಾಹ್ ನಡೆದಿತ್ತು!

ಕರಾಚಿ (ಪಾಕಿಸ್ತಾನ) – ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದ ಸುನಿತಾ ಮಹಾರಾಜ್ ಎಂಬ ಹಿಂದೂ ಬಾಲಕಿಯನ್ನು ಸ್ಥಳೀಯ ನ್ಯಾಯಾಲಯದ ಆದೇಶದ ನಂತರ ಆಕೆಯ ಕುಟುಂಬಕ್ಕೆ ಒಪ್ಪಿಸಲಾಯಿತು. ಮೂರು ತಿಂಗಳ ಹಿಂದೆ ಮೀರ್‌ಪುರಖಾಸ್ ಜಿಲ್ಲೆಯ ಕುನ್ರೀನಗರದಿಂದ ಆಕೆಯನ್ನು ಅಪಹರಿಸಿ ಬಲವಂತವಾಗಿ ಮತಾಂತರ ಮಾಡಿ ಒಬ್ಬ ವೃದ್ಧ ಮುಸಲ್ಮಾನ ವ್ಯಕ್ತಿಯೊಂದಿಗೆ ಮದುವೆ ಮಾಡಲಾಗಿತ್ತು. ಉಮರ್‌ಕೋಟ್‌ನ ಕೆಳ ನ್ಯಾಯಾಲಯವು ನವೆಂಬರ್ ೧ ರಂದು ಸುನಿತಾಳನ್ನು ಆಕೆಯ ಕುಟುಂಬಕ್ಕೆ ಒಪ್ಪಿಸುವಂತೆ ಆದೇಶಿಸಿತು ಎಂದು ಹಿಂದೂ ಕಾರ್ಯಕರ್ತ ಶಿವ ಕಾಚಿ ಮಾಹಿತಿ ನೀಡಿದರು.

🇵🇰💔 After months of trauma, an abducted Hindu girl in Pakistan has finally been reunited with her family, thanks to a local court’s order.

She was kidnapped and forcibly married three months ago

😡 Is the International Human Rights Commission blind to such atrocities against… pic.twitter.com/FqJcIxNNxB

— Sanatan Prabhat (@SanatanPrabhat) November 4, 2025

ಸ್ಥಳೀಯ ಹಿಂದೂ ಸಮುದಾಯದ ಮುಖಂಡರು ಮತ್ತು ಮಾನವ ಹಕ್ಕುಗಳ ಕಾರ್ಯಕರ್ತರು, ‘ಸುನಿತಾ ನ್ಯಾಯ ಪಡೆದ ಅದೃಷ್ಟವಂತ ಹಿಂದೂ ಹೆಣ್ಣುಮಕ್ಕಳಲ್ಲಿ ಒಬ್ಬಳು’ ಎಂದು ಪ್ರತಿಕ್ರಿಯಿಸಿದ್ದಾರೆ.

ಪಾಕಿಸ್ತಾನದ ಹಿಂದೂ ನಾಯಕರಿಂದ ಹಿಂದೂಗಳಲ್ಲಿ ಜಾಗೃತಿ ಮೂಡಿಸುವ ಪ್ರಯತ್ನ!

ನ್ಯಾಯವಾದಿ ಚಂದರ್ ಕೊಹ್ಲಿ ಅವರು ಮಾತನಾಡಿ, ಸಿಂಧ್‌ನಲ್ಲಿ ಹಿಂದೂ ಹೆಣ್ಣುಮಕ್ಕಳ ಅಪಹರಣ, ಬಲವಂತದ ಮತಾಂತರ ಮತ್ತು ಮದುವೆಯಂತಹ ಘಟನೆಗಳು ಯಾವಾಗಲೂ ಹಿಂದೂ ಸಮಾಜದ ಚಿಂತೆಯನ್ನು ಹೆಚ್ಚಿಸುತ್ತಿವೆ. ಸುನಿತಾಳಂತಹ ಅನೇಕ ಸಂತ್ರಸ್ತ ಹೆಣ್ಣುಮಕ್ಕಳು ಬಡ ಕುಟುಂಬದವರಾಗಿದ್ದು, ನ್ಯಾಯಾಲಯದ ಪ್ರಕ್ರಿಯೆಗಳನ್ನು ನಿಭಾಯಿಸಲು ಅವರ ಬಳಿ ಸಂಪನ್ಮೂಲ ಅಥವಾ ಮಾಹಿತಿ ಇರುವುದಿಲ್ಲ. ಆದ್ದರಿಂದ, ಹಿಂದೂ ನಾಯಕರು ಈಗ ಈ ರೀತಿಯ ಪ್ರಕರಣಗಳನ್ನು ನಿಭಾಯಿಸಲು ಸಮುದಾಯದಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ.