ಬೆಂಗಳೂರು ಸಮೀಪದ ‘ವೈ-ಫೈ’ ನೆಟ್‌ ವರ್ಕ್‌ ಗೆ ‘ಪಾಕಿಸ್ತಾನ ಜಿಂದಾಬಾದ್’ ಎಂದು ಹೆಸರು!

ಬಜರಂಗ ದಳದ ದೂರಿನ ನಂತರ ಪ್ರಕರಣ ದಾಖಲು

(ಟಿಪ್ಪಣಿ: ವೈ-ಫೈ ಎಂದರೆ ತಂತಿರಹಿತ ಅಂತರ್ಜಾಲ ಸಂಪರ್ಕ)

ಬೆಂಗಳೂರು – ಅಕ್ಟೋಬರ್ 29 ರಂದು ಜಿಗಣಿ ಪೊಲೀಸ್ ಠಾಣೆಯಲ್ಲಿ ‘ಪಾಕಿಸ್ತಾನ ಜಿಂದಾಬಾದ್’ ಹೆಸರಿನ ವೈ-ಫೈ ಬಳಕೆದಾರರ ವಿರುದ್ಧ ಬಜರಂಗ ದಳವು ದೂರು ದಾಖಲಿಸಿದ ನಂತರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ. ಈ ಘಟನೆ ಬೆಂಗಳೂರು ನಗರದ ಹೊರವಲಯದ ಜಿಗಣಿ ಸಮೀಪದ ಕಲ್ಲುಬಾಲು ಗ್ರಾಮದಲ್ಲಿ ನಡೆದಿದೆ ಎಂದು ಹೇಳಲಾಗಿದೆ.

ಮೊಬೈಲ್‌ ನಲ್ಲಿ ವೈ-ಫೈ ನೆಟ್‌ವರ್ಕ್‌ಗಳನ್ನು ಹುಡುಕುವಾಗ ನೆರೆಹೊರೆಯ ಬಳಕೆದಾರರ ಗುರುತು ಕಾಣಿಸುತ್ತದೆ ಮತ್ತು ಅದರಲ್ಲಿ ‘ಪಾಕಿಸ್ತಾನ ಜಿಂದಾಬಾದ್’ ಹೆಸರಿನ ನೆಟ್‌ ವರ್ಕ್ ಕೂಡ ಕಂಡುಬಂದಿದೆ. ಈ ಪ್ರದೇಶದಲ್ಲಿ ರಾಷ್ಟ್ರ ವಿರೋಧಿ ಮನಃಸ್ಥಿತಿಯ ಜನರು ಸಕ್ರಿಯರಾಗಿರಬಹುದು ಎಂದು ಬಜರಂಗ ದಳದ ಕಾರ್ಯಕರ್ತರು ಆರೋಪಿಸಿದ್ದಾರೆ.