ನಟ ದಿಲಜೀತ ದೋಸಾಂಜ ಇವರು ನಟ ಅಮಿತಾಭ ಬಚ್ಚನ ಅವರ ಕಾಲಿಗೆ ನಮಸ್ಕರಿಸಿದ್ದಕ್ಕೆ ಖಲಿಸ್ತಾನಿ ಭಯೋತ್ಪಾದಕ ಸಂಘಟನೆಯಿಂದ ಬೆದರಿಕೆ

‘ನವೆಂಬರ್ 1 ರಂದು ಆಸ್ಟ್ರೇಲಿಯಾದಲ್ಲಿ ನಡೆಯುವ ಸಂಗೀತ ಕಾರ್ಯಕ್ರಮ ರದ್ದುಪಡಿಸಬೇಕಂತೆ’

ನವದೆಹಲಿ – ಖಲಿಸ್ತಾನಿ ಭಯೋತ್ಪಾದಕ ಗುರಪತವಂತ ಸಿಂಗ ಪನ್ನು ಅವರ ‘ಸಿಖ್ ಫಾರ್ ಜಸ್ಟಿಸ್’ ಸಂಘಟನೆಯು ಭಾರತೀಯ ಪಂಜಾಬಿ ಗಾಯಕ ಮತ್ತು ನಟ ದಿಲಜೀತ ದೋಸಾಂಜ ಅವರಿಗೆ ಬೆದರಿಕೆ ಹಾಕಿದ್ದು, ನವೆಂಬರ್ 1 ರಂದು ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಅವರ ಸಂಗೀತ ಕಾರ್ಯಕ್ರಮವನ್ನು ರದ್ದುಗೊಳಿಸಬೇಕೆಂದು ಒತ್ತಾಯಿಸಿದೆ.

1. ಸಂಘಟನೆಯು, ನಟ ದೋಸಾಂಜ ಅವರು ಅಮಿತಾಭ ಬಚ್ಚನ ಅವರ ‘ಕೌನ್ ಬನೇಗಾ ಕರೋಡಪತಿ 17’ ಕಾರ್ಯಕ್ರಮದಲ್ಲಿ ಅವರ ಕಾಲಿಗೆ ನಮಸ್ಕರಿಸುವ ಮೂಲಕ, 1984 ರ ದೆಹಲಿ ಸಿಖ್ ಹತ್ಯಾಕಾಂಡದ ಪ್ರತಿಯೊಬ್ಬ ಸಂತ್ರಸ್ತೆ, ವಿಧವೆ ಮತ್ತು ಅನಾಥರನ್ನು ಅವಮಾನಿಸಿದ್ದಾರೆ ಎಂದು ಆರೋಪಿಸಿದೆ. 1984 ರ ಅಕ್ಟೋಬರ 31 ರಂದು ಅಮಿತಾಭ ಬಚ್ಚನ ಅವರು ಜನರನ್ನು ಪ್ರಚೋದಿಸಿ ‘ಖೂನ್ ಕಾ ಬದ್ಲಾ ಖೂನ್ ಸೇ’ (ರಕ್ತಕ್ಕೆ ರಕ್ತದಿಂದ ಸೇಡು) ಎಂಬ ಘೋಷಣೆಯನ್ನು ನೀಡಿದ್ದರು, ಅದರ ನಂತರ ದೇಶಾದ್ಯಂತ ಅನೇಕ ಸಿಖ್ಖರ ಹತ್ಯೆಯಾಯಿತು ಎಂದು ಸಂಘಟನೆ ಹೇಳಿಕೊಂಡಿದೆ.

2. ಇತ್ತೀಚೆಗೆ ‘ಕೌನ್ ಬನೇಗಾ ಕರೋಡಪತಿ 17’ ಕಾರ್ಯಕ್ರಮದಲ್ಲಿ ದಿಲಜೀತ ದೋಸಾಂಜ ಭಾಗವಹಿಸಿದ್ದರು. ಕಾರ್ಯಕ್ರಮದ ಆರಂಭದಲ್ಲಿ ಅವರು ನಿರೂಪಕ ಅಮಿತಾಭ ಬಚ್ಚನ ಅವರ ಕಾಲಿಗೆ ನಮಸ್ಕರಿಸಿದ್ದರು.