ಬಾಂಗ್ಲಾದೇಶ: ಕಿಂಕೋರ್ ದಾಸ್ ಅವರ ಅಪಹರಣ-ಹಲ್ಲೆ

ಸರಕಾರದ ಮೇಲೆ ‘ಅವಾಮಿ ಲೀಗ್’ ಆರೋಪ

ಬಾಂಗ್ಲಾದೇಶ – ಅಲ್ಪಸಂಖ್ಯಾತ ಹಿಂದೂಗಳ ಮೇಲೆ ದೌರ್ಜನ್ಯ ನಿರಂತರವಾಗಿ ಹೆಚ್ಚುತ್ತಿದೆ. ಇತ್ತೀಚೆಗೆ, ನರೈಲ್ ಜಿಲ್ಲೆಯ ಮೌಲಿ ಪ್ರದೇಶದ ನಿವಾಸಿ ಕಿಂಕೋರ್ ದಾಸ್ ಅವರನ್ನು ಅಪಹರಿಸಿ ಹಲ್ಲೆ ಮಾಡಿರುವ ಘಟನೆ ಬೆಳಕಿಗೆ ಬಂದಿದೆ.

೧. ಕಿಂಕೋರ್ ದಾಸ್ ಅಪಹರಣವಾದ ಮರುದಿನ ಪತ್ತೆಯಾದರು; ಆದರೆ ಅವರ ದೇಹದ ಮೇಲೆ ಹಲ್ಲೆಯ ಗಂಭೀರ ಗಾಯಗಳಿದ್ದವು. ಅವರ ದ್ವಿಚಕ್ರ ವಾಹನ, ಚಿನ್ನದ ಸರ ಮತ್ತು ಉಂಗುರವನ್ನು ಕಳವು ಮಾಡಲಾಗಿತ್ತು.

೨. ಈ ಘಟನೆಗೆ ಪ್ರತಿಕ್ರಿಯಿಸಿದ ‘ಅವಾಮಿ ಲೀಗ್’ನ ನಾಯಕರೊಬ್ಬರು, ‘‘ಕಿಂಕೋರ್ ದಾಸ್ ಅವರ ಘಟನೆ ಬಾಂಗ್ಲಾದೇಶದಲ್ಲಿ ಹಿಂದೂ ಸಮುದಾಯವು ಭಯಭೀತರಾಗಿರುವುದನ್ನು ತೋರಿಸುತ್ತದೆ. ಕಿಂಕೋರ್ ದಾಸ್ ಅವರನ್ನು ಅಪಹರಿಸಲಾಯಿತು, ಹಿಂಸಿಸಲಾಯಿತು ಮತ್ತು ಲೂಟಿ ಮಾಡಲಾಯಿತು. ಇದು ಕೇವಲ ಒಂದು ಘಟನೆಯಲ್ಲ; ಇದು ದೇಶದ ಅಲ್ಪಸಂಖ್ಯಾತರ ಮೇಲೆ ನಡೆಯುತ್ತಿರುವ ವ್ಯವಸ್ಥಿತ ದೌರ್ಜನ್ಯದ ಭಯಾನಕ ಪ್ರತಿಬಿಂಬವಾಗಿದೆ” ಎಂದರು.

೩. ದೇಶದ ಹಂಗಾಮಿ ಸರಕಾರದ ಬಗ್ಗೆ ಪ್ರಶ್ನೆಗಳನ್ನು ಎತ್ತಿದ ‘ಅವಾಮಿ ಲೀಗ್’ , ಜಮಾತ್-ಎ-ಇಸ್ಲಾಮಿ ಬೆಂಬಲಿತ ಮೊಹಮ್ಮದ್ ಯುನೂಸ್ ಅವರ ಕಾನೂನುಬಾಹಿರ ಆಡಳಿತದಲ್ಲಿ ದೇವಸ್ಥಾನಗಳನ್ನು ಅಪವಿತ್ರಗೊಳಿಸುವುದು, ವಿಗ್ರಹಗಳನ್ನು ಒಡೆಯುವುದು ಮತ್ತು ಉದ್ದೇಶಪೂರ್ವಕ ಹಿಂಸಾಚಾರ ನಡೆಸುವುದು ಸಾಮಾನ್ಯವಾಗಿದೆ. ಇಲ್ಲಿ ‘ನ್ಯಾಯ’ ಎಂಬ ಪದವನ್ನೇ ಮರೆತಂತೆ ಕಾಣುತ್ತಿದೆ. ಇದೆಂತಹ ಅಧಿಕಾರ, ಅಲ್ಪಸಂಖ್ಯಾತರಾಗಿರುವುದೇ ಅಪರಾಧವೇ? ಎಂದು ಪಕ್ಷ ಪ್ರಶ್ನಿಸಿದೆ.