ಹಿಂದೂ ಸೋಗಿನಲ್ಲಿ ಗರಬಾ ಆಡಲು ನುಸುಳಿದ್ದ ಮುಸಲ್ಮಾನನಿಗೆ ಬಜರಂಗ ದಳದ ಕಾರ್ಯಕರ್ತರಿಂದ ಧರ್ಮದೇಟು!

ಇಂದೋರ (ಮಧ್ಯಪ್ರದೇಶ) – ರಾಜ್ಯದ ಅನೇಕ ಕಡೆಗಳಲ್ಲಿ ಹಿಂದುತ್ವನಿಷ್ಠ ಸಂಘಟನೆಗಳು ನವರಾತ್ರಿ ಉತ್ಸವದ ಸಮಯದಲ್ಲಿ ಗರಬಾ ಅಥವಾ ದಾಂಡಿಯಾ ಆಯೋಜಿಸಲಾದ ಕಾರ್ಯಕ್ರಮಗಳಲ್ಲಿ ಯುವಕರ ಗುರುತುಚೀಟಿ ಪರಿಶೀಲನೆಯನ್ನು ಕಡ್ಡಾಯಗೊಳಿಸಿವೆ; ಆದರೂ ಕೆಲವು ಸ್ಥಳಗಳಲ್ಲಿ ಮುಸಲ್ಮಾನರು ತಮ್ಮ ಹೆಸರನ್ನು ಮರೆಮಾಚಿ ಹಿಂದೂ ಹೆಸರು ಹೇಳಿಕೊಂಡು ಇಂತಹ ಕಾರ್ಯಕ್ರಮಗಳಲ್ಲಿ ಭಾಗವಹಿಸುತ್ತಿರುವುದು ಬೆಳಕಿಗೆ ಬಂದಿದೆ. ಇಂದೋರನ ಒಂದು ಗರಬಾ ಮಹೋತ್ಸವದಲ್ಲಿ ‘ರಾಹುಲ್’ ಎಂಬ ಹೆಸರಿನಿಂದ ಒಬ್ಬ ಮುಸಲ್ಮಾನ ಯುವಕ ಗರಬಾ ಆಡಲು ನುಗ್ಗಿದ್ದನು. ಓರ್ವ ಯುವತಿ ತನ್ನ ಸ್ನೇಹಿತನೊಂದಿಗೆ ನೃತ್ಯ ಮಾಡುತ್ತಿದ್ದಾಗ, ಅವನು ಪದೇ ಪದೇ ಆಕೆಯನ್ನೇ ನೋಡುತ್ತಿದ್ದನು. ಅನುಮಾನ ಬಂದ ಜನರು ಅವನ ಆಧಾರ್ ಕಾರ್ಡ್ ಪರಿಶೀಲಿಸಿದರು. ಆಗ ಅವನ ಹೆಸರು ‘ಮಹಮ್ಮದ್ ಹಮೀದ್ ರಜಾ’ ಎಂದು ತಿಳಿದುಬಂತು. ಅದರ ನಂತರ ಬಜರಂಗ ದಳದ ಕಾರ್ಯಕರ್ತರು ಅವನಿಗೆ ಧರ್ಮದೇಟು ಕೊಟ್ಟರು. ಘಟನಾ ಸ್ಥಳದಲ್ಲಿ ದೊಡ್ಡ ಗೊಂದಲ ಉಂಟಾಯಿತು.

1. ಘಟನೆಯ ಮಾಹಿತಿಯನ್ನು ಖಜರಾನಾ ಪೊಲೀಸರಿಗೆ ನೀಡಲಾಯಿತು. ಪೊಲೀಸರು ತಕ್ಷಣವೇ ಸ್ಥಳಕ್ಕೆ ಧಾವಿಸಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದರು.

2. ಸಂಬಂಧಪಟ್ಟ ಮುಸಲ್ಮಾನನನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸಲಾಗುತ್ತಿದೆ. ಬಜರಂಗ ದಳದ ಕಾರ್ಯಕರ್ತರ ದೂರಿನ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

3. ‘ಈ ಯುವಕ ಯಾವ ಉದ್ದೇಶದಿಂದ ಗರಬಾ ಕಾರ್ಯಕ್ರಮಕ್ಕೆ ನುಗ್ಗಿದ್ದನು?’ ಎಂಬುದನ್ನು ಪೊಲೀಸರು ಪತ್ತೆ ಹಚ್ಚುತ್ತಿದ್ದಾರೆ.

4. ಹಿಂದೂ ಸಂಘಟನೆಗಳು ಮುಸಲ್ಮಾನರು ‘ಲವ್ ಜಿಹಾದ್’ ಉದ್ದೇಶದಿಂದ ಹಿಂದೂಗಳ ಕಾರ್ಯಕ್ರಮಗಳಿಗೆ ಪ್ರವೇಶಿಸಿ ಹಿಂದೂ ಯುವತಿಯರನ್ನು ಗುರಿಯಾಗಿಸುತ್ತಾರೆ ಎಂದು ಆರೋಪಿಸಿವೆ.