ಡೊನಾಲ್ಡ್ ಟ್ರಂಪ್ ಬೆಂಬಲಿಗ ರಿಪಬ್ಲಿಕನ್ ನಾಯಕಿ ವ್ಯಾಲೆಂಟಿನಾ ಗೊಮೆಜ್ ಇವರಿಂದ ಕುರಾನ್ ಗೆ ಬೆಂಕಿ! : Valentina Gomez

ಟೆಕ್ಸಾಸ (ಅಮೆರಿಕ) – ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ‘ಮೇಕ್ ಅಮೆರಿಕ ಗ್ರೇಟ್ ಅಗೈನ್’ (ಅಮೆರಿಕವನ್ನು ಮತ್ತೆ ಶ್ರೇಷ್ಠಗೊಳಿಸೋಣ) ಅಭಿಯಾನದ ಕಟ್ಟರ್ ಬೆಂಬಲಿಗರಾದ ವ್ಯಾಲೆಂಟಿನಾ ಗೊಮೆಜ್ ಅವರು ಸಾಮಾಜಿಕ ಮಾಧ್ಯಮಗಳಲ್ಲಿ ವಿಡಿಯೊ ಹಂಚಿಕೊಳ್ಳುವ ಮೂಲಕ, “ನಾನು ಟೆಕ್ಸಾಸನಿಂದ ಇಸ್ಲಾಂ ಅನ್ನು ನಾಶಮಾಡುತ್ತೇನೆ, ಇದಕ್ಕಾಗಿ ದೇವರು ನನಗೆ ಸಹಾಯ ಮಾಡಲಿ” ಎಂದು ಹೇಳಿದ್ದಾರೆ. ಈ ವಿಡಿಯೊಗೆ ಇಲ್ಲಿಯವರೆಗೆ ಯಾವುದೇ ಇಸ್ಲಾಮಿಕ್ ರಾಷ್ಟ್ರಗಳು ಪ್ರತಿಕ್ರಿಯೆ ನೀಡಿಲ್ಲ. ಈ ವಿಡಿಯೊ ಅವರ ಪ್ರಚಾರಾಭಿಯಾನದ ಒಂದು ಭಾಗವಾಗಿದೆ. ಅವರು ರಿಪಬ್ಲಿಕನ್ ಪಕ್ಷದಿಂದ ಶಾಸನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಲು ಬಯಸಿದ್ದಾರೆ.

ಇಸ್ಲಾಂ ಶಾಶ್ವತವಾಗಿ ಕೊನೆಗೊಳ್ಳಬೇಕು!

ಮುಸ್ಲಿಮರು ಕ್ರೈಸ್ತ ದೇಶಗಳ ಮೇಲೆ ನಿಯಂತ್ರಣ ಸಾಧಿಸಲು ಅತ್ಯಾಚಾರ ಮತ್ತು ಕೊಲೆಗಳನ್ನು ಮಾಡುತ್ತಿದ್ದಾರೆ ಎಂದು ಗೊಮೆಜ್ ಹೇಳಿದ್ದಾರೆ. ಆದ್ದರಿಂದ, ನನ್ನನ್ನು ವಿಜಯಶಾಲಿಯನ್ನಾಗಿ ಮಾಡಿರಿ, ಇದರಿಂದ ಇನ್ನು ಎಂದಿಗೂ ಅವರ (ಮುಸ್ಲಿಮರ) ತಥಾಕಥಿತ ಪವಿತ್ರ ಸ್ಥಳಗಳ ಮುಂದೆ ತಲೆ ಬಾಗಬೇಕಾಗಿಲ್ಲ. ಇಸ್ಲಾಂ ಶಾಶ್ವತವಾಗಿ ಕೊನೆಗೊಳ್ಳಬೇಕು. ಮುಸ್ಲಿಮರು ಬಯಸಿದರೆ 57 ಮುಸ್ಲಿಂ ರಾಷ್ಟ್ರಗಳಲ್ಲಿ ಯಾವುದೇ ದೇಶಕ್ಕೆ ಹೋಗಬಹುದು.

ಟೆಕ್ಸಾಸನಲ್ಲಿ ಇಸ್ಲಾಂಗೆ ಜಾಗವಿಲ್ಲ!

ಈ ವರ್ಷ ಮೇ ತಿಂಗಳಲ್ಲಿ, ವ್ಯಾಲೆಂಟಿನಾ ಗೊಮೆಜ್ ಅವರು ಟೆಕ್ಸಾಸ್ ರಾಜ್ಯದ ರಾಜಧಾನಿಯಲ್ಲಿ ಆಯೋಜಿಸಲಾಗಿದ್ದ ಮುಸ್ಲಿಮರ ಸಭೆಗೆ ನುಗ್ಗಿ ಮುಸ್ಲಿಮರ ವಿರುದ್ಧ ಭಾಷಣ ಪ್ರಾರಂಭಿಸಿದರು. ಆ ಘಟನೆಯ ವಿಡಿಯೊವನ್ನು ಹಂಚಿಕೊಳ್ಳುವ ಮೂಲಕ, “ಟೆಕ್ಸಾಸನಲ್ಲಿ ಇಸ್ಲಾಂಗೆ ಜಾಗವಿಲ್ಲ. ಅಮೆರಿಕದ ಇಸ್ಲಾಮೀಕರಣವನ್ನು ಕೊನೆಗೊಳಿಸಲು ‘ಕಾಂಗ್ರೆಸ್’ (ಶಾಸನಸಭೆ) ತಲುಪಲು ನನಗೆ ಸಹಾಯ ಮಾಡಿ. ನಾನು ದೇವರಿಗೆ ಮಾತ್ರ ಹೆದರುತ್ತೇನೆ” ಎಂದು ಗೊಮೆಜ್ ಬರೆದಿದ್ದಾರೆ.