ಬಾಹ್ಯಾಕಾಶ ಯೋಜನೆಗಳ ಸಮಯದಲ್ಲಿ ಸಂಗ್ರಹಿಸಿದ ಮಾಹಿತಿಯ ಉಪಯೋಗ ಗಗನಯಾನ ಯೋಜನೆಗೆ ಸಹಾಯಕವಾಗಲಿದೆ! – ಶುಭಾಂಶು ಶುಕ್ಲಾ

ನವದೆಹಲಿ – ನಾವು ‘ಆಕ್ಸಿಯಂ ಮಿಷನ್’ ಅಡಿಯಲ್ಲಿ ಎರಡು ವಾರಗಳ ಕಾಲ ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ ಇದ್ದೆವು. ನಾನು ಈ ಕಾರ್ಯಾಚರಣೆಯನ್ನು ಮುನ್ನಡೆಸುತ್ತಿದ್ದೆ. ಈ ಕಾರ್ಯಾಚರಣೆ ಸಂಪೂರ್ಣವಾಗಿ ಭಾರತದ್ದೇ ಕಾರ್ಯಾಚರಣೆಯಾಗಿತ್ತು ಎಂದು ಗಗನಯಾತ್ರಿ ಗ್ರೂಪ್ ಕ್ಯಾಪ್ಟನ್ ಶುಭಾಂಶು ಶುಕ್ಲಾ ಹೇಳಿದ್ದಾರೆ. ಗಗನಯಾನ ಯೋಜನೆಗೆ ಭಾರತೀಯ ವಾಯುಪಡೆಯ ನಾಲ್ಕು ಪೈಲಟ್‌ಗಳನ್ನು ಆಯ್ಕೆ ಮಾಡಲಾಗಿತ್ತು. ಗ್ರೂಪ್ ಕ್ಯಾಪ್ಟನ್ ಶುಭಾಂಶು ಶುಕ್ಲಾ ಕೂಡ ಅವರಲ್ಲಿ ಒಬ್ಬರು. ಇದೇ ಕಾರಣಕ್ಕೆ ಅವರು ಅಮೆರಿಕಾದ ‘ಆಕ್ಸಿಯಂ ಮಿಷನ್’ನಲ್ಲಿ ಭಾಗವಹಿಸಿದ್ದರು. ಈ ಕಾರ್ಯಾಚರಣೆಯ ಅಡಿಯಲ್ಲಿ ಸಂಗ್ರಹಿಸಿದ ಮಾಹಿತಿಯು ಭವಿಷ್ಯದಲ್ಲಿ ಗಗನಯಾನ ಮತ್ತು ಭಾರತದ ಇತರ ಬಾಹ್ಯಾಕಾಶ ಯೋಜನೆಗಳಿಗೆ ಉಪಯುಕ್ತವಾಗಲಿದೆ ಎಂದೂ ಅವರು ಹೇಳಿದರು.

ಗ್ರೂಪ್ ಕ್ಯಾಪ್ಟನ್ ಶುಕ್ಲಾ ಅವರು ‘ಗಗನಯಾನ’ ಯೋಜನೆಯ ಬಗ್ಗೆ ಮಾತನಾಡುತ್ತಾ, ಇದು ಇಸ್ರೋದ ಮಾನವ ಬಾಹ್ಯಾಕಾಶ ಯೋಜನೆಯಾಗಿದೆ. ಇದರ ಅಡಿಯಲ್ಲಿ, 2027ರಲ್ಲಿ ವಾಯುಪಡೆಯ ಮೂವರು ಪೈಲಟ್‌ಗಳನ್ನು ಬಾಹ್ಯಾಕಾಶ ನೌಕೆಯಲ್ಲಿ ಕಳುಹಿಸಲಾಗುತ್ತದೆ. ಈ ಪೈಲಟ್‌ಗಳು ಭೂಮಿಯಿಂದ 400 ಕಿ.ಮೀ ಕಕ್ಷೆಯಲ್ಲಿ ಮೂರು ದಿನಗಳ ಕಾಲ ಇರುತ್ತಾರೆ. ನಂತರ ಬಾಹ್ಯಾಕಾಶ ನೌಕೆಯನ್ನು ಹಿಂದೂ ಮಹಾಸಾಗರದಲ್ಲಿ ಇಳಿಸಲಾಗುತ್ತದೆ. ಇದಕ್ಕೆ ಸುಮಾರು 20 ಸಾವಿರ 193 ಕೋಟಿ ರೂಪಾಯಿ ವೆಚ್ಚವಾಗಲಿದೆ.

‘ಇಸ್ರೋ’ದ ‘ಗಗನಯಾನ ಯೋಜನೆ’ಯ ಮೂರು ಹಂತಗಳು ಹೀಗಿವೆ!

1. ಎರಡು ಖಾಲಿ ಪ್ರಾಯೋಗಿಕ ಹಾರಾಟಗಳನ್ನು ನಡೆಸಲಾಗುತ್ತದೆ. ಮೊದಲ ಹಾರಾಟವು 2025ರ ಅಂತ್ಯದ ವೇಳೆಗೆ ನಡೆಯಬಹುದು.

2. ಮೂರನೇ ಹಾರಾಟದಲ್ಲಿ, ಒಂದು ರೋಬೋಟ್ ಅನ್ನು ಕಳುಹಿಸಲಾಗುತ್ತದೆ.

3. ಇದು ಯಶಸ್ವಿಯಾದರೆ, ನಾಲ್ಕನೇ ಹಾರಾಟದಲ್ಲಿ ಮಾನವರು ಬಾಹ್ಯಾಕಾಶಕ್ಕೆ ಹೋಗಬಹುದು. 2027ರ ಮೊದಲ ತ್ರೈಮಾಸಿಕದಲ್ಲಿ ಇದನ್ನು ಮಾಡುವ ಗುರಿ ಇದೆ.