ಹಡಪ್ಸರ್ (ಪುಣೆ): ಅಪರಿಚಿತರಿಂದ ಶ್ರೀ ಗಣೇಶ ಮೂರ್ತಿಗಳ ಧ್ವಂಸ!

10-12 ಗಣೇಶ ಮೂರ್ತಿಗಳನ್ನು ಧ್ವಂಸಗೊಳಿಸಿ ಅದರ ಮೇಲೆ ಮೂತ್ರ ವಿಸರ್ಜನೆ!

(ಯಾರಿಗೂ ನೋವುಂಟು ಮಾಡುವ ಉದ್ದೇಶದಿಂದ ಈ ಫೋಟೋಗಳನ್ನು ಪ್ರಕಟಿಸುತ್ತಿಲ್ಲ, ಬದಲಾಗಿ ವಸ್ತುಸ್ಥಿತಿಯನ್ನು ಮುಂದಿಡುವುದೇ ನಮ್ಮ ಉದ್ದೇಶವಾಗಿದೆ.)

ಪುಣೆ – ಸಾಂಸ್ಕೃತಿಕ ರಾಜಧಾನಿ ಎಂದು ಪ್ರಸಿದ್ಧವಾಗಿರುವ ಪುಣೆಯಲ್ಲಿ ಗಣೇಶ ಹಬ್ಬದ ಸಮಯದಲ್ಲಿ ಹಿಂದೂಗಳ ಧಾರ್ಮಿಕ ಭಾವನೆಗಳಿಗೆ ನೋವುಂಟು ಮಾಡುವ ಘಟನೆ ಬೆಳಕಿಗೆ ಬಂದಿದೆ. ಹಡಪ್ಸರ್‌ನ ಭೋಸಲೆ ಗಾರ್ಡನ್‌ನಲ್ಲಿರುವ ಒಂದು ಗಣಪತಿ ಮೂರ್ತಿಗಳ ಮಾರಾಟ ಕೇಂದ್ರವನ್ನು ಅಪರಿಚಿತ ವ್ಯಕ್ತಿಗಳು ಧ್ವಂಸಗೊಳಿಸಿದ್ದಾರೆ. ಆಗಸ್ಟ್ 19ರ ರಾತ್ರಿ ಈ ಕೃತ್ಯ ನಡೆದಿದ್ದು, ಆಗಸ್ಟ್ 20ರ ಬೆಳಿಗ್ಗೆ ಈ ಘಟನೆ ತಿಳಿದುಬಂದಿದೆ. ಮಾರಾಟ ಕೇಂದ್ರಕ್ಕೆ ಹಾಕಿದ್ದ ಪರದೆಯನ್ನು ಹರಿದು, 10 ರಿಂದ 12 ದೊಡ್ಡ ಶ್ರೀ ಗಣೇಶ ಮೂರ್ತಿಗಳನ್ನು ಒಡೆದು ಹಾಕಲಾಗಿದೆ.

🚨 Hadapsar, Pune: 10–12 Shri Ganesh vigrahas vandalised & even urinated upon inside a stall!

At the onset of Ganesh Festival, this heinous act is a direct assault on Hindu sentiments.

⚠️ Govt & Police must act NOW — identify culprits & ensure the strictest punishment!… pic.twitter.com/ekMVpTw1c7

— Sanatan Prabhat (@SanatanPrabhat) August 20, 2025

ಅಲ್ಲದೆ, ಅಲ್ಲಿ ಮೂತ್ರ ವಿಸರ್ಜನೆಯನ್ನೂ ಸಹ ಮಾಡಲಾಗಿದೆ. ಈ ಘಟನೆಯ ಬಗ್ಗೆ ‘ಹಿಂದ್ ಸಾಗರ್’ ಎಂಬ ‘ಎಕ್ಸ್’ ಖಾತೆಯಲ್ಲಿ ಪೋಸ್ಟ್ ಮಾಡಲಾಗಿದೆ. ಈ ಘಟನೆ ಅತ್ಯಂತ ಖಂಡನೀಯ ಮತ್ತು ದುರದೃಷ್ಟಕರವಾಗಿದ್ದು, ಇದರ ಹಿಂದೆ ಯಾರದ್ದೋ ಉದ್ದೇಶಪೂರ್ವಕ ಸಂಚು ಇರಬಹುದೆಂದು ಶಂಕೆ ವ್ಯಕ್ತಪಡಿಸಲಾಗಿದೆ. ಈ ಬಗ್ಗೆ ಹಿಂದೂ ಜನಜಾಗೃತಿ ಸಮಿತಿಯ ಶ್ರೀ.ಪರಾಗ್ ಗೋಖಲೆ ಅವರು ಮಾತನಾಡಿ, ಪುಣೆಯಂತಹ ಸಾಂಸ್ಕೃತಿಕ ರಾಜಧಾನಿಯಲ್ಲಿ ಇಂತಹ ಘಟನೆಗಳು ನಡೆಯುತ್ತಿರುವುದು ಅತ್ಯಂತ ಬೇಸರ ತಂದಿದೆ. ಸರಕಾರ ತಕ್ಷಣವೇ ಈ ಬಗ್ಗೆ ಗಮನಹರಿಸಿ, ಈ ಕೃತ್ಯ ಮಾಡಿದವರನ್ನು ಪತ್ತೆ ಹಚ್ಚಿ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ. ಈ ಕುರಿತು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸುವ ಪ್ರಕ್ರಿಯೆ ನಡೆಯುತ್ತಿದೆ.