‘ಭಾರತ ರಷ್ಯಾದಿಂದ ತೈಲ ಖರೀದಿಸಿ ಉಕ್ರೇನ್ ವಿರುದ್ಧದ ಯುದ್ಧಕ್ಕೆ ಪ್ರಚೋದನೆ ನೀಡುತ್ತಿದೆಯಂತೆ’

ಅಮೇರಿಕಾದ ಅಧ್ಯಕ್ಷರ ವ್ಯಾಪಾರ ಸಲಹೆಗಾರ ಪೀಟರ್ ನವಾರೊ ಅವರ ಆಕ್ಷೇಪ

ವಾಷಿಂಗ್ಟನ್ (ಅಮೇರಿಕಾ) – ಭಾರತವು ರಷ್ಯಾದ ತೈಲವನ್ನು ಖರೀದಿಸುತ್ತಿರುವುದರಿಂದಲೇ ರಷ್ಯಾಗೆ ಉಕ್ರೇನ್‌ ನೊಂದಿಗೆ ಯುದ್ಧವನ್ನು ಮುಂದುವರಿಸಲು ಆರ್ಥಿಕ ಸಹಾಯ ಸಿಗುತ್ತಿದೆಯೆಂದು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ವ್ಯಾಪಾರ ಸಲಹೆಗಾರ ಪೀಟರ್ ನವಾರೊ ಅವರು ಒಂದು ಲೇಖನದಲ್ಲಿ ಹೇಳಿದ್ದಾರೆ. ನವಾರೊ ಅವರ ಲೇಖನದ ಶೀರ್ಷಿಕೆಯೇ ‘ಭಾರತದ ತೈಲ ಶಕ್ತಿಯು ಪುಟಿನ್ ಅವರ ಯುದ್ಧ ಯಂತ್ರಕ್ಕೆ ಹಣಕಾಸು ಒದಗಿಸುತ್ತಿದೆ!’ ಎಂದು ತೀಕ್ಷ್ಣವಾಗಿದ್ದು ಭಾರತ ವಿರೋಧಿಯಾಗಿದೆ. ಅವರು ತಮ್ಮ ಲೇಖನದಲ್ಲಿ ಭಾರತದ ಆರ್ಥಿಕ ಬೆಂಬಲದಿಂದಾಗಿ ರಷ್ಯಾ ಉಕ್ರೇನ್ ಮೇಲೆ ನಿರಂತರವಾಗಿ ದಾಳಿ ಮಾಡುತ್ತಿದೆ, ಇದರಿಂದ ಅಮೇರಿಕಾ ಮತ್ತು ಯುರೋಪಿನ ತೆರಿಗೆದಾರರು ಉಕ್ರೇನ್ ಅನ್ನು ರಕ್ಷಿಸಲು ಶತಕೋಟಿ ಡಾಲರ್‌ಗಳನ್ನು ಖರ್ಚು ಮಾಡಬೇಕಾಗಿದೆ ಎಂದು ಬರೆದಿದ್ದಾರೆ.

ನವಾರೊ ಅವರು ಲೇಖನದಲ್ಲಿ, ಭಾರತ ರಷ್ಯಾಕ್ಕೆ ನೀಡುತ್ತಿರುವ ಆರ್ಥಿಕ ಸಹಾಯದಿಂದಾಗಿಯೇ ಅಮೇರಿಕಾ ಭಾರತದ ಮೇಲೆ ಹೆಚ್ಚಿನ ಆಮದು ತೆರಿಗೆಯನ್ನು ಹೇರಿದೆ. ವ್ಯಾಪಾರದ ಅಡೆತಡೆಗಳಿಂದಾಗಿ, ಭಾರತವೇ ಅಮೇರಿಕಾದ ರಫ್ತುಗಳಿಗೆ ತನ್ನ ಬಾಗಿಲುಗಳನ್ನು ಮುಚ್ಚಿಕೊಳ್ಳುತ್ತಿದೆ ಎಂದು ಹೇಳಿದ್ದಾರೆ.

‘ಭಾರತವು ರಷ್ಯಾ ಮತ್ತು ಚೀನಾ ಜೊತೆಗಿನ ನಿಕಟತೆಯನ್ನು ನಿಲ್ಲಿಸಬೇಕು!’

ನವಾರೊ ಅವರು ತಮ್ಮ ಲೇಖನದಲ್ಲಿ, ಅಮೇರಿಕಾದ ಕಾರ್ಯತಂತ್ರದ ಪಾಲುದಾರನಾಗಲು ಭಾರತವು ರಷ್ಯಾ ಮತ್ತು ಚೀನಾ ಜೊತೆಗಿನ ತನ್ನ ನಿಕಟತೆಯನ್ನು ಕೊನೆಗೊಳಿಸಬೇಕು. ಸಂಪೂರ್ಣ ಲೇಖನದಲ್ಲಿ ನವಾರೊ ಅವರು ಭಾರತಕ್ಕೆ ಹಲವಾರು ಸಲಹೆಗಳನ್ನು ನೀಡಿದ್ದಾರೆ. ಒಟ್ಟಾರೆಯಾಗಿ, ನವಾರೊ ಅವರು ತಮ್ಮ ಲೇಖನದ ಮೂಲಕ ಭಾರತವನ್ನು ಖಳನಾಯಕನಂತೆ ಬಿಂಬಿಸಲು ಪ್ರಯತ್ನ ಮಾಡಿದ್ದಾರೆ.