ಸತ್ಯಕ್ಕೆ ಜಯ ಸಿಕ್ಕರೂ, ಷಡ್ಯಂತ್ರ ರೂಪಿಸಿದವರಿಗೆ ಶಿಕ್ಷೆಯಾದಾಗ ಮಾತ್ರ ಸಂಪೂರ್ಣ ನ್ಯಾಯ ! – ಸನಾತನ ಸಂಸ್ಥೆ

ಮುಂಬಯಿ – ಮಾಲೇಗಾಂವ್ ಬಾಂಬ್ ಸ್ಫೋಟದಲ್ಲಿ ಎಲ್ಲಾ ಹಿಂದುತ್ವನಿಷ್ಠಗಳನ್ನು ನಿರಪರಾಧಿಗಳೆಂದು ಬಿಡುಗಡೆ ಮಾಡಲಾಯಿತು, ಅಂತಿಮವಾಗಿ ನ್ಯಾಯದೇವಿಯ ದೇವಸ್ಥಾನದಲ್ಲಿ ಮತ್ತೊಮ್ಮೆ ‘ಸತ್ಯಕ್ಕೆ ಜಯ’ ಸಿಕ್ಕಿತು. ಧರ್ಮನಿಷ್ಠೆಗೆ ಜಯವಾಯಿತು. ಈ ನಿರ್ಧಾರವು ಹಿಂದೂ ಸಮಾಜಕ್ಕೆ ಐತಿಹಾಸಿಕವಾಗಿದೆ. ಸನಾತನ ಸಂಸ್ಥೆಯು ನಿರಪರಾಧಿಯಾಗಿ ಬಿಡುಗಡೆಯಾದ ಎಲ್ಲಾ ರಾಷ್ಟ್ರನಿಷ್ಠರಿಗೆ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸುತ್ತದೆ. ಈ ನಿರ್ಧಾರದಿಂದ ಅನ್ಯಾಯವು ನಿವಾರಣೆಯಾಗುವುದರ ಜೊತೆಗೆ, ‘ಹಿಂದೂ ಭಯೋತ್ಪಾದನೆ’ಯನ್ನು ಪ್ರಚುರಪಡಿಸುವ ಷಡ್ಯಂತ್ರವೂ ಸುಳ್ಳು ಎಂದು ಸಾಬೀತಾಗಿದೆ. ಇಂದು ಹಿಂದುತ್ವನಿಷ್ಠಗಳು ನಿರಪರಾಧಿಗಳಾಗಿ ಬಿಡುಗಡೆಯಾಗಿದ್ದಾರೆ; ಆದರೆ ಹಿಂದೂಗಳನ್ನು ಸಿಕ್ಕಿಹಾಕಿಕೊಂಡ, ಸುಳ್ಳು ಪುರಾವೆಗಳನ್ನು ಸಲ್ಲಿಸಿದ ಮತ್ತು ಸಾಧ್ವಿಜೀ ಸೇರಿದಂತೆ ಎಲ್ಲರಿಗೂ ಜೈಲಿನಲ್ಲಿ ಅಮಾನವೀಯ ದೌರ್ಜನ್ಯಗಳನ್ನು ನಡೆಸಿದ ಷಡ್ಯಂತ್ರಕಾರಿ ಶಕ್ತಿಗಳಿಗೆ ಶಿಕ್ಷೆಯಾಗುವವರೆಗೂ ಸಂಪೂರ್ಣ ನ್ಯಾಯ ದೊರೆತಿದೆ ಎಂದು ಹೇಳಲಾಗುವುದಿಲ್ಲ. ಇವರೆಲ್ಲರ ವಿರುದ್ಧ ಕ್ರಮ ಕೈಗೊಳ್ಳಲೇಬೇಕು ಎಂದು ಸನಾತನ ಸಂಸ್ಥೆಯ ರಾಷ್ಟ್ರೀಯ ವಕ್ತಾರ ಶ್ರೀ ಅಭಯ ವರ್ತಕ ಅವರು ಮಾಲೇಗಾಂವ್ ಬಾಂಬ್ ಸ್ಫೋಟ ಪ್ರಕರಣದ ನ್ಯಾಯಾಲಯದ ತೀರ್ಪಿನ ನಂತರ ಒತ್ತಾಯಿಸಿದ್ದಾರೆ.

ಶ್ರೀ. ವರ್ತಕ ಅವರು ಮಾತು ಮುಂದುವರೆಸಿ,

೧. ಪರಮಬೀರ್ ಸಿಂಗ್ ಮತ್ತು ಇತರ ಅಧಿಕಾರಿಗಳು ಸುಳ್ಳು ಪುರಾವೆಗಳನ್ನು ಸೃಷ್ಟಿಸಿದರು!

ನಿರಪರಾಧಿಯಾಗಿ ಬಿಡುಗಡೆಯಾದ ಹಿಂದೂಗಳು ‘ಕೇಸರಿ ಭಯೋತ್ಪಾದನೆ’ ಮತ್ತು ‘ಹಿಂದೂ ಭಯೋತ್ಪಾದನೆ’ಯ ಸುಳ್ಳು ಆರೋಪಗಳನ್ನು ಹೊತ್ತುಕೊಂಡು ಹಲವು ವರ್ಷಗಳ ಕಾಲ ಅನ್ಯಾಯವಾಗಿ ಜೈಲು ಶಿಕ್ಷೆಯನ್ನು ಅನುಭವಿಸಿದರು. ಈ ಪ್ರಕರಣದಲ್ಲಿ ಅಂದಿನ ತನಿಖಾ ಸಂಸ್ಥೆಗಳು ಅತ್ಯಂತ ಪಕ್ಷಪಾತ ಮತ್ತು ಪೂರ್ವಗ್ರಹ ಪೀಡಿತ ನಿಲುವನ್ನು ಹೊಂದಿದ್ದವು. ವಿಶೇಷವಾಗಿ ಅಂದಿನ ಹಿರಿಯ ಪೊಲೀಸ್ ಅಧಿಕಾರಿ ಪರಮಬೀರ್ ಸಿಂಗ್ ಮತ್ತು ಅವರಂತಹ ಅಧಿಕಾರಿಗಳು ರಾಜಕೀಯ ಒತ್ತಡಕ್ಕೆ ಒಳಗಾಗಿ ಸುಳ್ಳು ಪುರಾವೆಗಳನ್ನು ಸೃಷ್ಟಿಸಿದರು. ನಿರಪರಾಧಿ ವ್ಯಕ್ತಿಗಳನ್ನು ಬಲವಂತವಾಗಿ ಅಪರಾಧಿಗಳೆಂದು ಘೋಷಿಸಲು ಪ್ರಯತ್ನಿಸಿದರು.

೨. ಕಾಂಗ್ರೆಸ್ ನಾಯಕರಾದ ದಿಗ್ವಿಜಯ ಸಿಂಗ್, ಪಿ. ಚಿದಂಬರಂ ಮತ್ತು ಸುಶೀಲ ಕುಮಾರ್ ಶಿಂಧೆ ಹಿಂದೂಗಳನ್ನು ಭಯೋತ್ಪಾದಕರೆಂದು ಬಿಂಬಿಸಿದರು!

ಅಂದಿನ ಕಾಂಗ್ರೆಸ್ ನಾಯಕರಾದ ದಿಗ್ವಿಜಯ ಸಿಂಗ್, ಪಿ. ಚಿದಂಬರಂ ಮತ್ತು ಸುಶೀಲ ಕುಮಾರ್ ಶಿಂಧೆ ಅವರು ‘ಕೇಸರಿ ಭಯೋತ್ಪಾದನೆ’ ಎಂಬ ಪದದ ಪ್ರಚಾರ ಮಾಡಿ ಹಿಂದೂಗಳನ್ನು ಭಯೋತ್ಪಾದಕರೆಂದು ಬಿಂಬಿಸಲು ಪ್ರಯತ್ನಿಸಿದರು.

೩. ಸನಾತನದ ನಿರಪರಾಧಿ ಸಾಧಕರನ್ನೂ ಸಿಲುಕಿಸಲಾಯಿತು!

2009ರಲ್ಲಿ ಇದೇ ಕಾಂಗ್ರೆಸ್ ಮಡ್ಗಾಂವ್ ಬಾಂಬ್ ಸ್ಫೋಟ ಪ್ರಕರಣದಲ್ಲಿ ಸನಾತನ ಸಂಸ್ಥೆಯ ಸಾಧಕರನ್ನು ಷಡ್ಯಂತ್ರವಾಗಿ ಸಿಲುಕಿಸಲಾಯಿತು ಮತ್ತು 2013ರಲ್ಲಿ ನ್ಯಾಯಾಲಯವು ಸನಾತನದ ಎಲ್ಲಾ ಸಾಧಕರನ್ನು ನಿರಪರಾಧಿಗಳೆಂದು ಬಿಡುಗಡೆ ಮಾಡಿತು, ಅದೇ ರೀತಿ 2008ರಲ್ಲಿ ಷಡ್ಯಂತ್ರವಾಗಿ ಸಿಲುಕಿಸಿದವರನ್ನು 17 ವರ್ಷಗಳ ನಂತರ ನ್ಯಾಯಾಲಯ ನಿರಪರಾಧಿಗಳೆಂದು ಬಿಡುಗಡೆ ಮಾಡಿದೆ.

೪. ಹಿಂದೂ ಸಮಾಜವನ್ನು ಭಯೋತ್ಪಾದಕರೆಂದು ಬಿಂಬಿಸುವ ಪಾಪವನ್ನು ಕಾಂಗ್ರೆಸ್ ಮಾಡಿತು; ಆದರೆ ನ್ಯಾಯದೇವತೆ ಹಿಂದೂ ಸಮಾಜಕ್ಕೆ ನ್ಯಾಯ ನೀಡಿತು.