‘ಲಷ್ಕರ್-ಎ-ತೊಯ್ಬಾ’ ನೆರವಿಲ್ಲದೆ ಪಹಲ್ಗಾಮ್ ಆಕ್ರಮಣ ಅಸಾಧ್ಯ!

ಸಂಯುಕ್ತ ರಾಷ್ಟ್ರ ಭದ್ರತಾ ಮಂಡಳಿಯ ವರದಿಯಲ್ಲಿ ಪಾಕಿಸ್ತಾನದ ಭಯೋತ್ಪಾದಕ ಮುಖವಾಡ ಮತ್ತೊಮ್ಮೆ ಬಹಿರಂಗ!

ನ್ಯೂಯಾರ್ಕ್ (ಅಮೇರಿಕಾ) – ‘ದಿ ರೆಸಿಸ್ಟೆನ್ಸ್ ಫ್ರಂಟ್’ (ಟಿ.ಆರ್.ಎಫ್.) ಎಂಬ ಭಯೋತ್ಪಾದಕ ಸಂಘಟನೆಯು ಎರಡು ಬಾರಿ ಪಹಲ್ಗಾಮ್ ಆಕ್ರಮಣದ ಹೊಣೆ ಹೊತ್ತು, ಆಕ್ರಮಣ ನಡೆದ ಸ್ಥಳದ ಛಾಯಾಚಿತ್ರಗಳನ್ನು ಪ್ರಸಾರ ಮಾಡಿತ್ತು. ಪಾಕಿಸ್ತಾನದ ‘ಲಷ್ಕರ್-ಎ-ತೊಯ್ಬಾ’ ಭಯೋತ್ಪಾದಕ ಸಂಘಟನೆಯ ನೆರವಿಲ್ಲದೆ ಈ ಆಕ್ರಮಣ ಸಾಧ್ಯವಿಲ್ಲ ಎಂದು ಸಂಯುಕ್ತ ರಾಷ್ಟ್ರ ಭದ್ರತಾ ಮಂಡಳಿಯ ತಂಡದ ವರದಿಯಲ್ಲಿ ತಿಳಿಸಲಾಗಿದೆ. ಇದರಿಂದ ‘ಈ ಆಕ್ರಮಣವನ್ನು ಪಾಕಿಸ್ತಾನವೇ ನಡೆಸಿತ್ತು’ ಎಂಬುದು ಮತ್ತೊಮ್ಮೆ ಸ್ಪಷ್ಟವಾಗಿದೆ. ಇತ್ತೀಚೆಗೆ ‘ಟಿ.ಆರ್.ಎಫ್.’ ಅನ್ನು ಅಮೇರಿಕಾ ಜಾಗತಿಕ ಭಯೋತ್ಪಾದಕ ಸಂಘಟನೆ ಎಂದು ಘೋಷಿಸಿದೆ.

ಸಂಯುಕ್ತ ರಾಷ್ಟ್ರ ಭದ್ರತಾ ಮಂಡಳಿಯಲ್ಲಿ ಭಯೋತ್ಪಾದಕ ಸಂಘಟನೆಗಳ ಮೇಲೆ ನಿಗಾ ಇಡುವ ತಂಡವು ತನ್ನ 36ನೇ ವರದಿಯನ್ನು ಸಲ್ಲಿಸಿದೆ. ಅದರಲ್ಲಿ, ‘ಟಿ.ಆರ್.ಎಫ್.’ ಎರಡನೇ ದಿನವೂ ಪಹಲ್ಗಾಮ್ ಆಕ್ರಮಣದ ಹೊಣೆ ಹೊತ್ತಿತ್ತು; ಆದರೆ ಏಪ್ರಿಲ್ 26 ರಂದು ತನ್ನ ಹೇಳಿಕೆಯನ್ನು ಹಿಂಪಡೆದಿತ್ತು ಎಂದು ಹೇಳಲಾಗಿದೆ. ಅದರ ನಂತರ ಆ ಸಂಘಟನೆ ಯಾವುದೇ ಹೇಳಿಕೆಯನ್ನು ನೀಡಿಲ್ಲ, ಅಥವಾ ಬೇರೆ ಯಾವುದೇ ಭಯೋತ್ಪಾದಕ ಸಂಘಟನೆ ಈ ಆಕ್ರಮಣದ ಹೊಣೆಯನ್ನು ಹೊತ್ತಿಲ್ಲ.