ವಧುವಿನ ಬಾಯಿಂದ ‘ಯಾ ಅಲ್ಲಾ’ ಬರುತ್ತಿದ್ದಂತೆ ಬಯಲಾಯಿತು ರಹಸ್ಯ, ‘ನಿಕಿತಾ’ ಸೋಗಿನಲಲ್ಲಿದ್ದ “ನಾಜಿಯಾ”

ಇಂದೋರ (ಮಧ್ಯಪ್ರದೇಶ) – ನಗರದ ಸಮೀಪದ ಹಿಂಗೋನಿಯಾ ಖುರ್ದ್ ಗ್ರಾಮದ ಹಿಂದೂ ಯುವಕನೊಬ್ಬ ‘ನಿಕಿತಾ’ ಎಂಬ ಮಹಿಳೆಯನ್ನು ವಿವಾಹವಾದನು. ಮದುವೆಯ ನಂತರ ಅತ್ತೆಮನೆಗೆ ತಲುಪುತ್ತಲೇ ಈ ಮಹಿಳೆಯ ಬಾಯಿಂದ ‘ಯಾ ಅಲ್ಲಾ’ ಎಂಬ ಶಬ್ದ ಹೊರಬಿದ್ದಾಗ, ಆಕೆ ಮುಸ್ಲಿಂ ಎಂಬುದು ಹಿಂದೂ ಯುವಕನ ಕುಟುಂಬಕ್ಕೆ ತಿಳಿಯಿತು. ನಂತರ ವಿಚಾರಣೆ ನಡೆಸಿದಾಗ, ಈ ಯುವತಿಯ ಹೆಸರು ನಾಜಿಯಾ ಎಂದೂ, ಆಕೆ ವಿವಾಹಿತೆಯಾಗಿದ್ದು, 5 ವರ್ಷದ ಮಗುವಿರುವುದು ತಿಳಿದುಬಂದಿದೆ. ಆಕೆಯ ನಿಜವಾದ ಸ್ವರೂಪ ಬಯಲಾಗುತ್ತಿದ್ದಂತೆ, ಆಕೆ ಮನೆಯಿಂದ 3 ಲಕ್ಷ ರೂಪಾಯಿ ಮತ್ತು ಇತರ ಸಾಮಾನುಗಳನ್ನು ತೆಗೆದುಕೊಂಡು ಪರಾರಿಯಾದಳು. ಈ ಸಂಬಂಧ ಹಿಂದೂ ಕುಟುಂಬವು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದೆ.

ಹಿಂದೂ ಯುವಕನ ನಿಯೋಜಿತ ರೀತಿಯಲ್ಲಿ ವಂಚನೆ

ಹಿಂಗೋನಿಯಾ ಖುರ್ದ್ ಗ್ರಾಮದ ಸಂತ್ರಸ್ತ ಹಿಂದೂ ಯುವಕನ ಅಣ್ಣನಿಗೆ ಮುಕೇಶ ಮರಾಠಾ ಮತ್ತು ಕೋಮಲ ಪಠಾಣ ಎಂಬುವವರ ಪರಿಚಯವಾಯಿತು. ಈ ದಲ್ಲಾಳಿಗಳು ಎರಡೂವರೆ ಲಕ್ಷ ರೂಪಾಯಿ ಪಡೆದು, ಸಂತ್ರಸ್ತ ಯುವಕನ ಮದುವೆಯನ್ನು ‘ನಿಕಿತಾ’ ಎಂಬ ಯುವತಿಯೊಂದಿಗೆ 2025ರ ಫೆಬ್ರವರಿ 26 ರಂದು ಮಾಡಿಸಿದರು. ಈ ಯುವತಿ ‘ಬ್ರಾಹ್ಮಣಳು ಮತ್ತು ಅವಿವಾಹಿತೆ’ ಎಂದು ಅವರಿಗೆ ತಿಳಿಸಲಾಗಿತ್ತು. ಕೆಲವು ದಿನಗಳ ನಂತರ ಆಕೆಯ ನಿಜವಾದ ಗುರುತು ಬಯಲಾದಾಗ, ಕೋಮಲ ಪಠಾಣ ಆಕೆಯನ್ನು ಬೇರೆಡೆಗೆ ಮದುವೆ ಮಾಡಿಸಲು ಕರೆದುಕೊಂಡು ಹೋದಳು; ಆದರೆ 3 ದಿನಗಳ ನಂತರ ನಾಜಿಯಾ ಮರಳಿ ಬಂದಳು. ತದನಂತರ ಶಹನವಾಜ ಉರ್ಫ್ ಶಾನು ಎಂಬ ವ್ಯಕ್ತಿಯಿಂದ ಸಂತ್ರಸ್ತ ಯುವಕನಿಗೆ ದೂರವಾಣಿ ಕರೆ ಬಂದಿತು. ಆತ ತಾನು ನಾಜಿಯಾನ ಪತಿ ಎಂದು ಹೇಳಿದನು ಮತ್ತು ಅವರಿಗೆ 5 ವರ್ಷದ ಮಗನಿದ್ದಾನೆ ಎಂದೂ ಸ್ಪಷ್ಟಪಡಿಸಿದನು. ಆ ನಂತರ ನಾಜಿಯಾ ಮನೆಯಲ್ಲಿದ್ದ ಲಕ್ಷಾಂತರ ರೂಪಾಯಿಗಳನ್ನು ತೆಗೆದುಕೊಂಡು ಪರಾರಿಯಾದಳು.