ಹರಿದ್ವಾರ (ಉತ್ತರಾಖಂಡ) ಇಲ್ಲಿನ ಮಾನಸಾ ದೇವಿ ದೇವಾಲಯದ ಬಳಿ ಕಾಲ್ತುಳಿತ: 6 ಸಾವು, 35 ಜನರಿಗೆ ಗಾಯ

ಮಂದಿರಕ್ಕೆ ಹೋಗುವ ಮೆಟ್ಟಿಲುಗಳ ಮೇಲೆ ವಿದ್ಯುತ್ ಪ್ರವಾಹದ ವದಂತಿ ಹರಡಿದ್ದರಿಂದ ಅಪಘಾತ

ಹರಿದ್ವಾರ (ಉತ್ತರಾಖಂಡ) – ಜುಲೈ 28 ರಂದು ಬೆಳಿಗ್ಗೆ 9:15 ಕ್ಕೆ ಹರಿದ್ವಾರದ ಮಾನಸಾ ದೇವಿ ದೇವಾಲಯದ ಹೊರಗೆ ಸಂಭವಿಸಿದ ಕಾಲ್ತುಳಿತದಲ್ಲಿ, ಇಲ್ಲಿಯವರೆಗೆ 6 ಜನರು ಸಾವನ್ನಪ್ಪಿದ್ದು, 35 ಜನರು ಗಾಯಗೊಂಡಿದ್ದಾರೆ. “ದೇವಾಲಯಕ್ಕೆ ಹೋಗುವ ಮೆಟ್ಟಿಲುಗಳ ಮೇಲೆ ವಿದ್ಯುತ್ ಪ್ರವಾಹವಿದೆ ಎಂಬ ವದಂತಿ ಹರಡಿದ್ದರಿಂದ ಹೆದರಿದ ಜನರು ಓಡಲು ಪ್ರಾರಂಭಿಸಿದರು,” ಎಂದು ಪೊಲೀಸರು ತಿಳಿಸಿದ್ದಾರೆ. ಮತ್ತೊಂದೆಡೆ, ಗಡ್ವಾಲ್ ವಿಭಾಗದ ಆಯುಕ್ತ ವಿನಯ ಶಂಕರ ಪಾಂಡೆ ಅವರು, ದೇವಾಲಯದಲ್ಲಿ ಅತಿಯಾದ ಜನಸಂದಣಿಯಿಂದ ಈ ಅಪಘಾತ ಸಂಭವಿಸಿದೆ ಎಂದು ಹೇಳಿದರು.

ಮಾನಸಾ ದೇವಿ ದೇವಾಲಯವು ಹರಿದ್ವಾರದ ಶಿವಾಲಿಕ ಬೆಟ್ಟಗಳಲ್ಲಿರುವ ಬಿಲ್ವ ಪರ್ವತದ ಮೇಲೆ ಇದೆ. ಇದು ಹರ್-ಕಿ-ಪೌಡಿಯಿಂದ 3 ಕಿ.ಮೀ ದೂರದಲ್ಲಿದ್ದು ಅಲ್ಲಿಂದ 1.5 ಕಿ.ಮೀ ಏರಿ ಹೋಗಿ (ಹತ್ತುವುದರ ಮೂಲಕ) ಅಥವಾ ‘ರೋಪ್ ವೇ’ (ಹಗ್ಗದ ಮೂಲಕ) ಮೂಲಕ ತಲುಪಬಹುದು.