ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಮಹಿಳಾ ಪೊಲೀಸ್ ಅಧಿಕಾರಿಗೆ ಗಂಡನ ಮನೆಯವರಲ್ಲಿ ಕ್ಷಮೆ ಕೇಳುವಂತೆ ಸರ್ವೋಚ್ಚ ನ್ಯಾಯಾಲಯದ ಆದೇಶ

ಮಹಿಳಾ ಪೊಲೀಸ್ ಅಧಿಕಾರಿಗೆ ಗಂಡನ ಮನೆಯವರಲ್ಲಿ ಕ್ಷಮೆ ಕೇಳುವಂತೆ ಸರ್ವೋಚ್ಚ ನ್ಯಾಯಾಲಯದ ಆದೇಶ

  • ಗಂಡ, ಅತ್ತೆ ಮತ್ತು ಮಾವನ ವಿರುದ್ಧ ಸುಳ್ಳು ಮೊಕದ್ದಮೆಗಳನ್ನು ದಾಖಲಿಸಿದ ಪ್ರಕರಣ

  • ಕ್ಷಮಾಪಣೆಯ ಪತ್ರವನ್ನು ಆಂಗ್ಲ ಮತ್ತು ಹಿಂದಿ ದಿನಪತ್ರಿಕೆಗಳೊಂದಿಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರ ಮಾಡಲು ಆದೇಶ

ನವದೆಹಲಿ – ವೈವಾಹಿಕ ವಿವಾದಗಳಿಂದಾಗಿ ಗಂಡ, ಅತ್ತೆ ಮತ್ತು ಮಾವನ ವಿರುದ್ಧ ಹಲವು ಸುಳ್ಳು ಕ್ರಿಮಿನಲ ಮೊಕದ್ದಮೆಗಳನ್ನು ದಾಖಲಿಸಿದ್ದ ಮಹಿಳಾ ಪೊಲೀಸ ಅಧಿಕಾರಿಗೆ ಬೇಷರತ್ ಕ್ಷಮೆ ಯಾಚಿಸುವಂತೆ ಸರ್ವೋಚ್ಚ ನ್ಯಾಯಾಲಯವು ಆದೇಶಿಸಿದೆ. ಅಲ್ಲದೆ, ಆಕೆ ದಾಖಲಿಸಿದ್ದ ಎಲ್ಲ ಮೊಕದ್ದಮೆಗಳನ್ನೂ ರದ್ದುಗೊಳಿಸಿದೆ. ನ್ಯಾಯಾಲಯವು, ಮಹಿಳೆ ಮತ್ತು ಆಕೆಯ ಪೋಷಕರು ಸಂತ್ರಸ್ತ ಪತಿ ಮತ್ತು ಆತನ ಕುಟುಂಬ ಸದಸ್ಯರಲ್ಲಿ ಕ್ಷಮೆ ಕೇಳಿ, ಆ ಕ್ಷಮಾಪಣೆ ಪತ್ರವನ್ನು ಆಂಗ್ಲ ಮತ್ತು ಹಿಂದಿ ಭಾಷೆಗಳ ಒಂದು ಪ್ರಸಿದ್ಧ ವೃತ್ತಪತ್ರಿಕೆಯ ರಾಷ್ಟ್ರೀಯ ಆವೃತ್ತಿಯಲ್ಲಿ ಪ್ರಕಟಿಸಬೇಕು. ಅಲ್ಲದೆ, 3 ದಿನಗಳೊಳಗೆ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್‌ನಂತಹ ಸಾಮಾಜಿಕ ಮಾಧ್ಯಮಗಳಲ್ಲೂ ಪ್ರಸಾರ ಮಾಡಬೇಕು ಎಂದು ಆದೇಶಿಸಿದೆ.

ನ್ಯಾಯಾಲಯ `ಈ ಪ್ರಕರಣದಿಂದಾಗಿ ಗಂಡನು 109 ದಿನ ಮತ್ತು ಅವರ ತಂದೆ 103 ದಿನಗಳ ಕಾಲ ಜೈಲಿನಲ್ಲಿ ಕಳೆಯಬೇಕಾಯಿತು. ಅವರು ಅನುಭವಿಸಿದ ಕಷ್ಟಗಳಿಗೆ ಯಾವುದೇ ರೀತಿಯಲ್ಲೂ ಪರಿಹಾರ ನೀಡಲು ಸಾಧ್ಯವಿಲ್ಲ’ ಎಂದು ಹೇಳಿದೆ.

ಸಂಪಾದಕೀಯ ನಿಲುವು

ಮಹಿಳೆ ಮತ್ತು ಅದರಲ್ಲಿಯೂ ಪೊಲೀಸ ಅಧಿಕಾರಿಯಾಗಿರುವುದರ ದುರುಪಯೋಗ ಪಡೆದು ಈ ರೀತಿಯ ಕಿರುಕುಳ ನೀಡುವವರಿಗೆ ಈ ಶಿಕ್ಷೆಯು ಕಡಿಮೆಯೆಂದೇ ಹೇಳಬಹುದು !

ಸಂಬಂಧಿತ ಲೇಖನಗಳು