ಜಗನ್ನಾಥ ರಥಯಾತ್ರೆಯಲ್ಲಿ ನೂಕುನುಗ್ಗಲು: 600 ಭಕ್ತರಿಗೆ ಗಾಯ!

ಕಳೆದ ವರ್ಷವೂ ನೂಕುನುಗ್ಗಲು ಸಂಭವಿಸಿತ್ತು!

ಜಗನ್ನಾಥಪುರಿ (ಒಡಿಶಾ) – ಇಲ್ಲಿ ಜಗನ್ನಾಥ ರಥಯಾತ್ರೆಯ ಸಮಯದಲ್ಲಿ ನೂಕುನುಗ್ಗಲು ಸಂಭವಿಸಿ 600ಕ್ಕೂ ಹೆಚ್ಚು ಭಕ್ತರು ಗಾಯಗೊಂಡಿದ್ದಾರೆ. ಈ ಘಟನೆ ನಗರದ ಶ್ರೀ ನಹರ (ರಾಜನ ಅರಮನೆ) ಬಳಿ ನಡೆದಿದೆ ಎಂದು ತಿಳಿದುಬಂದಿದೆ. ಗಾಯಗೊಂಡವರಲ್ಲಿ ಕೆಲವರು ಪ್ರಜ್ಞೆ ತಪ್ಪಿ ಬಿದ್ದಿದ್ದರು. ಅವರನ್ನು ಪುರಿಯಲ್ಲಿನ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿದೆ.

ರಥಯಾತ್ರೆಯ ಮೊದಲ ದಿನ, ಅಂದರೆ ಜೂನ್ 27 ರಂದು, ‘ಪಹಾಡಿ’ ಸಮಾರಂಭದ ಸಮಯದಲ್ಲಿ ಗಜಪತಿ ದಿವ್ಯ ಸಂಘದೇವರ ಅರಮನೆಯ ಬಳಿ ಜನಸಂದಣಿ ಸೇರಿತ್ತು. ಅದನ್ನು ನಿಯಂತ್ರಿಸಲು ಆಡಳಿತಕ್ಕೆ ತೊಂದರೆಯಾಗುತ್ತಿತ್ತು. ಈ ಸಮಯದಲ್ಲಿ ಭಕ್ತರ ನಡುವೆ ಗೊಂದಲ ಉಂಟಾಗಿ ನೂಕುನುಗ್ಗಲು ಸಂಭವಿಸಿತು. ಕಳೆದ ವರ್ಷವೂ ರಥಯಾತ್ರೆಯ ಸಮಯದಲ್ಲಿ ನೂಕುನುಗ್ಗಲು ಉಂಟಾಗಿ ಒಬ್ಬ ಭಕ್ತನ ಸಾವಾಗಿತ್ತು.