Barack Obama Statement : ಅಮೆರಿಕಾದ ಸರಕಾರ ಪ್ರಜಾಪ್ರಭುತ್ವವನ್ನು ದುರ್ಬಲಗೊಳಿಸುತ್ತಿದೆ! – ಅಮೆರಿಕಾದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ

ಅಮೆರಿಕಾದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಅವರಿಂದ ಟ್ರಂಪ್ ಸರಕಾರದ ಮೇಲೆ ಟೀಕೆ

ವಾಷಿಂಗ್ಟನ (ಅಮೆರಿಕಾ) – ಇಂದು ಅಮೆರಿಕಾ ಸರಕಾರವನ್ನು ನಡೆಸುತ್ತಿರುವ ಜನರು ಪ್ರಜಾಪ್ರಭುತ್ವದ ಮೂಲಭೂತ ತತ್ವಗಳನ್ನು ದುರ್ಬಲಗೊಳಿಸುತ್ತಿದ್ದಾರೆ. ಪ್ರಜಾಪ್ರಭುತ್ವದಲ್ಲಿ, ಸರಕಾರದಲ್ಲಿ ಒಳಗಿನಿಂದ ಮತ್ತು ಹೊರಗಿನಿಂದ ತಪ್ಪು ವಿಷಯಗಳಿಗೆ ವಿರೋಧವಿರುವುದು ಮಹತ್ವದ್ದಾಗಿದೆ; ಆದರೆ ಈಗ ಹಾಗೆ ಆಗುತ್ತಿಲ್ಲ” ಎಂದು ಅಮೆರಿಕಾದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಅವರು ಇತ್ತೀಚೆಗೆ ಟೀಕಿಸಿದ್ದಾರೆ.

ಅಮೆರಿಕಾದ ಕನೆಕ್ಟಿಕಟ್ ರಾಜ್ಯದ ಹಾರ್ಟ್ಫೋರ್ಡ್ ನಗರದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಅವರು ಮಾತನಾಡುತ್ತಿದ್ದರು.

ಒಬಾಮಾ ಅವರು ಅಮೆರಿಕಾವನ್ನು ಹಂಗೇರಿಯಂತಹ ದೇಶಗಳೊಂದಿಗೆ ಹೋಲಿಸಿದರು, ಅಲ್ಲಿ ಚುನಾವಣೆಗಳು ನಡೆಯುತ್ತವೆ; ಆದರೆ ಜನರ ಧ್ವನಿಗೆ ಗೌರವ ನೀಡಲಾಗುವುದಿಲ್ಲ ಮತ್ತು ನಾಯಕರು ತಮ್ಮಿಷ್ಟದಂತೆ ನಡೆದುಕೊಳ್ಳುತ್ತಾರೆ. ಒಬಾಮಾ ಎಚ್ಚರಿಕೆ ನೀಡುತ್ತಾ, “ಅಮೆರಿಕಾ ಕೂಡ ಇದೇ ಹಾದಿಯಲ್ಲಿ ಸಾಗುತ್ತಿದೆ, ಇಲ್ಲಿ ಕಾನೂನು ಮತ್ತು ಪ್ರಜಾಪ್ರಭುತ್ವದ ನಿಜವಾದ ಭಾವನೆ ದುರ್ಬಲಗೊಳ್ಳುತ್ತಿದೆ” ಎಂದು ಹೇಳಿದರು. 2020 ರಲ್ಲಿ ನಡೆದ ಅಧ್ಯಕ್ಷೀಯ ಚುನಾವಣೆಯ ಉದಾಹರಣೆಯನ್ನು ಒಬಾಮಾ ನೀಡಿದರು, ಅದರಲ್ಲಿ ಬಿಡೆನ್ ಗೆದ್ದರು; ಆದರೆ ಸೋತ ಡೊನಾಲ್ಡ್ ಟ್ರಂಪ್ ಸುಳ್ಳು ವಂಚನೆಯ ಆರೋಪಗಳನ್ನು ಮಾಡಿದರು.