Expel Infiltrators From Assam : ನ್ಯಾಯಾಲಯದ ವಿಚಾರಣೆ ಇಲ್ಲದೆ ಅಕ್ರಮ ನುಸುಳುಕೋರರನ್ನು ಅಸ್ಸಾಂನಿಂದ ಹೋರಹಾಕಬಹುದು

1950 ರ ಸಂಬಂಧಿತ ಕಾನೂನು ಅಸ್ಸಾಂಗೆ ಮಾತ್ರ ಅನ್ವಯಿಸುತ್ತದೆ!

ನವದೆಹಲಿ – ರಾಜ್ಯದಲ್ಲಿರುವ ಬಾಂಗ್ಲಾದೇಶಿ ನುಸುಳುಕೋರರನ್ನು ಹೊರಹಾಕಲು ಅಸ್ಸಾಂ ಸರಕಾರಕ್ಕೆ ಈಗ 75 ವರ್ಷಗಳಷ್ಟು ಹಳೆಯ ಕಾನೂನನ್ನು ಬಳಸಲು ಸಾಧ್ಯವಾಗಲಿದೆ. ಈ ಕಾನೂನಿನ ಪ್ರಕಾರ, ನುಸುಳುಕೋರರನ್ನು ಹೊರಹಾಕಲು ನ್ಯಾಯಾಲಯಕ್ಕೆ ಹೋಗುವ ಅವಶ್ಯಕತೆ ಇರುವುದಿಲ್ಲ. ಈ ಕಾನೂನನ್ನು ಬಳಸಲು ಸುಪ್ರೀಂ ಕೋರ್ಟ್ ಅಸ್ಸಾಂ ಸರಕಾರಕ್ಕೆ ಅನುಮತಿ ನೀಡಿದೆ ಎಂದು ರಾಜ್ಯದ ಮುಖ್ಯಮಂತ್ರಿ ಹಿಮಂತ ಬಿಸ್ವ ಸರಮಾ ಮಾಹಿತಿ ನೀಡಿದರು.

1. ಅಸ್ಸಾಂ ಸರಕಾರವು 1950 ರ ‘ವಲಸೆಗಾರರ ಹೊರಹಾಕುವಿಕೆ ಆದೇಶ’ವನ್ನು ಬಳಸಬಹುದು. ಈ ಕಾನೂನಿನ ಪ್ರಕಾರ, ಜಿಲ್ಲಾಧಿಕಾರಿಗಳಿಗೆ ನುಸುಳುಕೋರರನ್ನು ನೇರವಾಗಿ ದೇಶದಿಂದ ಹೊರಹಾಕುವ ಆದೇಶ ನೀಡುವ ಅಧಿಕಾರವಿದೆ ಎಂದು ಸರಮಾ ಇವರು ಹೇಳಿದರು.

2. ಈ ಕಾನೂನು ಅಸ್ಸಾಂಗೆ ಮಾತ್ರ ಅನ್ವಯಿಸುತ್ತದೆ. ಕೇಂದ್ರ ಸರಕಾರಕ್ಕೆ ಅಸ್ಸಾಂ ಹೊರಗಿನಿಂದ ಬರುವ ವ್ಯಕ್ತಿ ಅಲ್ಲಿನ ಸಾಮಾನ್ಯ ಜನರಿಗೆ ಅಪಾಯಕಾರಿ ಎಂದು ಅನಿಸಿದರೆ, ಸರಕಾರ ಅವರನ್ನು ಹೊರಹಾಕಬಹುದು. ಈ ಅಧಿಕಾರ ಕೇಂದ್ರ ಸರಕಾರದ ಬಳಿ ಇದ್ದರೂ, ಈ ಅಧಿಕಾರವನ್ನು ಅಸ್ಸಾಂ ಸರಕಾರದ ಅಧಿಕಾರಿಗಳಿಗೆ ಕೇಂದ್ರ ಸರಕಾರ ಹಸ್ತಾಂತರಿಸಬಹುದು.