ಜಪಾನ್‌ನ ಖಾಸಗಿ ಸಂಸ್ಥೆಯ ಚಂದ್ರಯಾನ ಯೋಜನೆ ಎರಡನೇ ಬಾರಿ ವಿಫಲ – Japan Moon Landing Project

ಟೋಕಿಯೋ (ಜಪಾನ್) – ಜಪಾನ್‌ನ ಖಾಸಗಿ ಸಂಸ್ಥೆಯಿಂದ ಚಂದ್ರನ ಮೇಲೆ ನೌಕೆಯನ್ನು ಇಳಿಸುವ ಪ್ರಯತ್ನ ಎರಡನೇ ಬಾರಿಗೆ ವಿಫಲವಾಗಿದೆ. ಜಪಾನ್‌ನ ‘ಐಸ್ಪೇಸ್’ (ispace) ಸಂಸ್ಥೆಯು ಕಳುಹಿಸಿದ್ದ ಲ್ಯಾಂಡರ್‌ನೊಂದಿಗಿನ ಸಂಪರ್ಕ ಕಡಿತಗೊಂಡಿದ್ದರಿಂದ ಈ ಯೋಜನೆ ವಿಫಲಗೊಂಡಿತು. ಇದು ಈ ಸಂಸ್ಥೆಯ ಎರಡನೇ ಚಂದ್ರಯಾನ ಯೋಜನೆಯಾಗಿತ್ತು. ಈ ಸಂಸ್ಥೆಯ ‘ರೆಸಿಲಿಯನ್ಸ್’ (Resilience) ಹೆಸರಿನ ಬಾಹ್ಯಾಕಾಶ ನೌಕೆಯು ಜೂನ್ 6 ರಂದು ಬೆಳಿಗ್ಗೆ 4:17 ಕ್ಕೆ ಚಂದ್ರನ ಮೇಲೆ ಇಳಿಯಬೇಕಿತ್ತು. ಆದರೆ, ಯೋಜಿತ ಲ್ಯಾಂಡಿಂಗ್‌ಗೆ ಒಂದು ನಿಮಿಷ ಮೊದಲು ಲ್ಯಾಂಡರ್‌ನೊಂದಿಗಿನ ಸಂಪರ್ಕ ಕಡಿತಗೊಂಡಿತು. ಸಂಪರ್ಕವನ್ನು ಮರುಸ್ಥಾಪಿಸಲು ಪ್ರಯತ್ನಿಸಲಾಯಿತು, ಆದರೆ ಅದು ಯಶಸ್ವಿಯಾಗಲಿಲ್ಲ. ಇದರ ನಂತರ, ಈ ಯೋಜನೆಯು ಕೊನೆಗೊಂಡಿದೆ ಎಂದು ಘೋಷಿಸಲಾಯಿತು. ಈ ಹಿಂದೆ, ‘ಐಸ್ಪೇಸ್’ ಏಪ್ರಿಲ್ 2023 ರಲ್ಲಿ ಮೊದಲ ಬಾರಿಗೆ ಚಂದ್ರನ ಮೇಲೆ ನೌಕೆಯನ್ನು ಇಳಿಸಲು ಪ್ರಯತ್ನಿಸಿತ್ತು. ಜಪಾನ್‌ನ ಸರಕಾರಿ ಬಾಹ್ಯಾಕಾಶ ಸಂಸ್ಥೆಯು 2024 ರಲ್ಲಿ ಚಂದ್ರನ ಮೇಲೆ ಯಶಸ್ವಿಯಾಗಿ ಕಾಲಿಟ್ಟಿದೆ.