India France Rafale Deal : ಭಾರತೀಯ ನೌಕಾಪಡೆಗೆ ಫ್ರಾನ್ಸ್‌ನಿಂದ 26 ರಫೇಲ್ ಕಡಲ ಯುದ್ಧ ವಿಮಾನಗಳ ಸೇರ್ಪಡೆ !

ನವದೆಹಲಿ – ಫ್ರಾನ್ಸ್‌ನಿಂದ 26 ರಫೇಲ್ ನೌಕಾ ಯುದ್ಧ ವಿಮಾನಗಳನ್ನು ಖರೀದಿಸುವ ಒಪ್ಪಂದ ಮಾಡಿಕೊಳ್ಳಲು ಭಾರತ ಸರಕಾರವು ಅನುಮೋದನೆ ನೀಡಿದೆ. 63 ಸಾವಿರ ಕೋಟಿ ರೂಪಾಯಿಗಳಿಗಿಂತ ಹೆಚ್ಚಿನ ಮೌಲ್ಯದ ಈ ಸರಕಾರಿ ಒಪ್ಪಂದ ಶೀಘ್ರದಲ್ಲೇ ಆಗಬಹುದು. ಈ ಒಪ್ಪಂದದ ಪ್ರಕಾರ, ಭಾರತೀಯ ನೌಕಾಪಡೆಗೆ 22 ಏಕ ಆಸನದ ಮತ್ತು 4 ಎರಡು ಆಸನಗಳ ವಿಮಾನಗಳು ಸಿಗುವುದು. ಇದಕ್ಕೂ ಮೊದಲು ಭಾರತವು ತನ್ನ ವಾಯುಪಡೆಗಾಗಿ ಫ್ರಾನ್ಸ್‌ನಿಂದ 59 ರಫೇಲ್ ಯುದ್ಧ ವಿಮಾನಗಳನ್ನು ಖರೀದಿಸಿತ್ತು.

ಭಾರತೀಯ ನೌಕಾಪಡೆಯ ಯುದ್ಧದ ಶಕ್ತಿ ಹೆಚ್ಚಾಗುವುದು!

ಫ್ರಾನ್ಸ್‌ನ ‘ಡಸಾಲ್ಟ್ ಏವಿಯೇಷನ್’​​ ಸಂಸ್ಥೆಯು ನಿರ್ಮಿಸಿದ ಭಾರತೀಯ ವಾಯುಪಡೆಯ ರಫೇಲ್ ವಿಮಾನದಂತೆಯೇ ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ಸಾಮರ್ಥ್ಯಗಳನ್ನು ‘ರಫೇಲ್-ಎಂ ಜೆಟ್‌’ಗಳು ಹೊಂದಿರಲಿವೆ. ಈ ವಿಮಾನಗಳು ಭಾರತೀಯ ನೌಕಾಪಡೆಗೆ ಒಂದು ಹೊಸ ಕ್ರಾಂತಿಯನ್ನು ತರಲಿದ್ದು, ಅದರಿಂದ ಸಮುದ್ರದಲ್ಲಿ ಕಾರ್ಯನಿರ್ವಹಿಸುವ ಸಾಮರ್ಥ್ಯ ಹೆಚ್ಚಾಗುವುದು. ಈ ವಿಮಾನಗಳನ್ನು ವಿಮಾನವಾಹಕ ನೌಕೆಗಳಲ್ಲಿಯೂ ಬಳಸಬಹುದು, ಅದರಿಂದ ಭಾರತೀಯ ನೌಕಾಪಡೆಯ ಕಾರ್ಯತಂತ್ರದ ಶಕ್ತಿಯು ದೊಡ್ಡ ಪ್ರಮಾಣದಲ್ಲಿ ಹೆಚ್ಚಾಗುವುದು. ಈ ಮೂಲಕ ಭಾರತಕ್ಕೆ ಚೀನಾ ಮತ್ತು ಪಾಕಿಸ್ತಾನದಂತಹ ಶತ್ರು ರಾಷ್ಟ್ರಗಳ ವಿರುದ್ಧ ಒಂದು ಹೋರಾಟದ ಶಕ್ತಿಯೂ ಸಹ ಸಿಗುವುದು.