UP Quran Pages Torn : ಉತ್ತರಪ್ರದೇಶದಲ್ಲಿ ಕುರಾನ್‌ನ ಪುಟಗಳನ್ನು ಹರಿದ ಮುಸ್ಲಿಂ ಯುವಕ !

ಶಾಹಜಹಾಪುರ (ಉತ್ತರಪ್ರದೇಶ) – ಇಲ್ಲಿ ಮುಸ್ಲಿಮರ ಧಾರ್ಮಿಕ ಪುಸ್ತಕ ಕುರಾನ್‌ನ ಪುಟಗಳನ್ನು ಹರಿದು ರಸ್ತೆಯ ಮೇಲೆ ಎಸೆದ ಘಟನೆ ಬಹಿರಂಗವಾದ ನಂತರ ಸಾವಿರಾರು ಮುಸ್ಲಿಮರು ರಸ್ತೆಗೆ ಇಳಿದು ಪ್ರತಿಭಟನೆ ನಡೆಸಿದರು. ಈ ಘಟನೆ ಏಪ್ರಿಲ್ 3 ರ ರಾತ್ರಿ ನಡೆದಿದೆ. ಪೊಲೀಸರು ಸ್ಥಳಕ್ಕೆ ತಲುಪಿ ಪ್ರತಿಭಟನಾಕಾರರನ್ನು ಶಾಂತಗೊಳಿಸಿದರು. ಸಿಸಿಟಿವಿ ದೃಶ್ಯಾವಳಿಗಳ ಮೂಲಕ ಆರೋಪಿಯನ್ನು ಪತ್ತೆ ಮಾಡಿ ಬಂಧಿಸಿದ್ದಾರೆ. ಆತನ ಹೆಸರು ನಾಜಿಮ್ ಎಂದು ತಿಳಿದುಬಂದಿದ್ದು, ಆತ ಮಾನಸಿಕ ಅಸ್ವಸ್ಥ ಎಂದು ಪೊಲೀಸರು ಹೇಳಿದ್ದಾರೆ.