ನೇಪಾಳದಲ್ಲಿ 7.1 ತೀವ್ರತೆಯ ಭೂಕಂಪ: 95 ಜನರ ಸಾವು

ಭಾರತದಲ್ಲಿ, ದೆಹಲಿ, ಬಿಹಾರ ಮತ್ತು ಬಂಗಾಳ ರಾಜ್ಯಗಳಿಗೂ ಭೂಕಂಪದ ಅನುಭವ

ನವದೆಹಲಿ – ನೇಪಾಳದಲ್ಲಿ ಜನವರಿ 7 ರಂದು ಬೆಳಿಗ್ಗೆ 7.1 ತೀವ್ರತೆಯ ಭೂಕಂಪ ಸಂಭವಿಸಿದೆ. ಈ ಭೂಕಂಪದಲ್ಲಿ 95 ಜನರು ಸಾವನ್ನಪ್ಪಿದ್ದಾರೆ ಮತ್ತು 62 ಜನರು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ. ಈ ಹಿಂದೆ ನೇಪಾಳದಲ್ಲಿ ಏಪ್ರಿಲ್ 2015 ರಲ್ಲಿ ಸಂಭವಿಸಿದ ಭೀಕರ ಭೂಕಂಪದಲ್ಲಿ ಅಂದಾಜು 10 ಸಾವಿರ ಜನರು ಸಾವನ್ನಪ್ಪಿದ್ದರು.

🌍💔 7.1 Magnitude Earthquake Hits Nepal-Tibet Border

⚠️ Tremors felt across Nepal and North India!

💔 Toll rises as rescue teams battle freezing temperatures 🥶to save lives and provide relief.pic.twitter.com/bwTWUkA71w

— Sanatan Prabhat (@SanatanPrabhat) January 7, 2025

ನೇಪಾಳದಲ್ಲಿ ಸಂಭವಿಸಿದ ಈ ಸರಣಿ ಭೂಕಂಪ ಭಾರತದ ಮೇಲೂ ಪರಿಣಾಮ ಬೀರಿದೆ. ಭಾರತದ ಬಿಹಾರ, ಬಂಗಾಳ ಮತ್ತು ಅಸ್ಸಾಂನಲ್ಲಿಯೂ ಭೂಕಂಪನದ ಅನುಭವವಾಗಿದೆ. ಬಿಹಾರದ ಮೋತಿಹಾರಿ, ಸಮಸ್ತಿಪುರ್, ದರಭಂಗಾ, ಮಧುಬನಿ, ಪೂರ್ಣಿಯಾ, ಸಿವಾನ, ಅರರಿಯಾ, ಸುಪೌಲ ಮತ್ತು ಮುಜಪ್ಪರಪುರದಲ್ಲಿ ಬೆಳಗ್ಗೆ 6.40 ರ ಸುಮಾರಿಗೆ ಭೂಕಂಪನದ ಅನುಭವವಾಗಿದೆ. ಭೂಕಂಪನವನ್ನು ಅನುಭವಿಸಿದ ಜನರು ಭಯಭೀತರಾಗಿ ಮನೆಯಿಂದ ಹೊರಗೆ ಓಡಿಬಂದರು. ನೇಪಾಳದಲ್ಲಿ ಕಳೆದ 7 ದಿನಗಳಲ್ಲಿ 3 ಬಾರಿ ಭೂಕಂಪ ಸಂಭವಿಸಿದೆ. ಅವುಗಳಲ್ಲಿ ಜನವರಿ 2 ರಂದು ಸಂಭವಿಸಿದ ಭೂಕಂಪದ ತೀವ್ರತೆಯು 4.8 ರಷ್ಟಿದ್ದರೆ, ಜನವರಿ 3 ರಂದು ಸಂಭವಿಸಿದ ಭೂಕಂಪದ ತೀವ್ರತೆಯು 4.4 ರಷ್ಟಿತ್ತು.