ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > New Department JNU: ದೆಹಲಿಯ ಜೆ.ಎನ್.ಯು. ನಲ್ಲಿ ಛತ್ರಪತಿ ಶಿವಾಜಿ ಮಹಾರಾಜರ ಹೆಸರಿನ ಕೇಂದ್ರ ಪ್ರಾರಂಭವಾಗಲಿದೆ!

New Department JNU: ದೆಹಲಿಯ ಜೆ.ಎನ್.ಯು. ನಲ್ಲಿ ಛತ್ರಪತಿ ಶಿವಾಜಿ ಮಹಾರಾಜರ ಹೆಸರಿನ ಕೇಂದ್ರ ಪ್ರಾರಂಭವಾಗಲಿದೆ!

ಗೆರಿಲ್ಲಾ ಯುದ್ಧತಂತ್ರ ಮತ್ತು ಆಡಳಿತ ಕೌಶಲ್ಯ ಇವುಗಳ ಕುರಿತು ಸಂಶೋಧನೆ ನಡೆಸಲಾಗುವುದು!

ನವ ದೆಹಲಿ – ಇಲ್ಲಿನ ಜವಾಹರಲಾಲ ನೆಹರು ವಿಶ್ವವಿದ್ಯಾಲಯದಲ್ಲಿ ಅಂದರೆ ಜೆ.ಎನ್.ಯುನಲ್ಲಿ ಮುಂದಿನ ವರ್ಷದಿಂದ ಛತ್ರಪತಿ ಶಿವಾಜಿ ಮಹಾರಾಜರ ಹೆಸರಿನ ‘ಸೆಂಟರ್ ಆಫ್ ಎಕ್ಸಲೆನ್ಸ್’ ಕೇಂದ್ರ ಪ್ರಾರಂಭವಾಗಲಿದೆ. ಭಾರತೀಯ ಜ್ಞಾನ ವ್ಯವಸ್ಥೆಯಲ್ಲಿ ಆದರ್ಶ ಬದಲಾವಣೆಯನ್ನು ತರುವುದು ಈ ಕೇಂದ್ರದ ಉದ್ದೇಶವಾಗಿದೆ. ಈ ಕೇಂದ್ರ `ಜೆ.ಎನ್.ಯು’ ನಲ್ಲಿರುವ `ಸೆಂಟರ್ ಆಫ್ ಇಂಟರ್ನ್ಯಾಶನಲ್ ಸ್ಟಡೀಸ್’ ಅಡಿಯಲ್ಲಿ ಕಾರ್ಯನಿರ್ವಹಿಸಲಿದೆ. ಈ ಉಪಕ್ರಮಗಳಿಗಾಗಿ ಮಹಾರಾಷ್ಟ್ರ ಸರಕಾರವು 10 ಕೋಟಿ ರೂಪಾಯಿ ಅನುದಾನ ನೀಡಿದೆ. `ಜೆ.ಎನ್.ಯು’ ಉಪಕುಲಪತಿ ಪ್ರಾ. ಶಾಂತಿಶ್ರೀ ಧೂಲಿಪುಡಿ ಪಂಡಿತ ಇವರು ಮಾತನಾಡಿ, “ಛತ್ರಪತಿ ಶಿವಾಜಿ ಮಹಾರಾಜರ ನೌಕಾಪಡೆ, ಯುದ್ಧನೀತಿ ಮತ್ತು ಹಿಂದವಿ ಸ್ವರಾಜ್ಯದ ಸಂಕಲ್ಪನೆ,ಯ ವಿಷಯದ ಬಗ್ಗೆ ಇದುವರೆಗೂ ಸರಿಯಾಗಿ ಅಧ್ಯಯನ ಮಾಡಿಲ್ಲ. ಅದಕ್ಕಾಗಿಯೇ ನಾವು ಈ ವಿಷಯವನ್ನು ಕಲಿಸಲು ನಿರ್ಧರಿಸಿದ್ದೇವೆ.” ಎಂದು ಹೇಳಿದರು.

ಕೇಂದ್ರದ ಸಂಯೋಜನೆ ಮತ್ತು ಪಠ್ಯಕ್ರಮ !

ಈ ಕೇಂದ್ರದಲ್ಲಿ ಒಟ್ಟು 14 ಹುದ್ದೆಗಳಿರುತ್ತವೆ. ಇವರಲ್ಲಿ 1 ಪ್ರಾಧ್ಯಾಪಕರು, 2 ಸಹ ಪ್ರಾಧ್ಯಾಪಕರು ಮತ್ತು 4 ಸಹಾಯಕ ಪ್ರಾಧ್ಯಾಪಕರು ಇರಲಿದ್ದಾರೆ. ಇದರೊಂದಿಗೆ ಇತರೆ ಹುದ್ದೆಗಳನ್ನೂ ನೇಮಿಸಲಾಗುತ್ತದೆ. ಇದಲ್ಲದೇ, ಈ ಕೇಂದ್ರದಲ್ಲಿ ‘ಐಟಿ ಮೂಲಸೌಕರ್ಯ ಪ್ರಯೋಗಾಲಯ’, ವಾಚನಾಲಯ, ಸ್ಟಡಿ ಹಾಲ್ ಇತ್ಯಾದಿ ಸೌಲಭ್ಯಗಳು ಲಭ್ಯವಿರುತ್ತವೆ. ಈ ಕೇಂದ್ರದ ಪಠ್ಯಕ್ರಮದಲ್ಲಿ ‘ಮರಾಠಾ ಗ್ರ್ಯಾಂಡ್ ಸ್ಟ್ರಾಟಜಿ’, ‘ಗೆರಿಲ್ಲಾ ಡಿಪ್ಲೊಮಸಿ’, ‘ಸ್ಟ್ರಾಟೆಜಿಕ್ ಅಪ್ರೋಚ್ ಟು ಅಸಿಮೆಟ್ರಿಕ್ ವಾರಫೇರ್’ ಮುಂತಾದ ವಿಷಯಗಳನ್ನು ಸೇರಿಸಲಾಗುವುದು. ವಿದ್ಯಾರ್ಥಿಗಳಿಗೆ ಈ ವಿಷಯಗಳ ಕುರಿತು ಸಂಶೋಧನೆ ಮಾಡುವ ಅವಕಾಶ ನೀಡಲಾಗುವುದು. ಈ ಕೇಂದ್ರದ ಸ್ಥಾಪನೆಗಾಗಿ ‘ಈಸ್ಟ ಏಶಿಯನ ಸ್ಟಡೀಸ ಸೆಂಟರ’ನ ಪ್ರಾ. ಅರವಿಂದ ವೆಲ್ಲಾರಿ ಮತ್ತು ‘ಯುರೋಪಿಯನ್ ಸ್ಟಡೀಸ್’ ಸೆಂಟರ್‍ನ ಡಾ. ಜಗನ್ನಾಥನ್ ಅವರಂತಹ ತಜ್ಞರಿಂದ ಸಹಾಯವನ್ನು ತೆಗೆದುಕೊಳ್ಳಲಾಗುವುದು. ಇದರೊಂದಿಗೆ ಛತ್ರಪತಿ ಶಿವಾಜಿ ಮಹಾರಾಜರ ಆಳ್ವಿಕೆಯ ದರ್ಶನ ಮಾಡಿಸುವ ಆಧುನಿಕ ವಸ್ತುಸಂಗ್ರಹಾಲಯವನ್ನು ನಿರ್ಮಿಸಲಾಗುವುದು.

ಸಂಬಂಧಿತ ಲೇಖನಗಳು