ದುರ್ಗಾಪೂಜೆಗೂ ಮೊದಲು ಹಿಂದೂಗಳಿಗೆ ಸಂಪೂರ್ಣ ಭದ್ರತೆ ನೀಡುವೆವು ! – ಬಾಂಗ್ಲಾದೇಶದ ಸೇನಾಪಡೆ ಮುಖ್ಯಸ್ಥ ವಕಾರ್-ಉಜ್-ಝಮಾನ್

ಬಾಂಗ್ಲಾದೇಶದ ಸೇನಾಪಡೆ ಮುಖ್ಯಸ್ಥ ವಕಾರ್-ಉಜ್-ಝಮಾನ್ ಅವರ ಭರವಸೆ

ಢಾಕಾ (ಬಾಂಗ್ಲಾದೇಶ) – ದುರ್ಗಾ ಪೂಜೆಗೂ ಮೊದಲು ಹಿಂದೂ ಸಮುದಾಯಕ್ಕೆ ಭದ್ರತೆ ಒದಗಿಸುವುದಾಗಿ ಬಾಂಗ್ಲಾದೇಶ ಸೇನಾ ಮುಖ್ಯಸ್ಥ ವಕಾರ್-ಉಜ್-ಝಮಾನ್ ಭರವಸೆ ನೀಡಿದ್ದಾರೆ. ಢಾಕೇಶ್ವರಿ ದೇವಸ್ಥಾನದಲ್ಲಿ ದುರ್ಗಾಪೂಜೆ ಆಚರಣೆಗಾಗಿ ಭದ್ರತಾ ಕ್ರಮಗಳನ್ನು ಪರಿಶೀಲಿಸಲು ಢಾಕಾಕ್ಕೆ ಬಂದಿದ್ದ ಝಮಾನ್ ಅವರು ಎಲ್ಲಾ ಹಿಂದೂಗಳಿಗೆ ಶುಭ ಹಾರೈಸಿದರು. ಝಮಾನ್ ಅವರು ಮೆಟ್ರೋಪಾಲಿಟನ್ ಪೂಜಾ ಸಮಿತಿ ಮತ್ತು ಬಾಂಗ್ಲಾದೇಶ ಪೂಜಾ ಸೆಲೆಬ್ರೆಶನ್ ಕೌನ್ಸಿಲ್ ನ ಅಧ್ಯಕ್ಷರು ಸೇರಿದಂತೆ ಪ್ರಮುಖ ಪದಾಧಿಕಾರಿಗಳೊಂದಿಗೆ ಮಾತುಕತೆ ನಡೆಸಿದರು. ಹಂಗಾಮಿ ಸರಕಾರದ ಸೂಚನೆಯಂತೆ ಪ್ರಾರ್ಥನಾ ಸ್ಥಳಗಳ ಭದ್ರತೆಗಾಗಿ ದೇಶದಾದ್ಯಂತ ಜಿಲ್ಲೆಗಳಲ್ಲಿ ಸೇನೆಯನ್ನು ನಿಯೋಜಿಸಲಾಗಿದೆ ಎಂದು ಹೇಳಿದರು.