ಮಾನವನ ಮೆದುಳಿನ ಮೇಲೆ ನಿಯಂತ್ರಣವನ್ನು ಪಡೆಯುವ ಚಿಪ್‌ : ಲಾಭ ಹಾಗೂ ಸಂಭಾವ್ಯ ಹಾನಿ !

‘ನ್ಯುರಾಲಿಂಕ್’ ಕಂಪನಿಯ ಹೊಸ ಶೋಧ !

‘ಟೆಸ್ಲಾ’ ಕಂಪನಿಯ ಮಾಲೀಕರಾದ ಎಲಾನ್‌ ಮಸ್ಕ್ ಇವರು ‘ನ್ಯುರಾಲಿಂಕ್’ ಈ ಕಂಪನಿಯ ಮೂಲಕ ಮಾನವನ ಮೆದುಳಿನಲ್ಲಿ ಅಳವಡಿಸುವ ‘ಚಿಪ್‌’ನ ವಿಷಯವನ್ನು (ಚಿಪ್‌ ಅಂದರೆ ಚಿಕ್ಕ ವಿದ್ಯುನ್ಮಾನ ಸಾಧನ, ಅದರಲ್ಲಿ ವಿದ್ಯುತ್‌ ಪ್ರವಾಹ ಇರುತ್ತದೆ.) ೨೯ ಜನವರಿ ೨೦೨೪ ರಂದು ಘೋಷಿಸಿದರು. ‘ನ್ಯುರಾಲಿಂಕ್’ ಕಂಪನಿ ಹೇಳುವ ಪ್ರಕಾರ, ಈ ‘ಬ್ರೈನ್‌ಚಿಪ್‌’ನಿಂದ ಪಾರ್ಕಿನ್ಸನ್‌ (ಪಾರ್ಕಿನ್ಸನ್‌ ಕಾಯಿಲೆಯೆಂದರೆ ಕಂಪವಾತ, ಅದರಲ್ಲಿ ರೋಗಿಯ ಮೆದುಳಿನಲ್ಲಿ ಶರೀರದ ಚಲನೆಯನ್ನು ನಿಯಂತ್ರಿಸುವ ಭಾಗದ ಜೀವಕೋಶಗಳು ಕ್ರಮೇಣ ಸಾಯುತ್ತವೆ.), ಅಪಸ್ಮಾರ, ನಿರಾಶೆ, ಮೆದುಳಿಗೆ ಪೆಟ್ಟಾಗುವುದು (ಬ್ರೇನ ಇಂಜುರಿ), ತೀವ್ರ ವೇದನೆಗಳು, ಕುರುಡುತನ ಮತ್ತು ಕಿವುಡುತನ ಮುಂತಾದ ಕಾಯಿಲೆಗಳಿರುವ ರೋಗಿಗಳಿಗೆ ಉಪಯೋಗವಾಗುತ್ತದೆ; ಆದರೆ ಇದರಿಂದ ಭವಿಷ್ಯದಲ್ಲಿ ಬೇರೆಯೆ ಪರಿಣಾಮಗಳೂ ಕಾಣಿಸಬಹುದು ಅಥವಾ ಅಪಾಯವೂ ಉಂಟಾಗಬಹುದು.

೧. ‘ನ್ಯುರಾಲಿಂಕ್‌ ಚಿಪ್‌’ನ ಬಗ್ಗೆ ಘೋಷಣೆ !

೧ ಅ. ಪ್ರಾಣಿಗಳ ಮೇಲೆ ಚಿಪ್‌ನ ಪ್ರಯೋಗ ! : ‘ನ್ಯುರಾಲಿಂಕ್’ ಕಂಪನಿಯ ಮೂಲಕ ಮಸ್ಕ್ ಇವರು ಮೆದುಳು-ಗಣಕಯಂತ್ರ ಇಂಟರ್‌ಫೇಸ್‌ನಲ್ಲಿ (Brain Computer Interfaces (BCIs)) ಮಹತ್ವದ ಬದಲಾವಣೆಯನ್ನು ಮಾಡುವ ಬಗ್ಗೆ ವಿಶ್ವಾಸವನ್ನು ತೋರಿಸಿದ್ದಾರೆ. ಇದರಲ್ಲಿ ವ್ಯಕ್ತಿಯ ಮೆದುಳಿನಲ್ಲಿ ಮೆದುಳು-ವಾಚನ ಉಪಕರಣವನ್ನು ಅಳವಡಿಸಿದ್ದಾರೆ. ಕಂಪನಿ ಹೇಳುವುದೇನೆಂದರೆ, ಈ ಉಪಕರಣ ಗಂಭೀರ ಅರ್ಧಾಂಗವಾಯು ಆಗಿರುವ ವ್ಯಕ್ತಿಗೆ ಗಣಕಯಂತ್ರ, ರೋಬೋಟಿಕ್‌ ಕೈ, ವೀಲ್‌ಚೇರ್‌ ಅಥವಾ ಇತರ ಉಪಕರಣಗಳಲ್ಲಿ ಕೇವಲ ವಿಚಾರ ಮಾಡಿ ನಿಯಂತ್ರಣ ಮಾಡಲು ಸಾಧ್ಯವಾಗಬೇಕೆಂಬ ಉದ್ದೇಶದಿಂದ ಸಿದ್ಧಪಡಿಸಲಾಗಿದೆ. ಈ ಉಪಕರಣದಿಂದ ಪ್ರಾಣಿಗಳ ಮೇಲೆ ಮಾಡಿದ ಪ್ರಯೋಗ ಯಶಸ್ವಿಯಾಗಿದೆ; ಆದರೆ ಮಾನವನ ಮೇಲಿನ ಪರಿಶೀಲನೆಯ ಮಾಹಿತಿ ಗುಪ್ತವಾಗಿದೆ.

೧ ಆ. ಕೊರೋನಾ ಮಹಾಮಾರಿಯ ಸಮಯದಲ್ಲಿ ‘ಚಿಪ್‌’ನ ನಿರ್ಮಾಣ ! : ೨೦೨೦-೨೧ ರಲ್ಲಿ ಜಗತ್ತು ಕೊರೋನಾ ಮಹಾಮಾರಿಯಿಂದಾಗಿ ಒಂದು ರೀತಿಯಲ್ಲಿ ಸ್ತಬ್ಧವಾಗಿತ್ತು ಹಾಗೂ ವಿಜ್ಞಾನಿಗಳು, ವಿದ್ಯಾಪೀಠಗಳು ಮತ್ತು ಔಷಧ ಕಂಪನಿಗಳು ಕೊರೋನಾ ನಿರ್ಬಂಧದ ಲಸಿಕೆಯ ಶೋಧದಲ್ಲಿದ್ದವು, ಆ ಸಮಯದಲ್ಲಿ ನ್ಯುರಾಲಿಂಕ್‌ ಮಾನವನ ಮೆದುಳಿನಲ್ಲಿ ಅಳವಡಿಸುವ ಚಿಪ್‌ ತಯಾರಿಸುತ್ತಿತ್ತು ಹಾಗೂ ಪ್ರಾಣಿಗಳ ಮೇಲೆ ಪ್ರಯೋಗ ಮಾಡುತ್ತಿತ್ತು. ಆ ಸಮಯದಲ್ಲಿ ಅವರು ಇದನ್ನು ಘೋಷಣೆ ಮಾಡಿದ್ದರು; ಆದರೆ ಜಗತ್ತಿನ ಕೋಟಿಗಟ್ಟಲೆ ಜನರು ಅದನ್ನು ದುರ್ಲಕ್ಷ ಮಾಡಿದ್ದರು. ೨೯ ಜನವರಿ ೨೦೨೪ ರಂದು ಮಸ್ಕ್ ಇವರು ಸ್ವತಃ ಇದರ ಬಗ್ಗೆ ಘೋಷಣೆ ಮಾಡಿದರು. ಆಗ ಜಾಗತಿಕ ಪ್ರಸಾರಮಾಧ್ಯಮಗಳು, ವಿಜ್ಞಾನಿಗಳು ಮತ್ತು ಇತರರ ಗಮನ ಇದರ ಕಡೆಗೆ ಹೋಯಿತು.

೧ ಇ. ನ್ಯುರಾಲಿಂಕ್‌ನ ತಂತ್ರಜ್ಞಾನ ಮತ್ತು ಪ್ರಕ್ರಿಯೆ : ನ್ಯುರಾಲಿಂಕ್‌ ಚಿಪ್‌ನಲ್ಲಿ ೬೪ ಮೃದುವಾದ ‘ಪಾಲಿಮರ್‌ ಇಲೆಕ್ಟ್ರೋಡ್ಸ್‌’ಗಳಿವೆ, ಅವು ಮೆದುಳಿನ ೧ ಸಾವಿರದ ೬೪ ಸ್ಥಳಗಳಿಂದ ಮೆದುಳಿನ ವಿವಿಧ ಕ್ರಿಯೆಗಳ ಧ್ವನಿಮುದ್ರಣ ಮಾಡಲಿಕ್ಕಿವೆ. ಆ ಮಾಹಿತಿಯನ್ನು ಅದೇ ಚಿಪ್‌ನಲ್ಲಿ ಸಂಗ್ರಹಿಸಲಾಗುವುದು, ಅಲ್ಲಿಯೆ ಅದರ ಮೇಲೆ ಪ್ರಕ್ರಿಯೆ ಮಾಡಲಾಗುವುದು. ಇದೇ ಮಾಹಿತಿಯ ಆಧಾರದಲ್ಲಿ ಯಾವುದೇ ವ್ಯಕ್ತಿ ತನ್ನ ಎದುರಿಗಿರುವ ವಸ್ತುವನ್ನು ನಿಯಂತ್ರಣ ಮಾಡಬಹುದು. ಸುಲಭ ಭಾಷೆಯಲ್ಲಿ ಹೇಳುವುದಾದರೆ, ಗಂಭೀರ ಪಾರ್ಶ್ವವಾಯು ಆಗಿರುವ ರೋಗಿ ಹಾಸಿಗೆಯಲ್ಲಿರುತ್ತಾನೆ, ಅವನಿಗೆ ಎದುರಿನಲ್ಲಿ ಏನೇನು ನಡೆಯುತ್ತದೋ ಅದು ಕಾಣಿಸುತ್ತದೆ, ತಿಳಿಯುತ್ತದೆ ಕೂಡ; ಆದರೆ ಚಲನವಲನ ಮಾಡಲು ಸಾಧ್ಯವಾಗುವುದಿಲ್ಲ, ಸ್ಪಷ್ಟ ಮಾತನಾಡಲು ಬರುವುದಿಲ್ಲ. ನ್ಯುರಾಲಿಂಕ್‌ ಚಿಪ್‌ ಅಳವಡಿಸಿದ ನಂತರ ಆ ವ್ಯಕ್ತಿ ಕೇವಲ, ಎದುರಿನ ದೂರಚಿತ್ರವಾಹಿನಿಯಲ್ಲಿನ ಚಾನಲ್‌ ಬದಲಾಗಬೇಕು ಎಂದು ವಿಚಾರ ಮಾಡಿದರೂ ಅದು ತಕ್ಷಣ ಬದಲಾಗುತ್ತದೆ.

ಲೇಖಕರು : ಡಾ. ನಾನಾಸಾಹೇಬ ಥೊರಾತ, ವೈಜ್ಞಾನಿಕ ಸಂಶೋಧಕರು, ಸಾತಾರಾ ನ್ಯುರಾಲಿಂಕ್‌