Allahabad High Court : ಹಿಂದೂ ಪತ್ನಿಯ ಹತ್ಯೆ ಮಾಡಿದ ಮುಸಲ್ಮಾನ ಪತಿಯ ಜಾಮೀನು ಅರ್ಜಿಯ ಪುನಃ ವಜಾ

ಇಸ್ಲಾಂ ಸ್ವೀಕರಿಸಲು ನಿರಾಕರಿಸಿದ್ದರಿಂದ ಪತ್ನಿಯ ಹತ್ಯೆ

ಪ್ರಯಾಗರಾಜ – ವಿವಾಹದ ಬಳಿಕ ಮುಸ್ಲಿಂ ಧರ್ಮವನ್ನು ಸ್ವೀಕರಿಸಲು ನಿರಾಕರಿಸಿದ್ದರಿಂದ ಹಿಂದೂ ಪತ್ನಿಯನ್ನು ಹತ್ಯೆ ಮಾಡಿರುವ ಪ್ರಕರಣದ ಆರೋಪಿ ಶೋಯೆಬ ಅಖ್ತರನ ಜಾಮೀನು ಅರ್ಜಿಯನ್ನು ಉಚ್ಚ ನ್ಯಾಯಾಲಯವು ಎರಡನೇ ಬಾರಿ ತಿರಸ್ಕರಿಸಿದೆ. ಆರೋಪಿ ಶೋಯೆಬ ಅಖ್ತರನ ಮೊದಲ ಜಾಮೀನು ಅರ್ಜಿಯನ್ನು ಉಚ್ಚ ನ್ಯಾಯಾಲಯವು ಈ ವರ್ಷ ಜನವರಿಯಲ್ಲಿ ತಿರಸ್ಕರಿಸಿತ್ತು. ಅವನ ಮೇಲೆ ಪತ್ನಿ ಪ್ರಿಯಾಳನ್ನು ಹತ್ಯೆ ಮಾಡಿರುವ ಆರೋಪವಿದೆ; ಅವಳು ಪತಿ ಶೋಯೆಬ ಅಖ್ತರ ಮತ್ತು ಅವನ ಸ್ನೇಹಿತ ಏಜಾಜ ಅಹ್ಮದ ಒತ್ತಡ ಹೇರಿದರೂ ಇಸ್ಲಾಂ ಸ್ವೀಕರಿಸಲು ನಿರಾಕರಿಸಿದ್ದಳು.

ಈ ಪ್ರಕರಣದಲ್ಲಿ ಸಿಂದುರಿಯಾ ಗ್ರಾಮದ ಪೊಲೀಸರಿಗೆ ಸಪ್ಟೆಂಬರ 21, 2020ರಂದು ಕಾಲುವೆಯಲ್ಲಿ ಒಂದು ಶಿರಚ್ಛೇದವಾಗಿದ್ದ ಶವ ಬಿದ್ದಿರುವ ಮಾಹಿತಿ ಸಿಕ್ಕಿತು. ತದನಂತರ ಆ ಮೃತದೇಹ ಪ್ರಿಯಾ ಹೆಸರಿನ ಮಹಿಳೆಯದ್ದಾಗಿದೆಯೆಂದು ಬೆಳಕಿಗೆ ಬಂದಿತ್ತು. ಈ ಪ್ರಕರಣದಲ್ಲಿ ತನಿಖೆಯ ಬಳಿಕ ಶೋಯೆಬ ಹತ್ಯೆ ಮಾಡಿರುವುದು ಬಹಿರಂಗಗೊಂಡಿತ್ತು. ಪ್ರಿಯಾಳ ಮೃತದೇಹವನ್ನು 2 ತುಂಡುಗಳನ್ನಾಗಿ ಮಾಡಿ ಕಾಲುವೆಯಲ್ಲಿ ಎಸೆಯಲಾಗಿತ್ತು. ಈ ಪ್ರಕರಣದಲ್ಲಿ ಪೊಲೀಸರು ಶೋಯೆಬ ಅಖ್ತರ ಮತ್ತು ಅವನ ಸ್ನೇಹಿತ ಏಜಾಜ ಇವರನ್ನು ಬಂಧಿಸಿದ್ದರು. ಏಜಾಜನಿಗೆ ಜಾಮೀನು ಸಿಕ್ಕಿರುವ ಆಧಾರದಲ್ಲಿ ಶೋಯೆಬ ಕೂಡ ನ್ಯಾಯಾಲಯದಲ್ಲಿ ಜಾಮೀನು ಕೋರಿದ್ದನು.