SANATAN PRABHAT EXCLUSIVE : ಜ್ಞಾನವಾಪಿ, ಭೋಜಶಾಲಾ ಮೊದಲಾದ ಪ್ರಕರಣಗಳಲ್ಲಿ ಕಕ್ಷಿದಾರನಾಗಿದ್ದ ಹಿಂದೂ ಮುಖಂಡನನ್ನು ಶಾಲೆಯು ಶಿಕ್ಷಕ ಹುದ್ದೆಯಿಂದ ತೆಗೆದರು !

ಲಕ್ಷ್ಮಣಪುರಿ (ಉತ್ತರ ಪ್ರದೇಶ) – ಖ್ಯಾತ CMS (ಸಿಟಿ ಮಾಂಟೆಸ್ಸರಿ ಶಾಲೆ) ಶಿಕ್ಷಕ ಮತ್ತು ಪ್ರಖರ ಹಿಂದುತ್ವನಿಷ್ಠ ಶ್ರೀ. ಕುಲದೀಪ ತಿವಾರಿ ಇವರನ್ನು ಶಾಲೆಯಿಂದ ವಜಾ ಮಾಡಿರುವ ಘಟನೆ ಇತ್ತೀಚೆಗೆ ಬೆಳಕಿಗೆ ಬಂದಿದೆ. ತಿವಾರಿ ಅವರು ಭೋಜಶಾಲಾ, ಜ್ಞಾನವಾಪಿ, ಮಥುರಾ ಮೊದಲಾದ ಪ್ರಕರಣಗಳಲ್ಲಿ ಹಿಂದೂ ಕಕ್ಷಿದಾರರಾಗಿದ್ದರಿಂದ ಅದೇ ರೀತಿ ಇಸ್ಲಾಮೀ ಅತಿಕ್ರಮಣದ ವಿರುದ್ಧ ಅವರು ನಿರಂತರ ಧ್ವನಿ ಎತ್ತಿದ್ದರಿಂದ ಅವರ ವಿರುದ್ಧ ಈ ತೀವ್ರ ಕ್ರಮ ಕೈಗೊಳ್ಳಲಾಗಿದೆ. ವಿಶೇಷವೆಂದರೆ ಈ ಶಾಲೆಯು ‘ವಿಶ್ವದ ಅತಿ ದೊಡ್ಡ ಶಾಲೆ’ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ‘ಸನಾತನ ಪ್ರಭಾತ’ದ ಪ್ರತಿನಿಧಿಯು ಶಾಲೆಯ ಪ್ರಾಂಶುಪಾಲರಾದ ಜಯಶ್ರೀ ಕೃಷ್ಣನ್ ಅವರನ್ನು ಸಂಪರ್ಕಿಸಿದಾಗ ಅವರು ಸಭೆ ನಡೆಯುತ್ತಿದೆ ಎಂದು ಹೇಳಿ ಮಾತನಾಡಲು ನಿರಾಕರಿಸಿದರು. ಮತ್ತೆ ಅವರನ್ನು ಸಂಪರ್ಕಿಸಿದಾಗ ಅವರು ಫೋನ್ ಸ್ವೀಕರಿಸಲಿಲ್ಲ.

ಆಘಾತಕಾರಿ ಘಟನಾಕ್ರಮ ಹೀಗಿದೆ!

ಶ್ರೀ. ಕುಲದೀಪ್ ತಿವಾರಿ ಅವರು ಲಕ್ಷ್ಮಣಪುರಿ ಜಿಲ್ಲಾ ಅಧಿಕಾರಿಗೆ ಪತ್ರ ಬರೆದು ತಮ್ಮ ವಿರುದ್ಧ ಅನ್ಯಾಯದ ಕ್ರಮದ ಬಗ್ಗೆ ದೂರು ನೀಡಿದ್ದಾರೆ. ದೂರಿನ ಪ್ರತಿಯು ‘ಸನಾತನ ಪ್ರಭಾತ’ದ ಬಳಿ ಲಭ್ಯವಿದ್ದು ಅದರ ಪ್ರಮುಖ ಅಂಶಗಳು ಈ ಕೆಳಗಿನಂತಿವೆ:

1. ಶ್ರೀ. ತಿವಾರಿ ಅವರು 2009 ರಿಂದ ಅಂದರೆ ಕಳೆದ 15 ವರ್ಷಗಳಿಂದ ಶಾಲೆಯಲ್ಲಿ ಶಿಕ್ಷಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

⚡️STARTLING HINDUPHOBIA IN LUCKNOW!⚡️

💥Anti-Hindu stance by the largest school of the world – ‘City Montessori School’ (CMS) of Lakshmanpuri (Lucknow)!

Hindu leader @kuldeep1805 (Kuldeep Tiwari), national president of “Jan Udghosh Seva Sansthan,” who happens to be the Hindu… pic.twitter.com/enOMrgzh40

— Sanatan Prabhat (@SanatanPrabhat) July 7, 2024

2. ಸ್ವತಃ ಧರ್ಮನಿಷ್ಠ ಹಿಂದೂ ಆಗಿದ್ದರಿಂದ ಅವರು ಪ್ರತಿದಿನ ಶಾಲೆಗೆ ಹೋಗುವ ತಿಲಕವನ್ನು ಹಚ್ಚುತ್ತಿದ್ದರು. ಇದರೊಂದಿಗೆ ಜುಟ್ಟನ್ನೂ ಇಟ್ಟುಕೊಂಡಿದ್ದಾರೆ. ಶಾಲೆಯ ಪ್ರಿನ್ಸಿಪಾಲ್ ಜಯಶ್ರೀ ಕೃಷ್ಣನ್ ಮತ್ತು ಉಪಪ್ರಾಂಶುಪಾಲೆ ರೀಟಾ ಫ್ಲೆಮಿಂಗ್ ಯಾವಾಗಲೂ ಈ ಕೃತಿಗೆ ವಿರೋಧಿಸಿದರು ಮತ್ತು ಅವರನ್ನು ಕೆಲಸದಿಂದ ತೆಗೆದುಹಾಕುವ ಬೆದರಿಕೆ ಹಾಕುತ್ತಿದ್ದರು. ಅಲ್ಲದೇ ಆಗಾಗ ಅವರಿಗೆ ಕಚೇರಿಗೆ ಕರೆಸಿಕೊಂಡು ನಿಂದಿಸಿದ್ದಾರೆ. ಆದರೂ ಅವರು ಈ ವಿರೋಧವನ್ನು ಎಂದಿಗೂ ಬಾಗಲಿಲ್ಲ. ಈ ಬಗ್ಗೆ ‘ಸನಾತನ ಪ್ರಭಾತ್’ ಪ್ರತಿನಿಧಿಯವರು ತಿವಾರಿ ಅವರನ್ನು ಕೇಳಿದಾಗ ಅವರು, ಶಾಲೆಯಲ್ಲಿ ಇತರ ಕೆಲವು ಶಿಕ್ಷಕರು ಸಹ ನನ್ನಂತೆ ಧರ್ಮಾಚರಣೆಯನ್ನು ಮಾಡುತ್ತಿದ್ದರು, ಆದರೆ ಶಾಲೆಯ ಆಡಳಿತ ಮಂಡಳಿಯು ಅವರಿಗೆ ಕ್ರಮ ಕೈಗೊಳ್ಳುವುದಾಗಿ ಬೆದರಿಕೆ ಹಾಕಿದ್ದರಿಂದ ಅವರು ಧರ್ಮಾಚರಣೆವನ್ನು ಮಾಡುವುದನ್ನು ನಿಲ್ಲಿಸಿದರು. ಇತರ ಶಾಲೆಗಳಿಗೆ ಹೋಲಿಸಿದರೆ ಈ ಶಾಲೆಯು ಶಿಕ್ಷಕರಿಗೆ ಉತ್ತಮ ವೇತನವನ್ನು ನೀಡುತ್ತದೆ, ಆದ್ದರಿಂದ ಉತ್ತಮ ಜೀವನೋಪಾಯವನ್ನು ಬಿಟ್ಟುಕೊಡಲು ಯಾರೂ ಯೋಚಿಸುವುದಿಲ್ಲ. (ಈ ಘಟನೆಯು ಶ್ರೀ. ಕುಲದೀಪ ತಿವಾರಿ ಇವರ ಧರ್ಮಕ್ಕಾಗಿ ಯಾವುದೇ ಹಂತದಲ್ಲೂ ತ್ಯಾಗ ಮಾಡುವ ಸಿದ್ಧತೆ ತೋರಿಸುತ್ತದೆ. ಅಂತಹ ಹಿಂದೂಗಳೇ ಹಿಂದೂ ಧರ್ಮದ ನಿಜವಾದ ಶಕ್ತಿಯಾಗಿದೆ. ‘ಧರ್ಮೋ ರಕ್ಷತಿ ರಕ್ಷಿತ್:’ ಪ್ರಕಾರ ದೇವರು ಅವರನ್ನು ಖಂಡಿತವಾಗಿ ರಕ್ಷಿಸುತ್ತಾನೆ ಎಂದು ಹಿಂದೂಗಳು ನೆನಪಿನಲ್ಲಿಟ್ಟುಕೊಳ್ಳಬೇಕು! – ಸಂಪಾದಕರು)

3. ದೂರಿನಲ್ಲಿ, ತಿವಾರಿ ಧಾರ್‌ನಲ್ಲಿರುವ ಭೋಜಶಾಲಾ, ಮಥುರಾದ ಶ್ರೀ ಕೃಷ್ಣ ಜನ್ಮಭೂಮಿ ಮತ್ತು ವಾರಣಾಸಿಯ ಜ್ಞಾನವಾಪಿ ಪ್ರಕರಣದ ಹಿಂದೂ ಕಕ್ಷಿದಾರರಾಗಿದ್ದಾರೆ. ಇವರು ಸ್ಥಾಪಿಸಿದ ‘ಜನ್ ಉದ್ಘೋಷ್ ಸೇವಾ ಸಂಸ್ಥಾನ’ ಸಂಸ್ಥೆಯ ಮೂಲಕ ಹಲವು ರಾಷ್ಟ್ರೀಯ ಕಾರ್ಯಗಳನ್ನು ಮಾಡುತ್ತಿದ್ದಾರೆ. ಕೆಲವು ತಿಂಗಳ ಹಿಂದೆ ಬಿಡುಗಡೆಯಾದ ‘ಆದಿಪುರುಷ’ ಚಿತ್ರದಲ್ಲಿ ‘ಶ್ರೀರಾಮಚರಿತಮಾನಸ’ವನ್ನು ಅನುಚಿತವಾಗಿ ಚಿತ್ರಿಸಿರುವುದನ್ನು ವಿರೋಧಿಸಿ ಅವರು ಅಲಹಾಬಾದ್ ಹೈಕೋರ್ಟ್‌ನ ಲಕ್ನೋ ಪೀಠದಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಿದ್ದರು. ನ್ಯಾಯಾಲಯವೂ ಅದನ್ನು ಆಲಿಸಿತ್ತು. ಇದರೊಂದಿಗೆ ಶರಿಯತ್ ಕಾಯ್ದೆಯ ಸಂವಿಧಾನಕ್ಕೆ ವಿರುದ್ಧವಾಗಿದೆ ಎಂದು ಹೇಳಿ ಸುಪ್ರೀಂ ಕೋರ್ಟ್‌ನಲ್ಲಿ ಸಲ್ಲಿಸಿರುವ ಅರ್ಜಿಯಲ್ಲಿ ತಿವಾರಿ ಒಬ್ಬರು ಕಕ್ಷಿದಾರರಾಗಿದ್ದಾರೆ. ಅವರ ಸಂಘಟನೆಯು ಹಿಂದೂಗಳ ಮತಾಂತರವನ್ನು ತಡೆಯಲು ಜಾಗೃತಿ ಕಾರ್ಯಕ್ರಮಗಳನ್ನು ನಡೆಸುತ್ತದೆ. ಇದರಿಂದಾಗಿ ಶಾಲಾ ಆಡಳಿತ ಮಂಡಳಿ ಅವರ ಮೇಲೆ ಕಣ್ಣಿಟ್ಟಿತ್ತು.

4. 29 ಅಕ್ಟೋಬರ್ 2023 ರಂದು, ತಿವಾರಿ ಅವರ ಸಂಸ್ಥೆಯು ಲಕ್ಷ್ಮಣಪುರಿಯಲ್ಲಿ ಕಾಶಿ-ಮಥುರಾ-ಭೋಜಶಾಲಾ ಕುರಿತು ಜಾಗೃತಿ ಮೂಡಿಸಲು ಭವ್ಯವಾದ ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ರಾಷ್ಟ್ರೀಯ ಪ್ರದರ್ಶನವನ್ನು ಆಯೋಜಿಸಿತು. ಅದನ್ನು ರಾಷ್ಟ್ರಮಟ್ಟದ ಹಲವು ಗಣ್ಯರು ಭೇಟಿ ಮಾಡಿ ಹಿಂದೂಗಳ ಸಮಸ್ಯೆಗಳ ಬಗ್ಗೆ ಭಾಷಣ ಮಾಡಿದರು. ಈ ಪ್ರದರ್ಶನದ ನಂತರ ತಿವಾರಿಗೆ ಶಾಲೆಯ ಪ್ರಾಂಶುಪಾಲರು ‘ರಾಜೀನಾಮೆ ಪತ್ರ ಕೊಡಿ ಇಲ್ಲವಾದಲ್ಲಿ ನಾವೇ ಕೆಲಸದಿಂದ ತೆಗೆದು ಹಾಕುತ್ತೇವೆ’ ಎಂದು ಎಚ್ಚರಿಕೆ ನೀಡಿದರು.

5. ಮಾರ್ಚ್ 2024 ರಲ್ಲಿ, ಮಧ್ಯಪ್ರದೇಶದ ಧಾರ್‌ನಲ್ಲಿ ಭೋಜಶಾಲೆಯ ಸಮೀಕ್ಷೆಯನ್ನು ನ್ಯಾಯಾಲಯದ ಆದೇಶದ ಮೇರೆಗೆ ಪ್ರಾರಂಭಿಸಲಾಯಿತು. ಆ ವೇಳೆ ತಿವಾರಿ ಅಲ್ಲಿ ಹಾಜರಿದ್ದು, ಈ ನಿಟ್ಟಿನಲ್ಲಿ ಮಾಧ್ಯಮಗಳ ಮುಂದೆ ಬಂದು ಹಿಂದೂಗಳ ನಿಲುವನ್ನು ಮಂಡಿಸಿದರು. ಇದರ ನಂತರ, ಶಾಲೆಯ ಆಡಳಿತವು ತಿವಾರಿ ಸ್ವಜನಪಕ್ಷಪಾತ ಎಂದು ಆರೋಪಿಸಿ ಅವರನ್ನು ಕೆಲಸದಿಂದ ವಜಾಗೊಳಿಸಿತು. ಅವರು 1 ಜುಲೈ 2024 ರಂದು ಶಾಲೆಯಿಂದ ತಮ್ಮ ಅಧಿಕೃತ ಪತ್ರವನ್ನು ಪಡೆದರು. ಇದರಿಂದ ತಿವಾರಿ ಅವರು ಜುಲೈ 4 ರಂದು ಲಕ್ಷ್ಮಣಪುರಿ ಜಿಲ್ಲಾಧಿಕಾರಿಗೆ ಪತ್ರ ಬರೆದಿದ್ದಾರೆ. ಅಲ್ಲದೆ, ಲಕ್ಷ್ಮಣಪುರಿ ಜಿಲ್ಲಾಧಿಕಾರಿ ಸೂರ್ಯಪಾಲ್ ಗಂಗವಾರ್ ಇವರು ಈ ಪ್ರಕರಣದಲ್ಲಿ ಯಾವುದೇ ಕ್ರಮ ಕೈಗೊಂಡಿದ್ದಾರೆಯೇ, ಎಂಬುದಕ್ಕಾಗಿ ಅವರನ್ನು ಸಂಪರ್ಕಿಸಿದಾಗ, ಅವರು ತಮ್ಮ ಆಪ್ತ ಕಾರ್ಯದರ್ಶಿ ಅಶುತೋಷ್ ಅವರೊಂದಿಗೆ ಮಾತನಾಡಲು ಸಾಧ್ಯವಾಯಿತು, ಆದರೆ ಗಂಗವಾರ್ ಅವರೊಂದಿಗೆ ಚರ್ಚಿಸಲು ಸಾಧ್ಯವಾಗಲಿಲ್ಲ.