ಜಾರ್ಖಂಡ್‌ನಲ್ಲಿ ಯೋಧನ ಪತ್ನಿಯ ಮೇಲೆ ಸಾಮೂಹಿಕ ಬಲಾತ್ಕಾರ!

ರಾಂಚಿ (ಝಾರಖಂಡ) – ಇಲ್ಲಿ ಭಾರತೀಯ ಸೈನ್ಯದಲ್ಲಿನ ಓರ್ವ ಯೋಧನ ಪತ್ನಿಯ ಮೇಲೆ ಸಾಮೂಹಿಕ ಬಲಾತ್ಕಾರ ಮಾಡಲಾಗಿದೆ. ಈ ಸೈನಿಕನು ಸಧ್ಯಕ್ಕೆ ಲಡಾಖ್ ಗಡಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾನೆ. ಈ ಬಲಾತ್ಕಾರದ ಘಟನೆಯು ರಾಂಚಿಯ ಪೋಖರಟೋಲಿ ಪ್ರದೇಶದಲ್ಲಿ ನಡೆದಿದೆ. ಪೋಖರಟೋಲಿಯಲ್ಲಿ ಈ ಮಹಿಳೆಯ ಭೂಮಿಯಿದ್ದು ಅವಳು ಅಲ್ಲಿ ಮನೆಯನ್ನು ಕಟ್ಟಿಸುತ್ತಿದ್ದಳು. ಅವಳು ಅದೇ ಪರಿಸರದಲ್ಲಿದ್ದ ಒಂದು ಮನೆಯಲ್ಲಿ ಅವಳು ತನ್ನ 7 ವರ್ಷದ ಮತ್ತು 4 ತಿಂಗಳ ಮಕ್ಕಳೊಂದಿಗೆ ವಾಸಿಸುತ್ತಿದ್ದಳು. ಮೇ 27ರ ರಾತ್ರಿ 12 ರಿಂದ 1ಗಂಟೆಯ ಸಮಯದಲ್ಲಿ 4 ಯುವಕರು ಮಹಿಳೆಯ ಮನೆಗೆ ನುಗ್ಗಿ ಅವಳ ಮೇಲೆ ಸಾಮೂಹಿಕ ಬಲಾತ್ಕಾರ ಎಸಗಿದ್ದರು.

ಮನೆಯನ್ನು ಕಟ್ಟಲಾಗುತ್ತಿರುವ ಜಾಗದಲ್ಲಿ ಮಹಿಳೆ, ಆಕೆಯ ಪತಿ ಹಾಗೂ ಕೆಲವು ಸ್ಥಳೀಯ ಯುವಕರೊಂದಿಗೆವದ ನಡೆದಿತ್ತು. ಈ ಯುವಕರು ತಮಗೆ ಮನೆ ಕಟ್ಟುವ ಗುತ್ತಿಗೆ ನೀಡುವಂತೆ ಕೇಳಿದ್ದರು. ತದನಂತರ ಗುತ್ತಿಗೆಯನ್ನು ಅವರಿಗೆ ಕೊಡಲಾಗಿತ್ತು; ಆದರೆ ನಿಗದಿತ ಸಮಯಕ್ಕೆ ಕಾಮಗಾರಿ ಪೂರ್ಣಗೊಳ್ಳದೇ ಇದ್ದ ಕಾರಣ ಗುತ್ತಿಗೆಯನ್ನು ಅವರಿಂದ ಹಿಂಪಡೆಯಲಾಗಿತ್ತು. ಇದರಿಂದ ಆಕ್ರೋಷಗೊಂಡ ಯುವಕರು ಬಲಾತ್ಕಾರವನ್ನು ಮಾಡಿರಬೇಕು ಎಂದು ಸ್ಥಳೀಯರು ಸಂಶಯ ವ್ಯಕ್ತಪಡಿಸುತ್ತಿದ್ದಾರೆ.