ಭಾರತೀಯ ಮೂಲದ ಅಮೆರಿಕದ ಸಂಸದರ ಕಾರ್ಯಾಲಯ ಧ್ವಂಸ !

ವಾಷಿಂಗ್ಟನ್ – ಅಮೆರಿಕದಲ್ಲಿರುವ ಭಾರತೀಯ ಮೂಲದ ಸಂಸದರಾದ ಶ್ರೀ ಠಾಣೆದಾರ್ ಅವರ ಡೆಟ್ರಾಯಿಟ್ ಕಚೇರಿಯನ್ನು ಧ್ವಂಸಗೊಳಿಸಲಾಗಿದೆ. ಸಾಮಾಜಿಕ ಜಾಲತಾಣದಲ್ಲಿ ಪ್ರಸಾರವಾಗಿರುವ ಪೋಸ್ಟ್‌ನಲ್ಲಿ ಠಾಣೆದಾರ್ ಈ ಮಾಹಿತಿ ನೀಡಿದ್ದಾರೆ. ಧ್ವಂಸಗೊಂಡ ಕಚೇರಿಯ ಛಾಯಾಚಿತ್ರಗಳನ್ನು ಅವರು ಪ್ರಸಾರ ಮಾಡಿದ್ದಾರೆ. ಈ ಛಾಯಾಚಿತ್ರಗಳಲ್ಲಿ, ಕಚೇರಿಯ ಗೋಡೆಗಳ ಮೇಲೆ ಪ್ಯಾಲೆಸ್ತೀನ್ ಸ್ವಾತಂತ್ರ್ಯದ ಘೋಷಣೆಗಳನ್ನು ಬರೆದಿರುವುದು ಕಂಡುಬಂದಿದೆ. (ಇದರಿಂದ ಕಚೇರಿಯನ್ನು ಧ್ವಂಸ ಮಾಡಿರುವವರು ಯಾರು, ಎಂಬುದು ಪ್ರಜ್ಞಾವಂತರಿಗೆ ಗೊತ್ತಾಗುತ್ತದೆ !- ಸಂಪಾದಕರು) ಈ ಪ್ರಕರಣದಲ್ಲಿ ಠಾಣೆದಾರರ ಕಚೇರಿಯ ವಕ್ತಾರರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಠಾಣೆದಾರ್ ಅವರು ಕೆಲ ದಿನಗಳ ಹಿಂದೆ ಇಸ್ರೇಲ್-ಹಮಾಸ್ ಯುದ್ಧದಲ್ಲಿ ಇಸ್ರೇಲ್ ಅನ್ನು ಬೆಂಬಲಿಸಿದ್ದರು. ಹಾಗೆಯೇ ಹಮಾಸ್ ಅನಾಗರಿಕ ಭಯೋತ್ಪಾದಕ ಸಂಘಟನೆ ಎಂದೂ ಹೇಳಿದ್ದರು. ಆದ್ದರಿಂದ ಠಾಣೆದಾರ್ ಪ್ಯಾಲೆಸ್ತೀನ್ ಬೆಂಬಲಿಗರ ಗುರಿಗೆ ಒಳಗಾಗಿದ್ದಾರೆ. ಅವರ ಕಚೇರಿಯ ಮೇಲಿನ ದಾಳಿಯನ್ನು ಪ್ಯಾಲೆಸ್ತೀನ್ ಬೆಂಬಲಿಗರು ಮಾಡಿದ್ದಾರೆ ಎಂದು ನಂಬಲಾಗಿದೆ.