China is using Coco Islands: ನೆಹರೂ ಮ್ಯಾನ್ಮಾರ್‌ಗೆ ಉಡುಗೊರೆಯಾಗಿ ನೀಡಿದ ‘ಕೋಕೋ’ ದ್ವೀಪವನ್ನು ಚೀನಾ ಬಳಸುತ್ತಿದೆ !

ಅಂಡಮಾನ್-ನಿಕೋಬಾರ್ ಬಿಜೆಪಿ ಅಭ್ಯರ್ಥಿ ವಿಷ್ಣುಪಾದ ರೇ ಅವರ ದಾವೆ

ಅಂಡಮಾನ್-ನಿಕೋಬಾರ್ – ಪ್ರಧಾನಿ ಜವಾಹರಲಾಲ್ ನೆಹರು ಅವರು ಅಂಡಮಾನ್-ನಿಕೋಬಾರ್‌ನಲ್ಲಿರುವ ಮ್ಯಾನ್ಮಾರ್‌ಗೆ ‘ಕೋಕೋ’ ದ್ವೀಪವನ್ನು ಉಡುಗೊರೆಯಾಗಿ ನೀಡಿದ್ದು, ಈಗ ಚೀನಾ ಅದನ್ನು ತನ್ನ ಮಿಲಿಟರಿಗೆ ಬಳಸುತ್ತಿದೆ ಎಂದು ಅಂಡಮಾನ್-ನಿಕೋಬಾರ್‌ನ ಬಿಜೆಪಿಯ ಲೋಕಸಭಾ ಅಭ್ಯರ್ಥಿ ವಿಷ್ಣು ಪದ ರೇ ಸುದ್ದಿಸಂಸ್ಥೆಯೊಂದಿಗೆ ಮಾತನಾಡುತ್ತಾ ದಾವೆ ಮಾಡಿದ್ದಾರೆ.

ವಿಷ್ಣು ಪದ ರೇ ಮಾತನಾಡುತ್ತಾ, ನೆಹರು ಉತ್ತರ ಅಂಡಮಾನ್‌ನ ಕೋಕೋ ದ್ವೀಪವನ್ನು ಮ್ಯಾನ್ಮಾರ್‌ಗೆ ನೀಡಿದರು. ದ್ವೀಪವು ಈಗ ನೇರವಾಗಿ ಚೀನಾದ ನಿಯಂತ್ರಣದಲ್ಲಿದೆ. ಕಳೆದ 70 ವರ್ಷಗಳಲ್ಲಿ ಕಾಂಗ್ರೆಸ್ ಈ ಬಗ್ಗೆ ಗಮನ ಹರಿಸಿಲ್ಲ. ಇಂದು ಭಾರತ ಸರಕಾರವು ಚೀನಾಕ್ಕೆ ಪೈಪೋಟಿ ನೀಡಲು ಕ್ಯಾಂಪ್‌ಬೆಲ್ ಕೊಲ್ಲಿಯಲ್ಲಿ ಹಡಗುಕಟ್ಟೆ ಮತ್ತು 2 ರಕ್ಷಣಾ ವಿಮಾನ ನಿಲ್ದಾಣಗಳನ್ನು ನಿರ್ಮಿಸುತ್ತಿದೆ.

Amid an ongoing row over #Katchatheevu that India handed over to #SriLanka, #BJP‘s #BishnuPadaRay has claimed that the country’s first PM #JawaharlalNehru had gifted the Coco Islands, which were part of the Northern Andaman Islands, to #Myanmarhttps://t.co/PRwcRDdktt

— Business Today (@business_today) April 16, 2024

ಇದರ ಇತಿಹಾಸ ?

ಈ ದ್ವೀಪದ ಬಗ್ಗೆ ವಿವಿಧ ದಾವೆಗಳನ್ನು ಮಾಡಲಾಗಿದೆ. ಕೆಲವು ದಾವೆಗಳು ಈ ಕೆಳಗಿನಂತಿವೆ.

1. ಬ್ರಿಟಿಷರ ಆಳ್ವಿಕೆಯಲ್ಲಿ ಅಂಡಮಾನ್-ನಿಕೋಬಾರ್ ದ್ವೀಪಗಳು ಬ್ರಿಟಿಷರ ಅಧೀನದಲ್ಲಿತ್ತು. ದೇಶದ ಸ್ವಾತಂತ್ರ್ಯದ ನಂತರ ಅಂಡಮಾನ್-ನಿಕೋಬಾರ್ ಸಹ ಸ್ವತಂತ್ರ ಭಾರತದ ಭಾಗವಾಯಿತು. ಕೋಕೋ ದ್ವೀಪವನ್ನು ಬ್ರಿಟಿಷರು ಮ್ಯಾನ್ಮಾರ್ (ಆಗಿನ ಬರ್ಮಾ) ಗೆ ಹಸ್ತಾಂತರಿಸಿದರು. ಆಗ ಬರ್ಮಾ ಕೂಡ ಬ್ರಿಟಿಷ್ ಸಾಮ್ರಾಜ್ಯದ ಭಾಗವಾಗಿತ್ತು.

2. 19 ನೇ ಶತಮಾನದಲ್ಲಿ, ಬ್ರಿಟಿಷ್ ಸರಕಾರವು ಭಾರತೀಯ ಕ್ರಾಂತಿಕಾರಿಗಳನ್ನು ಶಿಕ್ಷಿಸಲು ಅಂಡಮಾನ್ ದ್ವೀಪಗಳನ್ನು ಆಯ್ಕೆ ಮಾಡಿತು. ಇಲ್ಲಿರುವ ಖೈದಿಗಳು ಮತ್ತು ಇತರ ಸಿಬ್ಬಂದಿಗೆ ಕೋಕೋ ದ್ವೀಪದಿಂದ ಆಹಾರವನ್ನು ತರಲಾಗುತ್ತಿತ್ತು. ಧಾನ್ಯ ಮತ್ತು ತರಕಾರಿಗಳನ್ನು ಬೆಳೆಯುವ ಪ್ರಮೇಯವನ್ನು ತಪ್ಪಿಸಲು ಬ್ರಿಟಿಷರು ದ್ವೀಪವನ್ನು ಪ್ರಭಾವಿ ಬರ್ಮಾ ಕುಟುಂಬಕ್ಕೆ ಗುತ್ತಿಗೆ ನೀಡಿದರು. 1882 ರಲ್ಲಿ, ಇದನ್ನು ಬರ್ಮಾದ ಅಂದರೆ ಮ್ಯಾನ್ಮಾರ್ ನ ಭಾಗವಾಗಿ ಅಧಿಕೃತವಾಗಿ ಅಂಗೀಕರಿಸಲಾಯಿತು.

3. ದೇಶವು ಸ್ವತಂತ್ರವಾಗುವ ಮೊದಲು, ಎಲ್ಲಾ ರೀತಿಯಿಂದ ಸಬಲ ಆಗಬಾರದು ಎಂದು ಬ್ರಿಟಿಷ್ ಸರಕಾರವು ಉದ್ದೇಶಪೂರ್ವಕವಾಗಿ ಕೋಕೋ ದ್ವೀಪವನ್ನು ಭಾರತದಿಂದ ಬೇರ್ಪಡಿಸಿತು.

ಕೋಕೋ ದ್ವೀಪ ಹೇಗಿದೆ ?

ಕೊಕೊ ದ್ವೀಪವು ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಿಂದ ಸುಮಾರು 55 ಕಿಲೋಮೀಟರ್ ದೂರದಲ್ಲಿದೆ. ಸಾಧಾರಣ 20 ಚದರ ಕಿಲೋಮೀಟರ್‌ಗಳಷ್ಟು ಹರಡಿರುವ ಈ ದ್ವೀಪದ ಹೆಸರಿನ ಹಿಂದೆ ಒಂದು ಕಾರಣವಿದೆ. ಸಮುದ್ರದ ಗಡಿಯಲ್ಲಿರುವ ಎಲ್ಲಾ ಪ್ರದೇಶಗಳಲ್ಲಿ ತೆಂಗಿನಕಾಯಿಗಳು ಹೇರಳವಾಗಿದ್ದರೂ, ಅವು ಕೋಕೋದಲ್ಲಿ ಇನ್ನೂ ಹೆಚ್ಚಾಗಿ ಸಿಗುತ್ತದೆ; ಹಾಗಾಗಿ ಇದನ್ನು ‘ಕೋಕೋ ದ್ವೀಪ’ ಎಂದು ಕರೆಯಲಾಯಿತು. ಇದು ‘ಗ್ರೇಟ್ ಕೋಕೋ’ ಮತ್ತು ‘ಸ್ಮಾಲ್ ಕೋಕೋ ಐಲ್ಯಾಂಡ್’ ಎಂಬ 2 ಭಾಗಗಳನ್ನು ಹೊಂದಿದೆ.

ದ್ವೀಪವು ಮ್ಯಾನ್ಮಾರ್‌ನ ಭಾಗವಾದ ನಂತರ, ಅದನ್ನು ಅದರ ಕಮಾಂಡರ್ ಜನರಲ್ ನೆ ವಿನ್ ವಸಾಹತುವನ್ನಾಗಿ ಮಾಡಲಾಯಿತು. ಇಲ್ಲಿ ಖೈದಿಗಳು ಮತ್ತು ಬಂಡುಕೋರರನ್ನು ಇರಿಸಲಾಗಿತ್ತು; ಆದರೆ ಇದು 70 ರ ದಶಕದಲ್ಲಿ ಬದಲಾಯಿತು. ಚೀನಾ ಇದನ್ನು ಮ್ಯಾನ್ಮಾರ್‌ನಿಂದ ಗುತ್ತಿಗೆಗೆ ಪಡೆದುಕೊಂಡಿತು ಮತ್ತು ಅದನ್ನು ತನ್ನ ಸ್ವಂತ ಮಿಲಿಟರಿಗಾಗಿ ಬಳಸಲು ಪ್ರಾರಂಭಿಸಿತು.

ಮ್ಯಾನ್ಮಾರ್ ಚೀನಾಕ್ಕೆ ಏಕೆ ವಿನಾಯಿತಿ ನೀಡಿದೆ ?

‘ದಿ ಗಾರ್ಡಿಯನ್’ ವರದಿಯ ಪ್ರಕಾರ ಚೀನಾ ಮ್ಯಾನ್ಮಾರ್‌ಗೆ ಭಾರಿ ಸಾಲ ನೀಡಿದೆ. ಇದು ನಿರಂತರವಾಗಿ ಹೆಚ್ಚುತ್ತಿದೆ. ಇಂತಹ ಪರಿಸ್ಥಿತಿಯಲ್ಲಿ, ಮ್ಯಾನ್ಮಾರ್ ಸರಕಾರವು ಚೀನಾಕ್ಕೆ ಮ್ಯಾನ್ಮಾರ್ ಪ್ರವೇಶಿಸಲು ಬಹುತೇಕ ಬಲವಂತಗೊಳಿಸಲಾಯಿತು. ಮ್ಯಾನ್ಮಾರ್‌ನಲ್ಲಿ ಕ್ಯುಕ್‌ಫಿಯು ಬಂದರಿನಂತಹ ಹಲವಾರು ಇತರ ಚೀನೀ ಯೋಜನೆಗಳು ಸಹ ನಡೆಯುತ್ತಿವೆ. ಇಲ್ಲಿಂದ, ಚೀನಾದ ನೌಕಾಪಡೆಯು ಭಾರತೀಯ ಪರಮಾಣು ಜಲಾಂತರ್ಗಾಮಿ ನೌಕೆಗಳ ಚಲನವಲನಗಳನ್ನು ಟ್ರ್ಯಾಕ್ ಮಾಡಬಹುದು. ಕೊಕೊ ದ್ವೀಪವನ್ನು ಚೀನಾಕ್ಕೆ ಗುತ್ತಿಗೆ ನೀಡಿರುವುದನ್ನು ಮ್ಯಾನ್ಮಾರ್ ನಿರಾಕರಿಸಿದ್ದರೂ, ಅದನ್ನು ಮರೆಮಾಚಿಲ್ಲ.