Ram Mandir Ayodhya : ನಾವು ಮುಂದಿನ 1 ಸಾವಿರ ವರ್ಷಗಳ ಅಡಿಪಾಯವನ್ನು ಈ ಪ್ರಾಣಪ್ರತಿಷ್ಠಾಪನೆಯ ನಂತರ ನಿರ್ಮಾಣ ಮಾಡಬೇಕಿದೆ !

ಅಯೋಧ್ಯೆಯಲ್ಲಿ ನಡೆದ ಕಾರ್ಯಕ್ರಮದ ಘಟನಾವಳಿ !

ಶ್ರೀ ರಾಮಲಲಾನ ಪ್ರಾಣಪ್ರತಿಷ್ಠಾಪನೆಯ ನಂತರ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಪ್ರಧಾನಿ ಮೋದಿ ಇವರು,

• ನೂರಾರು ವರ್ಷಗಳ ಅಸಂಖ್ಯಾತ ಬಲಿದಾನದ ನಂತರ ನಮ್ಮ ಪ್ರಭು ಶ್ರೀರಾಮ ಬಂದಿದ್ದಾನೆ.
• ಈಶ್ವರನ ಚೈತನ್ಯ ಅನುಭವಿಸಿದೆವು. ಹೇಳಲು ತುಂಬಾ ಇದೆ, ಆದರೆ ನನ್ನ ಗಂಟಲು ಅದನ್ನು ಹೇಳಲು ಬಿಡುತ್ತಿಲ್ಲ. ನನ್ನ ದೇಹ ಇನ್ನೂ ಕಂಪನಗಳಿಂದ ತುಂಬಿದೆ. ಆ ಕ್ಷಣದಲ್ಲಿ ಮನಸ್ಸು ಇನ್ನೂ ಲೀನವಾಗಿದೆ.
• ನಮ್ಮ ರಾಮಲಲಾನು ಇನ್ನು ಮುಂದೆ ಟೆಂಟ್‌ಗಳಲ್ಲಿ ವಾಸಿಸುವುದಿಲ್ಲ.
• ದಿವ್ಯ ಮಂದಿರದಲ್ಲಿ ತಂಗಲಿದ್ದಾರೆ. ಇಂದು ಏನಾಗಿದೆಯೋ ಅದನ್ನು ದೇಶದ ಮತ್ತು ಜಗತ್ತಿನ ಮೂಲೆ ಮೂಲೆಯಲ್ಲಿರುವ ರಾಮನ ಭಕ್ತರು ಅನುಭವಿಸುತ್ತಾರೆ ಎಂಬ ಅಪಾರ ಶ್ರಧ್ದೆ ನನಗಿದೆ.
• ಜನವರಿ 22, 2024 ಇದು ಪಂಚಾಂಗದ ದಿನಾಂಕವಲ್ಲ, ಬದಲಾಗಿ ಹೊಸ ಯುಗದ ಆರಂಭವಾಗಿದೆ.
• ನೂರಾರು ವರ್ಷಗಳ ತಾಳ್ಮೆಯ ಸಾರ್ಥಕತೆ ಇಂದು ನಮಗೆ ಸಿಕ್ಕಿದೆ.
• ಇಂದಿನಿಂದ 1 ಸಾವಿರ ವರ್ಷಗಳ ನಂತರವೂ ಈ ಕ್ಷಣವನ್ನು ಚರ್ಚಿಸುವರು. ನಾವೆಲ್ಲರೂ ಅದನ್ನು ನೋಡುತ್ತಿದ್ದೇವೆ ಮತ್ತು ಅನುಭವಿಸುತ್ತಿರುವಷ್ಟು ರಾಮನ ಕೃಪೆ ಇದೆ.
• ಇಂದು ಎಲ್ಲ ದಿಕ್ಕುಗಳೂ ದೈವತ್ವದಿಂದ ತುಂಬಿವೆ.
• ನಾನು ಪ್ರಭುಗಳಲ್ಲಿ, ಎಲ್ಲೋ ಕಡಿಮೆ ಬಿದ್ದದ್ದರಿಂದ ನೂರಾರು ವರ್ಷಗಳಿಂದ ದೇವಸ್ಥಾನ ಕಟ್ಟಲು ಸಾಧ್ಯವಾಗದೇ ಇದ್ದದ್ದಕ್ಕೆ ಕ್ಷಮೆ ಕೇಳುತ್ತೇನೆ. ಭಗವಾನ್ ಶ್ರೀರಾಮನು ಖಂಡಿತವಾಗಿಯೂ ನಮ್ಮನ್ನು ಕ್ಷಮಿಸುತ್ತಾನೆ ಎಂದು ನಾನು ಇಂದು ಭಾವಿಸುತ್ತೇನೆ.
• ಭಗವಂತನ ಆಗಮನವು ದೊಡ್ಡ ವಿಯೋಗ ಕೊನೆಗೊಳಿಸಿತು. ತ್ರೇತಾಯುಗದಲ್ಲಿ ಕೇವಲ 14 ವರ್ಷಗಳ ಅಗಲಿಕೆ ಇತ್ತು. ಈ ಕಲಿಯುಗದಲ್ಲಿ ನೂರಾರು ವರ್ಷಗಳ ಅಗಲಿಕೆಯನ್ನು ಸಹಿಸಬೇಕಾಯಿತು.
• ಹಲವು ದಶಕಗಳಿಂದ ಶ್ರೀರಾಮನ ಅಸ್ತಿತ್ವದ ಬಗ್ಗೆ ಕಾನೂನು ಹೋರಾಟ ನಡೆಸಬೇಕಾಯಿತು. ನ್ಯಾಯ ಒದಗಿಸಿದ ನ್ಯಾಯಾಂಗಕ್ಕೆ ನಾನು ಆಭಾರಿಯಾಗಿದ್ದೇನೆ.
• ಇಂದು ಸಂಜೆ ಮನೆಗಳಲ್ಲಿ ರಾಮಜ್ಯೋತಿ ಬೆಳಗಲಿದೆ.
• ಈಗ ಕಾಲಚಕ್ರ ಮತ್ತೆ ತಿರುಗಲಿದೆ.
• ಭಾರತದ ಮಣ್ಣಿನಲ್ಲಿ ಶ್ರೀರಾಮ ಆರೂಢನಾಗಿದ್ದಾನೆ. ಈ ಏಕಾತ್ಮದ ಭಾವವನ್ನು ನಮ್ಮೆಲ್ಲರಲ್ಲಿ ಇದೆ.
• ವಿವಿಧ ಭಾಷೆಗಳಲ್ಲಿ ರಾಮಾಯಣವನ್ನು ಕೇಳುವ ಸೌಭಾಗ್ಯ ನನಗೆ ಸಿಕ್ಕಿದೆ. ಕಳೆದ 11 ದಿನಗಳಿಂದ ನಾನು ಇದನ್ನು ಕೇಳಿದ್ದೇನೆ.
• ರಾಮ ಎಲ್ಲೆಲ್ಲೂ ಇದ್ದಾನೆ, ಎಲ್ಲ ಯುಗದಲ್ಲಿಯೂ ಜನರು ರಾಮನನ್ನು ವ್ಯಕ್ತಪಡಿಸಿದ್ದಾರೆ. ರಾಮರಸ ಜೀವಧಾರೆಯಂತೆ ನಿರಂತರವಾಗಿ ಹರಿಯುತ್ತಿದೆ. ರಾಮರಸದ ಆಚಮನ ಮಾಡುತ್ತಾ ಬಂದಿದ್ದಾರೆ.
• ರಾಮನ ಆದರ್ಶಗಳು, ಮೌಲ್ಯಗಳು, ಶಿಕ್ಷೆಗಳು ಎಲ್ಲೆಡೆ ಏಕರೂಪವಾಗಿವೆ.
• ನಾವು ಹಲವಾರು ಕಾರಸೇವಕರು, ರಾಮ ಭಕ್ತರು, ಸಾಧುಗಳು ಮತ್ತು ಸಂತರಿಗೆ ಋಣಿಯಾಗಿದ್ದೇವೆ.
• ಭಾರತೀಯ ಸಮಾಜದ ಪ್ರಬುದ್ಧತೆಯ ಬೋಧನೆಯ ಕ್ಷಣವೂ ಹೌದು. ಈ ಕ್ಷಣವು ವಿಜಯ ಮಾತ್ರವಲ್ಲ, ನಮ್ರತೆಯೂ ಆಗಿದೆ.
• ರಾಮಮಂದಿರ ಕಟ್ಟಿದರೆ ಬೆಂಕಿ ಬೀಳುತ್ತದೆ ಎಂದು ಕೆಲವರು ಹೇಳುತ್ತಿದ್ದರು. ರಾಮಮಂದಿರ ನಿರ್ಮಾಣವು ಭಾರತೀಯ ಸಮಾಜದ ಶಾಂತಿ, ಧೈರ್ಯ ಮತ್ತು ಸಾಮರಸ್ಯದ ಸಂಕೇತವಾಗಿದೆ.
• ಸೃಷ್ಟಿಯು ಬೆಂಕಿಗೆ ಜನ್ಮ ನೀಡುತ್ತಿಲ್ಲ, ಬದಲಾಗಿ ಶಕ್ತಿಗೆ ಜನ್ಮ ನೀಡುತ್ತಿದೆ.
• ರಾಮಮಂದಿರ ಉಜ್ವಲ ಭವಿಷ್ಯವನ್ನು ಸೃಷ್ಟಿಸಲಿದೆ.
• ರಾಮನು ಬೆಂಕಿಯಲ್ಲ, ಬದಲಾಗಿ ಶಕ್ತಿಯಾಗಿದೆ. ರಾಮ ವಿವಾದವಲ್ಲ, ಸಮಾಧಾನವಾಗಿದೆ.
• ರಾಮನು ವರ್ತಮಾನವಷ್ಟೇ ಅಲ್ಲ ಬದಲಾಗಿ ಅನಂತವಾಗಿದೆ.
• ಇಡೀ ವಿಶ್ವವು ಈ ರಾಮ ಪ್ರಾಣಪ್ರತಿಷ್ಠೆಯೊಂದಿಗೆ ಸಂಪರ್ಕ ಹೊಂದಿದೆ.
• ಶ್ರೀರಾಮಲಲಾನ ಈ ಕೀರ್ತಿಯು ವಸುಧೈವ ಕುಟುಂಬಕಂನ ಕೀರ್ತಿಯಾಗಿದೆ.
• ಭಾರತೀಯ ಸಂಸ್ಕೃತಿಯ ಮೇಲಿನ ವಿಶ್ವಾಸದ ಮತ್ತು ಅತ್ಯುನ್ನತ ಆದರ್ಶಗಳ ಪ್ರಾಣಪ್ರತಿಷ್ಠಾಪನೆಯಾಗಿದೆ.
• ಇಡೀ ವಿಶ್ವಕ್ಕೆ ಇದರ ಅವಶ್ಯಕತೆ ಇದೆ. ಇದು ‘ಸರ್ವೇತ್ರ ಸುಖಿಂ:..’ ನ ಅನುಭೂತಿಯಾಗಿದೆ.
• ಇದು ಕೇವಲ ದೇವಾಲಯವಲ್ಲ, ಬದಲಾಗಿ ಭಾರತೀಯ ದೃಷ್ಟಿ, ದರ್ಶನ, ದಿಕ್ದರ್ಶನದ ದೇವಾಲಯವಾಗಿದೆ.
• ರಾಮ ಭಾರತದ ವಿಚಾರ, ಚಿಂತನೆ, ಪ್ರತಿಷ್ಠೆ, ಪ್ರತಾಪ, ಪ್ರಭಾವ, ನೀತಿ, ನಿತ್ಯ, ನಿರಂತರತೆ, ಸಮಗ್ರ, ವಿಶ್ವ, ವಿಶ್ವಾತ್ಮವಾಗಿದೆ.
• ಹಾಗಾಗಿ ರಾಮನ ಪ್ರಭಾವ ಕೆಲವೇ ವರ್ಷಗಳಲ್ಲ, ಸಾವಿರಾರು ವರ್ಷಗಳವರೆಗೆ ಇರುತ್ತದೆ.
• ಶ್ರೀರಾಮನು 10 ಸಾವಿರ ವರ್ಷಗಳ ಕಾಲ ಆಳಿದನು.
• ನೂರಾರು ವರ್ಷಗಳ ಕಾಯುವಿಕೆ ಮುಗಿದಿದೆ, ಮುಂದೇನು? ಇಂದು ಪ್ರಶ್ನೆಯಾಗಿದೆ.
• ದೈವಿ ಆತ್ಮಗಳನ್ನು ಹಿಂತಿರುಗಿಸಲು ಕೇಳಲಾಗುತ್ತದೆಯೇ? ಇಲ್ಲ.
• ಇದೇ ಸರಿಯಾದ ಸಮಯವಾಗಿದೆ. ಮುಂದಿನ 1 ಸಾವಿರ ವರ್ಷಗಳ ಅಡಿಪಾಯವನ್ನು ಇಂದು ಹಾಕಲಾಗುವುದು.
• ನಾವು ಬಲವಾದ, ಸಮರ್ಥ, ಪವಿತ್ರ, ಭವ್ಯವಾದ, ದಿವ್ಯ ಭಾರತವನ್ನು ರಚಿಸಲು ಬಯಸುತ್ತೇವೆ.
• ನಾವು ನಮ್ಮ ಅಂತಃಕರಣವನ್ನು ವಿಸ್ತರಿಸಬೇಕು.
• ಪ್ರತಿಯೊಬ್ಬ ಭಾರತೀಯನ ಸಮರ್ಪಣಾ ಭಾವದ ಅಗತ್ಯವಿದೆ.
• ಇದು ದೇವರಿಂದ ದೇಶಕ್ಕೆ ಮತ್ತು ರಾಮನಿಂದ ರಾಷ್ಟ್ರದ ಚೈತನ್ಯದ ವಿಸ್ತರಣೆಯಾಗಿದೆ.
• ನಾನು ತೀರಾ ಸಾಮಾನ್ಯನಾಗಿದ್ದೇನೆ, ಚಿಕ್ಕವನು ಎಂದು ಯಾರಾದರೂ ಭಾವಿಸಿದರೆ, ಅವನು ಅಳಿಲನ್ನು ನೆನಪಿಸಿಕೊಳ್ಳಬೇಕು.
• ನಮ್ಮ ಜೀವನದ ಪ್ರತಿ ಕ್ಷಣ, ದೇಹದ ಕಣಕಣದಲ್ಲೂ ದೇಶಕ್ಕಾಗಿ, ರಾಮನಿಗೆ ಸಮರ್ಪಿಸಬೇಕೆಂದು ಸಂಕಲ್ಪ ಮಾಡೋಣ.
• ನಮ್ಮ ಪೂಜೆ ಸಮಷ್ಟಿಗಾಗಿ ಆಗಬೇಕು.
• ಭಾರತ ಯುವ ಶಕ್ತಿಯಿಂದ ತುಂಬಿದೆ. ಈ ಸಕಾರಾತ್ಮಕ ಪರಿಸ್ಥಿತಿ ಯಾವಾಗ ಮರಳುತ್ತದೆ ಎಂಬುದು ತಿಳಿದಿಲ್ಲ. ಇದು ಭಾರತದ ಸುವರ್ಣಯುಗವಾಗಿದೆ. ನಾವು ಆ 1 ಸಾವಿರ ವರ್ಷಗಳ ಅಡಿಪಾಯವನ್ನು ಹಾಕಲಿದ್ದೀರಿ.
• ಈ ದೇವಾಲಯವು ಭಾರತೀಯ ಸಮೃದ್ಧಿ, ಉದಯ, ಭವ್ಯ ಭಾರತಕ್ಕೆ ಸಾಕ್ಷಿಯಾಗಲಿದೆ.
• ಸಾಮೂಹಿಕ ಪ್ರಯತ್ನದಿಂದ ಎಲ್ಲವೂ ಸಾಧ್ಯ. ದೇವಾಲಯವು ಒಂದು ಉದಾಹರಣೆಯಾಗಿದೆ.
• ಎಲ್ಲಾ ಸಂತರ ಚರಣಗಳಿಗೆ ನನ್ನ ನಮನಗಳು!
• ಸಿಯಾವರ ರಾಮಚಂದ್ರ ಕೀ ಜಯ !

ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥಜಿ ಅವರು ಪ್ರಧಾನಿ ಮೋದಿ ಮತ್ತು ಪ.ಪೂ. ಸರಸಂಘಚಾಲಕ ಇವರಿಗೆ ಶ್ರೀರಾಮ ಮಂದಿರದ ಬೆಳ್ಳಿಯ ಪ್ರತಿಕೃತಿಯನ್ನು ಉಡುಗೊರೆಯಾಗಿ ನೀಡಲಾಯಿತು !

ಶ್ರೀ ರಾಮ ಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್‌ನ ಖಜಾಂಚಿ ಶ್ರೀ. ಗೋವಿಂದದೇವಗಿರಿಜಿ ಮಹಾರಾಜರು ತಮ್ಮ ಭಾಷಣದಲ್ಲಿ,

• ಪ್ರಧಾನಮಂತ್ರಿಯವರ ಶುಭ ಹಸ್ತಗಳಿಂದ ಶ್ರೀರಾಮರಾಯರ ಪ್ರಾಣಪ್ರತಿಷ್ಠಾಪನೆ ಆಯಿತು.
• 20 ದಿನಗಳ ಹಿಂದೆಯೇ ಪ್ರಧಾನಮಂತ್ರಿ ಅವರೇ ವಿಧಿವಿಧಾನ ನಡೆಸಬೇಕು ಎಂದು ತಿಳಿಯಿತು. ತಪಸ್ಸಿನಿಂದ ಮನಸ್ಸು ಶುದ್ಧವಾಗುತ್ತದೆ.
• ಪ್ರಧಾನಿ ತಪಶ್ಚರ್ಯ ಮಾಡಿದ್ದು 3 ದಿನವಲ್ಲ, 11 ದಿನ. ನಾವು ಒಗ್ಗಟ್ಟಾಗಿದ್ದೀರಿ. ಅಂತಹ ತಪಸ್ವಿ ರಾಷ್ಟ್ರೀಯ ನಾಯಕ ಯಾರೂ ಇಲ್ಲ. ನಾಸಿಕ್, ಗುರುವಾಯೂರ್, ರಾಮೇಶ್ವರಂ ಮೊದಲಾದ ಸ್ಥಳಗಳಲ್ಲಿ ವಿಧಿವಿಧಾನಗಳನ್ನು ನಡೆಸಲಾಯಿತು. 3 ದಿನಗಳ ನೆಲದ ಮೇಲೆ ಮಲಗಲು ಹೇಳಲಾಗಿತ್ತು, ನೀವು 11 ದಿನಗಳ ನೆಲದ ಮೇಲೆ ಮಲಗಿದ್ದೀರಿ.
• ತಪ ಎಂಬುದು ಭಾರತೀಯ ಸಂಸ್ಕೃತಿಯ ಮೂಲ ಪದ! ಆ ತಪವು ನಮ್ಮಲ್ಲಿ ಸಾಕಾರಗೊಂಡಿತು. ಅಂತಹ ತಪಸ್ಸು ಮಾಡಿದ ರಾಜನ ಒಂದೇ ಒಂದು ಹೆಸರು ನನಗೆ ನೆನಪಿದೆ, ಅದು ಛತ್ರಪತಿ ಶಿವಾಜಿ ಮಹಾರಾಜ! ಈ ಸಮಯದಲ್ಲಿ ಪೂ. ಗೋವಿಂದದೇವಗಿರಿಜಿ ಮಹಾರಾಜರ ಭಾವ ಜಾಗೃತವಾಯಿತು.

ಈ ಸಂದರ್ಭದಲ್ಲಿ ಪ್ರಧಾನಿಯವರೊಂದಿಗೆ ಪ.ಪೂ. ಸರಸಂಘಚಾಲಕ, ಉತ್ತರ ಪ್ರದೇಶದ ರಾಜ್ಯಪಾಲ ಆನಂದಿಬೆನ್ ಪಟೇಲ್, ಯೋಗಿ ಆದಿತ್ಯನಾಥ್, ಶ್ರೀ ರಾಮ ಜನ್ಮಭೂಮಿ ನ್ಯಾಸ ಅಧ್ಯಕ್ಷ ಮಹಂತ್ ನೃತ್ಯ ಗೋಪಾಲದಾಸ್ ಮಹಾರಾಜ ಮತ್ತು ಇತರರು ಉಪಸ್ಥಿತರಿದ್ದರು. ಕಾರ್ಯಕ್ರಮದ ಸೂತ್ರಸಂಚಾಲನೆಯನ್ನು ಶ್ರೀ. ಚಂಪತ್ ರೈ ಅವರು ಮಾಡಿದರು.

ಬಳಿಕ ಪ್ರಧಾನಿ ಉಪವಾಸ ಮುರಿದರು.

ನಂತರ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥಜಿ ತಮ್ಮ ಭಾಷಣದಲ್ಲಿ,

• ಇಂದಿನ ದಿನವನ್ನು ವ್ಯಕ್ತಪಡಿಸಲು ಪದಗಳಿಲ್ಲ. ಪ್ರತಿಯೊಬ್ಬರ ಮನದಲ್ಲೂ ರಾಮನಾಮವಿದೆ. ರಾಮಾರೊಮಾಂತ ರಾಮ-ರಾಮ ರಾಮಮಯವಾಗಿದೆ. ಇಂದು ರಘುನಂದನ ರಾಮಲಲಾ ಸಿಂಹಾಸನಾರೂಢರಾಗಿದ್ದಾರೆ.
• ಭಾರತ ಈ ದಿನಕ್ಕಾಗಿ ಕಾಯುತ್ತಿತ್ತು. ಇದಕ್ಕಾಗಿ 5 ಶತಕಗಳನ್ನು ತೆಗೆದುಕೊಂಡಿತು. ಅನೇಕ ತಲೆಮಾರುಗಳು ಅದಕ್ಕಾಗಿ ಹೋರಾಡಿದವು.
• ಬಹುಸಂಖ್ಯಾತ ಸಮಾಜವು ಹಲವು ವರ್ಷಗಳ ಕಾಲ ಮತ್ತು ಹಲವು ಹಂತಗಳಲ್ಲಿ ಹೋರಾಡಿದ ಇತಿಹಾಸದಲ್ಲಿ ಇದು ಏಕೈಕ ಉದಾಹರಣೆಯಾಗಿದೆ.
• ಕೊನೆಗೂ ಕೋಟ್ಯಾಂತರ ಹೃದಯಗಳ ಇಷ್ಟಾರ್ಥಗಳನ್ನು ಈಡೇರಿಸುವ ಆ ಸುಸಂದರ್ಭ ಬಂದಿತು.
• ಅಲ್ಲಿ ದೇವಾಲಯ ನಿರ್ಮಾಣವಾಗಲಿದೆ, ಈ ಕನಸು ನನಸಾಗಿದೆ. ತಮ್ಮ ಮನಸ್ಸಿನ ಭಗವಂತನನ್ನು ಸಾಕಾರಗೊಳಿಸಿದ ಶಿಲ್ಪಿಗಳು ಧನ್ಯರು.
• ಈ ಕ್ಷಣವನ್ನು ನೋಡಿದ ನಮ್ಮ ಪೀಳಿಗೆಯ ಅದೃಷ್ಟಶಾಲಿಯಾಗಿದ್ದಾರೆ ಮತ್ತು ಅದಕ್ಕಾಗಿ ಎಲ್ಲವನ್ನೂ ತ್ಯಾಗ ಮಾಡಿದ ಪೀಳಿಗೆಯು ಹೆಚ್ಚು ಅದೃಷ್ಟಶಾಲಿಯಾಗಿದೆ.
• ಭವ್ಯ ದಿವ್ಯವಾದ ಶ್ರೀ ರಾಮಮಂದಿರದ ನಿರ್ಮಾಣದಲ್ಲಿ ಕೊಡುಗೆ ನೀಡಿದವರಿಗೆ ನಾನು ನನ್ನ ಕೃತಜ್ಞತೆಯನ್ನು ವ್ಯಕ್ತಪಡಿಸುತ್ತೇನೆ.
  ಈ ಸಂದರ್ಭದಲ್ಲಿ ರಾಮನಗರಿ ಅಯೋಧ್ಯೆಯಲ್ಲಿ ನಡೆಯುತ್ತಿರುವ ಕಾಮಗಾರಿಗಳ ಕುರಿತು ಮಾಹಿತಿ ನೀಡಿದರು.

ಇದಾದ ಬಳಿಕ ಪ.ಪೂ. ಸರಸಂಘಚಾಲಕ್ ಮಾತನಾಡಿ,

• ರಾಮಲಾಲಾ ಜೊತೆ ಭಾರತದ ‘ಸ್ವ’ ಮರಳಿದೆ.
• ಭಾರತದೆಲ್ಲೆಡೆ ಉತ್ಸಾಹ ಮತ್ತು ಆನಂದವಾಗಿದೆ.
• ನೂರಾರು ವರ್ಷಗಳ ಹೋರಾಟದ ಅಧ್ಯಯನ ಮಾಡುವ ವ್ಯಕ್ತಿ ಖಂಡಿತವಾಗಿಯೂ ರಾಷ್ಟ್ರಕ್ಕಾಗಿ ಸಕ್ರಿಯನಾಗಿರುತ್ತಾನೆ.
• ಪ್ರಧಾನಿ ತಪಸ್ಸನ್ನು ಮಾಡಿದರು. ಈಗ ರಾಮರಾಜ್ಯ ತರಲು ನಾವೂ ತಪಸ್ಸು ಮಾಡಬೇಕು.
• ನಾವೆಲ್ಲರೂ ಪರಸ್ಪರ ಸಾಮರಸ್ಯ, ಸಹಾನುಭೂತಿ, ಸೇವೆ, ಉಪಕಾರ, ಪವಿತ್ರತೆ, ತಾಳ್ಮೆಯಿಂದ ಕೆಲಸ ಮಾಡಲು ಈಗ ಶ್ರಮಿಸೋಣ.