‘ಹಲಾಲ್‌ ಸರ್ಟಿಫಿಕೇಶನ್’ ಒಂದು ‘ಜಿಝಿಯಾ ತೆರಿಗೆ’, ಇದನ್ನು ದೇಶಾದ್ಯಂತ ನಿಷೇಧಿಸಿ ! – ಶ್ರೀ. ರಮೇಶ ಶಿಂದೆ, ರಾಷ್ಟ್ರೀಯ ವಕ್ತಾರರು, ಹಿಂದೂ ಜನಜಾಗೃತಿ ಸಮಿತಿ

‘ಹಲಾಲ್‌ ವ್ಯಾಪಾರದ ಮೇಲೆ ಯೋಗೀಜಿಯವರಿಂದ ಪ್ರಹಾರ’ ಈ ಕುರಿತು ಹಿಂದೂ ಜನಜಾಗೃತಿ ಸಮಿತಿ ವತಿಯಿಂದ ಆನ್‌ಲೈನ್‌ನಲ್ಲಿ ವಿಶೇಷ ಸಂವಾದ !

ಮುಂಬೈ – ಉತ್ತರ ಪ್ರದೇಶದ ಮುಖ್ಯಮಂತ್ರಿ ಮಾನ್ಯ ಯೋಗಿ ಆದಿತ್ಯನಾಥ ಇವರು ಹಲಾಲ್‌ ಪ್ರಮಾಣೀಕೃತ ಉತ್ಪಾದನೆಗಳ ಮೇಲೆ ನಿಷೇಧ ಹೇರಿ ಭಾರತದ ಆರ್ಥಿಕ ವ್ಯವಸ್ಥೆಯ ಮೇಲಿನ ದಾಳಿ ತಡೆಯಲು ಮಹತ್ವಪೂರ್ಣ ನಿರ್ಣಯ ತೆಗೆದುಕೊಂಡಿದ್ದಾರೆ. ಮೊಘಲರ ಕಾಲದಲ್ಲಿದ್ದ ‘ಜಿಝಿಯಾ ತೆರಿಗೆ’ಯಂತೆ ಈಗ ‘ಹಲಾಲ್‌ ಸರ್ಟಿಫಿಕೇಷನ್’ ಖಾಸಗಿ ತೆರಿಗೆ ಇಸ್ಲಾಮಿ ಸಂಸ್ಥೆಗಳಿಂದ ಜಾರಿ ಮಾಡಲಾಗಿದೆ. ಇದಕ್ಕೆ ಭಾರತ ಸರಕಾರದ ಯಾವುದೇ ಮಾನ್ಯತೆ ಇಲ್ಲ. ವಿವಿಧ ಬಾಂಬ್‌ಸ್ಪೋಟದ ಭಯೋತ್ಪಾದಕರನ್ನು ಬಿಡುಗಡೆಗೊಳಿಸಲು ಹಲಾಲ್‌ ಸರ್ಟಿಫಿಕೇಷನ್‌ನಿಂದ ದೊರೆತ ಹಣವನ್ನು ಬಳಸಲಾಗುತ್ತದೆ. ಹಿಂದೂ ವ್ಯಾಪಾರಿಗಳ ಮೇಲೆ ಕಡ್ಡಾಯವಾಗಿ ಹೇರಿರುವ ಹಲಾಲ್‌ ಸರ್ಟಿಫಿಕೇಶನ್‌ ಮೇಲೆ ನಿಷೇಧ ಹೇರಿದರೆ ಭಾರತಕ್ಕೆ ಸುರಕ್ಷೆಯಿರುತ್ತದೆ ಹಾಗೂ ಹಿಂದೂ ವ್ಯಾಪಾರಿಗಳ ಆರ್ಥಿಕ ಶೋಷಣೆಯೂ ನಿಲ್ಲುತ್ತದೆ. ‘ಹಲಾಲ್‌ ಸರ್ಟಿಫಿಕೇಷನ್’ ನಿಯಮದಲ್ಲಿ ಉತ್ಪಾದಕರು ತಮ್ಮ ಕಂಪನಿಯಲ್ಲಿ ಇಬ್ಬರು ಮೌಲ್ವಿಗಳನ್ನೂ ನೇಮಿಸುವುದನ್ನು ಕಡ್ಡಾಯಗೊಳಿಸಲಾಗಿತ್ತು, ಸದ್ಯ ಉತ್ತರಪ್ರದೇಶದಲ್ಲಿ ಈ ಹೇರಿಕೆಯ ವ್ಯವಹಾರ ನಿಲ್ಲಲಿದೆ.

ಉತ್ತರಪ್ರದೇಶ ಸರಕಾರದ ಆದರ್ಶ ಪಡೆದು ಸಂಪೂರ್ಣ ದೇಶಾದ್ಯಂತ ಕಾನೂನುಬಾಹಿರವಾಗಿ ನಡೆಯುತ್ತಿರುವ ಹಲಾಲ್‌ ಸರ್ಟಿಫಿಕೇಶನ್‌ ಮೇಲೆ ನಿಷೇಧ ಹೇರಬೇಕು’ ಎಂದು ಹಿಂದೂ ಜನಜಾಗೃತಿ ಸಮಿತಿಯ ರಾಷ್ಟ್ರೀಯ ವಕ್ತಾರರಾದ ಶ್ರೀ. ರಮೇಶ ಶಿಂದೆ ಇವರು ಆಗ್ರಹಿಸಿದ್ದಾರೆ. ಅವರು ಹಿಂದೂ ಜನಜಾಗೃತಿ ಸಮಿತಿ ವತಿಯಿಂದ ಆಯೋಜಿಸಿದ್ದ ‘ಹಲಾಲ್‌ ವ್ಯಾಪಾರದ ಮೇಲೆ ಯೋಗೀಜಿಯ ಪ್ರಹಾರ !’ ಎಂಬ ಬಗ್ಗೆ ಆನ್‌ಲೈನ್‌ ವಿಶೇಷ ಸಂವಾದದಲ್ಲಿ ಮಾತನಾಡುತ್ತಿದ್ದರು.

ಶ್ರೀ. ರಮೇಶ ಶಿಂದೆ ಇವರು ಮುಂದಿನ ಅಂಶಗಳನ್ನೂ ತಿಳಿಸಿದ್ದಾರೆ :

೧. ಭಾರತ ಸರಕಾರದ FSSAI ಮತ್ತು FDA ಯಂತಹ ಆಹಾರ ಪದಾರ್ಥಗಳ ಪ್ರಮಾಣೀಕೃತ ಮಾಡುವ ಸಂಸ್ಥೆಗಳಿರುವಾಗಲೂ ಹಲಾಲ್‌ ಪ್ರಮಾಣಪತ್ರ ಕಡ್ಡಾಯಗೊಳಿಸಿ ಹಿಂದೂ ವ್ಯಾಪಾರಿಗಳ ಶೋಷಣೆ ಮಾಡುತ್ತಿದ್ದಾರೆ.
೨. ಹಲಾಲ್‌ ಸರ್ಟಿಫಿಕೇಶನ್‌ ಹೊರಗಿನ ಇಸ್ಲಾಮಿಕ್‌ ದೇಶಗಳಿಗೆ ಆವಶ್ಯಕತೆ ಇದೆ. ಆದರೆ ಅದನ್ನು ಗೋಧಿ, ಅಕ್ಕಿ ಇದರಂತಹ ಧಾನ್ಯಗಳಿಗೂ ನೀಡಲಾಗುತ್ತಿದೆ, ಇದು ನಮಗೂ ತಿಳಿದಿರಲಿಲ್ಲ.
೩. ‘ಈ ರೀತಿ ನಮ್ಮ ಧರ್ಮದಲ್ಲಿಯೂ ಬರೆದಿಲ್ಲ’, ಎಂದು ಮುಸ್ಲಿಂ ಮಹಾಸಂಘದಿಂದ ಈಗ ಬಹಿರಂಗಪಡಿಸಲಾಗಿದೆ. ‘ಹಲಾಲ್‌ ಸರ್ಟಿಫಿಕೇಶನ್’ ಗೆ ‘ಜಮೀಯತ್‌-ಉಲೇಮಾ-ಎ-ಹಿಂದ್‌’ನ ಶಿಯಾ ಮುಸಲ್ಮಾನ ಬಹುಸಂಖ್ಯಾತ ದೇಶಗಳಲ್ಲಿ ಮಾನ್ಯತೆ ಇಲ್ಲ.
೪. ಹಲಾಲ್‌ ಸರ್ಟಿಫಿಕೇಷನ್‌ ಡೇಟಿಂಗ್‌ ವೆಬ್‌ಸೈಟ್, ಲಿಪ್‌ಸ್ಟಿಕ್‌ ನಂತಹ ವಸ್ತುಗಳ ಮೇಲೂ ಏಕೆ ಬಂದಿದೆ ಎಂಬುದು ಸಮಾಜದ ಎದುರು ಬಹಿರಂಗವಾಗಬೇಕು.
೫. ‘ಹಲಾಲ್‌ ಮಾಂಸ’ ಮಾರಾಟದ ಮೇಲೆ ಉತ್ತರ ಪ್ರದೇಶ ಸರಕಾರವು ನಿಷೇಧವನ್ನು ಹೇರಿಲ್ಲ, ಬದಲಾಗಿ ಕಾನೂನುಬಾಹಿರವಾಗಿ ಜೀವನೋಪಯೋಗಿ ಉತ್ಪಾದನೆಗಳ ಮೇಲೆ ಜಾರಿಗೊಳಿಸಲಾಗಿರುವ ಹಲಾಲ್‌ ಸರ್ಟಿಫಿಕೇಟ್‌ ಮೇಲೆ ನಿಷೇಧ ಹೇರಿದೆ.