ಕೊರಳಲ್ಲಿ ‘ಜೈ ಶ್ರೀ ರಾಮ್’ ಎಂಬ ಪಟ್ಟಿ ಹಾಕಿದ್ದ ವಿದ್ಯಾರ್ಥಿಯನ್ನು ಹೊರಹಾಕಿದ ಶಿಕ್ಷಕರು !

ಕೊಲ್ಲಾಪುರ – ನಗರದ ಕಾಲೇಜೊಂದರ ವಾಣಿಜ್ಯ ವಿಭಾಗದ ಮೊದಲ ವರ್ಷದ ಶಿಕ್ಷಣ ಪಡೆಯುತ್ತಿರುವ ವಿದ್ಯಾರ್ಥಿಯೊಬ್ಬ ‘ಜೈ ಶ್ರೀ ರಾಮ್’ ಎಂದು ಬರೆದಿದ್ದ ಕೇಸರಿ ಪಟ್ಟಿಯನ್ನು ಕುತ್ತಿಗೆಯಲ್ಲಿ ಧರಿಸಿದ್ದನು. ತರಗತಿ ಆರಂಭವಾದ ನಂತರ ಶಿಕ್ಷಕರೊಬ್ಬರು ಅವನಿಗೆ ಕುತ್ತಿಗೆಯಲ್ಲಿದ್ದ ಪಟ್ಟಿಯನ್ನು ತೆಗೆಯುವಂತೆ ಹೇಳಿದರು. ಈ ಬಗ್ಗೆ ವಿದ್ಯಾರ್ಥಿಯು, ‘ಕ್ಲಾಸ್‌ನಲ್ಲಿರುವ ವಿದ್ಯಾರ್ಥಿನಿಯರಿಗೆ ಹಿಜಾಬ್ ತೆಗೆಯಲು ಹೇಳಿರಿ’, ಆಗಲೇ ನಾನು ಪಟ್ಟಿಯನ್ನು ತೆಗೆಯುತ್ತೇನೆ’, ಎಂದು ಹೇಳಿದನು. ಈ ಕುರಿತು ಶಿಕ್ಷಕ ಮತ್ತು ವಿದ್ಯಾರ್ಥಿಯ ನಡುವೆ ವಾದ ನಡೆದಿದ್ದರಿಂದ ಶಿಕ್ಷಕನು ಸಂಬಂಧಪಟ್ಟ ವಿದ್ಯಾರ್ಥಿಯನ್ನು ತರಗತಿಯಿಂದ ಹೊರಹೋಗುವಂತೆ ಹೇಳಿದರು. ಇದಾದ ಬಳಿಕ ಕಾಲೇಜಿನ ಹಲವು ವಿದ್ಯಾರ್ಥಿಗಳು ಒಂದೆಡೆ ಸೇರಿದರು ಮತ್ತು ಹಠಾತ್ ಆಂದೋಲನ ನಡೆಸಿದರು. ಈ ಘಟನೆ ಹಿಂದುತ್ವ ಸಂಘಟನೆಗಳ ಕಾರ್ಯಕರ್ತರಿಗೆ ತಿಳಿದಾಗ ಅವರು ಕಾಲೇಜಿಗೆ ಬಂದು ವಿಚಾರಿಸಿದಾಗ ಸಂಬಂಧಪಟ್ಟ ಶಿಕ್ಷಕರು ಕ್ಷಮೆ ಯಾಚಿಸಿದರು.

ಈ ಘಟನೆ ಜುಲೈ 17 ರಂದು ನಡೆದಿದೆ. ಇದರ ‘ವೀಡಿಯೊ’ ಸಾಮಾಜಿಕ ಮಾಧ್ಯಮಗಳಲ್ಲಿ ದೊಡ್ಡ ಪ್ರಮಾಣದಲ್ಲಿ ಪ್ರಸಾರವಾಗಿದೆ. ಕೇಸರಿ ಪಟ್ಟಿ ಧರಿಸಿದ್ದ ಮತ್ತು ಸಂಬಂಧಿಸಿದ ಶಿಕ್ಷಕನಿಗೆ ತೀಕ್ಷ್ಣವಾಗಿ ಉತ್ತರ ನೀಡಿದ್ದ ವಿದ್ಯಾರ್ಥಿಯನ್ನು ಹಿಂದೂ ಸಹೋದರರು ಅಭಿನಂದಿಸುತ್ತಿದ್ದಾರೆ.