ಇಂದೂರ (ಮಧ್ಯಪ್ರದೇಶ) ಇಲ್ಲಿ ಹಣೆಗೆ ತಿಲಕವನ್ನು ಹಚ್ಚಿಕೊಂಡಿದ್ದ ವಿದ್ಯಾರ್ಥಿಗಳಿಗೆ ಶಿಕ್ಷಕಿಯಿಂದ ಥಳಿತ

ಇಂದೂರ (ಮಧ್ಯಪ್ರದೇಶ) – ಇಲ್ಲಿಯ ಧಾರ ರಸ್ತೆಯಲ್ಲಿರುವ ಬಾಲ ವಿಜ್ಞಾನ ಶಿಶುವಿಹಾರ ಉಚ್ಚ ಮಾಧ್ಯಮಿಕ ಶಾಲೆಯಲ್ಲಿ ವಿದ್ಯಾರ್ಥಿಗಳು ಹಣೆಗೆ ತಿಲಕವನ್ನು ಹಚ್ಚಿದ್ದರಿಂದ ಶಿಕ್ಷಕಿಯು ಕೆಲವು ವಿದ್ಯಾರ್ಥಿಗಳಿಗೆ ಥಳಿಸಿದ್ದಾರೆ. ಈ ಬಗ್ಗೆ ವಿದ್ಯಾರ್ಥಿಗಳ ಪೋಷಕರು ಶಾಲೆಯ ಮುಖ್ಯಾಧ್ಯಾಪಕರಲ್ಲಿ ದೂರು ಸಲ್ಲಿಸಿದ್ದಾರೆ.

ಮುಖ್ಯಾಧ್ಯಾಪಕರು, ಈ ಸಂದರ್ಭದಲ್ಲಿ ಜಿಲ್ಲಾಧಿಕಾರಿಗಳ ಆದೇಶವನ್ನು ಪಾಲಿಸಲಾಗುವುದು ಎಂದು ಹೇಳಿದ್ದಾರೆ.

ಶಿಕ್ಷಕಿ ಪದ್ಮಾ ಸಿಸೊಡಿಯಾ ಇವರು ಶಾಲೆಯಲ್ಲಿ ತಿಲಕ ಹಚ್ಚಿಕೊಂಡು ಬಂದಿದ್ದ 6-7 ವಿದ್ಯಾರ್ಥಿಗಳಿಗೆ ಥಳಿಸಿ ಶಾಲೆಯಿಂದ ಹೊರಗೆ ಕಳಿಸಿದ್ದರು. ಪೋಷಕರಿಗೆ ಈ ಮಾಹಿತಿ ತಿಳಿದಾಗ ಅವರು ಶಾಲೆಗೆ ಬಂದರು. ಮುಖ್ಯಾಧ್ಯಾಪಕ ಓಂ ಪ್ರಕಾಶ ಸಿಂಹ ಮತ್ತು ಶಿಕ್ಷಕಿ ಸಿಸೋಡಿಯಾ ಇವರು ಪೋಷಕರ ಮಾತನ್ನು ಕೇಳಿಸಿಕೊಳ್ಳಲು ಸಿದ್ಧರಿರಲಿಲ್ಲ. ಅವರ ಹೇಳಿಕೆಯಂತೆ, `ತಿಲಕ ಹಚ್ಚಿಕೊಳ್ಳಲು ಯಾವುದೇ ನಿರ್ಬಂಧವಿಲ್ಲ; ಆದರೆ ನಾವು ಶಾಲೆಯಲ್ಲಿ ಧರ್ಮವನ್ನು ಪ್ರೋತ್ಸಾಹಿಸುವುದಿಲ್ಲ.’ (ಧಾರ್ಮಿಕತೆ ಮತ್ತು ಮತಾಂಧತೆಯ ನಡುವಿನ ವ್ಯತ್ಯಾಸವನ್ನು ತಿಳಿಯದ ಮುಖ್ಯಾಧ್ಯಾಪಕ ಮತ್ತು ಶಿಕ್ಷಕಿ ! ತಿಲಕ ಹಚ್ಚುವುದರಿಂದ ಆಗುವ ಆಧ್ಯಾತ್ಮಿಕ ಲಾಭ ಈ ಇಬ್ಬರಿಗೆ ತಿಳಿದಿದ್ದರೆ, ಅವರು ಈ ರೀತಿ ನಡೆದುಕೊಳ್ಳುತ್ತಿರಲಿಲ್ಲ ! – ಸಂಪಾದಕರು) ಪೋಷಕರು, ಮಕ್ಕಳು ಶಾಲೆಗೆ ಹೋಗುವ ಮೊದಲು ದೇವಸ್ಥಾನಕ್ಕೆ ಹೋಗುತ್ತಾರೆ ಮತ್ತು ಅಲ್ಲಿ ತಿಲಕ ಹಚ್ಚುತ್ತಾರೆ ಎಂದು ಹೇಳಿದರು.

Indore: Private school students slapped, threatened to be removed from school premises for sporting Tilak on their forehead https://t.co/H6fb33cqnC

— OpIndia.com (@OpIndia_com) July 10, 2023