ದೆಹಲಿಯಲ್ಲಿ ನಾಯಿಗಳ ದಾಳಿಯಿಂದ ರಕ್ಷಿಸಿಕೊಳ್ಳಲು ಉಪಾಯಗಳನ್ನು ಕಂಡು ಹಿಡಿಯಲು ಚರ್ಚಾಕೂಟ !

ನವದೆಹಲಿ – ಇಲ್ಲಿಯ `ಕಾನ್ಸ್ಟಿಟ್ಯೂಶನ್ ಕ್ಲಬ್’ ನಲ್ಲಿ ಮೇ 10 ರಂದು ನಾಯಿಗಳ ದಾಳಿಗಳಿಂದ ರಕ್ಷಿಸಿಕೊಳ್ಳಲು ಉಪಾಯಗಳನ್ನು ಕಂಡು ಹಿಡಿಯಲು ಒಂದು ಚರ್ಚೆಯನ್ನು ಆಯೋಜಿಸಲಾಗಿತ್ತು. ಮಾಜಿ ಕೇಂದ್ರ ಸಚಿವ ಮತ್ತು ಭಾಜಪ ಮುಖಂಡ ವಿಜಯ ಗೋಯಲ ಇವರು ಈ ಚರ್ಚಾಕೂಟವನ್ನು ಆಯೋಜಿಸಿದ್ದರು. ಈ ಸಂದರ್ಭದಲ್ಲಿ ಕೆಲವು ಜನರು ಈ ಚರ್ಚೆಯನ್ನು ವಿರೋಧಿಸಿ ಗದ್ದಲವೆಬ್ಬಿಸಲು ಪ್ರಯತ್ನಿಸಿದರು. ಪ್ರಾಣಿಪ್ರೇಮಿ ಮೇನಕಾ ಗಾಂಧಿ ಬೆಂಬಲಿಗರಿಂದ ಈ ಸಭೆಗೆ ವಿರೋಧ ವ್ಯಕ್ತಪಡಿಸಿ ಸಮಾಂತರ ಸಭೆಯನ್ನು ಆಯೋಜಿಸಲಾಗಿತ್ತು.

‘Are you a dog’? ‘Animal activist’ Yogita Bhayana gate crashes Vijay Goel’s seminar on stray dog menace, gets into a brawl with another woman: WATCHhttps://t.co/T8FAkTwo0v

— OpIndia.com (@OpIndia_com) May 11, 2023

1. ಗೋಯಲ ಇವರು ಮಾತನಾಡುತ್ತಾ, ದೇಶದಲ್ಲಿ 6 ಕೋಟಿ 40 ಲಕ್ಷ ನಾಯಿಗಳಿವೆ. ಕೇವಲ ದೆಹಲಿಯಲ್ಲಿಯೇ 6 ಲಕ್ಷ ನಾಯಿಗಳಿವೆ. ಸಧ್ಯಕ್ಕೆ ಈ ನಾಯಿಗಳು ಜನರನ್ನು ಕಚ್ಚುತ್ತಿವೆ. ಇದರಿಂದ ಜನತೆಯು ತೊಂದರೆಯನ್ನು ಅನುಭವಿಸುತ್ತಿದ್ದು, ಜನರು ಕೈಯಲ್ಲಿ ಕೋಲನ್ನು ಹಿಡಿದುಕೊಂಡು ಓಡಾಡುತ್ತಿದ್ದಾರೆ ಎಂದು ಹೇಳಿದರು.

2. ಈ ಚರ್ಚೆಯಲ್ಲಿ ನಾಯಿಗಳ ಸಂತಾನಹರಣ ಚಿಕಿತ್ಸೆಯನ್ನು ನಡೆಸುವುದು. ಮತ್ತು ಅವುಗಳ ಗಣತಿ ಮಾಡಲು ದೆಹಲಿ ಮಹಾಪಾಲಿಕೆಯು ನಿರ್ಣಯಿಸಿದೆ. ಇದಲ್ಲದೇ ಎಲ್ಲ ನಾಯಿಗಳಿಗೆ ರೇಬಿಸ್ ಇಂಜೆಕ್ಷನ್ ನೀಡುವುದು ಮತ್ತು ಬೀದಿನಾಯಿಗಳನ್ನು ದತ್ತು ಪಡೆಯುವ ಬಗ್ಗೆ ರಾಷ್ಟ್ರಮಟ್ಟದಲ್ಲಿ ನಿಯಮಗಳನ್ನು ರಚಿಸುವಂತೆ ಕೋರಲು ತೀರ್ಮಾನಿಸಲಾಗಿದೆ.