‘ನಾವು ನ್ಯಾಯೋಚಿತ ವಾರ್ತೆಗಳನ್ನು ನೀಡುತ್ತಿರುತ್ತೇವೆ ! (ಅಂತೆ) – ಬಿಬಿಸಿಯ ದಾವೆ

60 ಗಂಟೆಗಳ ಬಳಿಕ ಬಿಬಿಸಿಯ ಕಾರ್ಯಾಲಯದಲ್ಲಿನ ಆದಾಯ ತೆರಿಗೆ ಇಲಾಖೆಯ ಸಮೀಕ್ಷೆ ಮುಕ್ತಾಯ

ನವ ದೆಹಲಿ – ಆದಾಯ ತೆರಿಗೆ ವಿಭಾಗದಿಂದ ನಡೆದ ಬಿಬಿಸಿಯ ದೆಹಲಿ ಮತ್ತು ಮುಂಬಯಿಯ ಕಚೇರಿಯ ಸಮೀಕ್ಷೆ 60 ಗಂಟೆಗಳ ಬಳಿಕ ಮುಕ್ತಾಯಗೊಂಡಿದೆ. ಈ ಸಂದರ್ಭದಲ್ಲಿ ಬಿಬಿಸಿಯ ವಕ್ತಾರ ಒಂದು ಮನವಿಯನ್ನು ಬಿಡುಗಡೆ ಮಾಡಿ, ಆದಾಯ ತೆರಿಗೆ ಇಲಾಖೆಯ ಅಧಿಕಾರಿಗಳು ದೆಹಲಿ ಮತ್ತು ಮುಂಬಯಿಯ ನಮ್ಮ ಕಚೇರಿಯಿಂದ ಹೊರಟು ಹೋಗಿದ್ದಾರೆ. ನಾವು ಆದಾಯ ತೆರಿಗೆ ಇಲಾಖೆಗೆ ಸಹಕರಿಸುತ್ತೇವೆ. ಆದಷ್ಟು ಬೇಗನೆ ಈ ಪ್ರಕರಣ ಮುಕ್ತಾಯಗೊಳ್ಳುವ ಆಸೆಯಿದೆ. ನಮ್ಮ ಓದುಗರು, ಶ್ರೋತ್ರುಗಳು ಮತ್ತು ವೀಕ್ಷಕರಿಗೆ ನ್ಯಾಯೋಚಿತವಾದ ವಾರ್ತೆಗಳನ್ನು ನೀಡಲು ನಾವು ವಚನಬದ್ಧರಾಗಿದ್ದೇವೆ. ನಾವು ಒಂದು ವಿಶ್ವಾಸಾರ್ಹ, ನ್ಯಾಯೋಚಿತ, ಅಂತರರಾಷ್ಟ್ರೀಯ ಮತ್ತು ಸ್ವತಂತ್ರ ಮಾಧ್ಯಮವಾಗಿದ್ದೇವೆ ಎಂದು ತಿಳಿಸಿದೆ. (ಇದರ ಮೇಲೆ ಯಾರು ವಿಶ್ವಾಸ ಇಡುವರು ? – ಸಂಪಾದಕರು) ನಾವು ನಮ್ಮ ಸಹೋದ್ಯೋಗಿ ಮತ್ತು ವರದಿಗಾರರನ್ನು ಬೆಂಬಲಿಸುತ್ತೇವೆ. ಅವರು ಯಾವುದೇ ಹೆದರಿಕೆ ಮತ್ತು ಆಮಿಷಕ್ಕೆ ಒಳಗಾಗದೇ ವಾರ್ತೆಗಳನ್ನು ನೀಡುತ್ತಿರಬೇಕು ಎಂದು ಹೇಳಿದೆ.