‘ದಾರುಲ ಉಲೂಮ ದೇವಬಂದ’ನ ಜಾಲತಾಣದ ವಿಚಾರಣೆ ನಡೆಸಿರಿ ! – ರಾಷ್ಟ್ರೀಯ ಮಕ್ಕಳ ಹಕ್ಕುಗಳ ಸಂರಕ್ಷಣಾ ಆಯೋಗದಿಂದ ಉತ್ತರಪ್ರದೇಶ ಸರಕಾರಕ್ಕೆ ಆದೇಶ

‘ದೇವಬಂದ’ನಿಂದ ಅವರ ಜಾಲತಾಣದ ಮೂಲಕ ನೀಡಲಾಗುವ ಅನಧಿಕೃತ ಫತ್ವಾಗಳ ಪ್ರಕರಣ

ಲಕ್ಷ್ಮಣಪುರಿ(ಉತ್ತರಪ್ರದೇಶ) – ‘ದಾರುಲ ಉಲೂಮ ದೇವಬಂದ’ ಸಂಘಟನೆಯಿಂದ ನೀಡಲಾಗುವ ಅನಧಿಕೃತ ಮತ್ತು ದಾರಿ ತಪ್ಪಿಸುವ ಫತ್ವಾದ ಪ್ರಕರಣದಲ್ಲಿ ಅವರ ಜಾಲತಾಣವನ್ನು ಆಳವಾಗಿ ವಿಚಾರಣೆ ನಡೆಸಬೇಕು, ಎಂದು ರಾಷ್ಟ್ರೀಯ ಮಕ್ಕಳ ಹಕ್ಕು ಸಂರಕ್ಷಣಾ ಆಯೋಗವು ಉತ್ತರಪ್ರದೇಶ ಸರಕಾರಕ್ಕೆ ಆದೇಶ ನೀಡಿದೆ. ದಾರುಲ ಉಲೂಮ ದೇವಬಂದ ಜಾಲತಾಣಗಳ ಮೇಲಿರುವ ಫತ್ವಾಗಳು ನೇರವಾಗಿ ದೇಶದ ಕಾನೂನಿನ ವಿರುದ್ಧವಿರುತ್ತದೆ, ಎಂದು ರಾಷ್ಟ್ರೀಯ ಮಕ್ಕಳ ಹಕ್ಕುಗಳ ಸಂರಕ್ಷಣಾ ಆಯೋಗಕ್ಕೆ ದೂರು ನೀಡಲಾಗಿತ್ತು. ಅದಕ್ಕನುಗುಣವಾಗಿ ಆಯೋಗವು ಮೇಲಿನಂತೆ ಆದೇಶ ನೀಡಿದೆ.

NCPCR asks UP government to probe Darul Uloom Deoband portal for ‘unlawful’ fatwas.

Activist Zeenat Shaukat Ali reacts. #NCPCR #DarulUloomDeoband pic.twitter.com/5aajJz5PRc

— TIMES NOW (@TimesNow) January 17, 2022

ಜಾಲತಾಣದ ಪರಿಶೀಲನೆಯನ್ನು ನಡೆಸಿದಾಗ ಆಯೋಗಕ್ಕೆ, ಜನರು ನೀಡಿರುವ ದೂರಿನನ್ವಯ ದೇವಬಂದನಿಂದ ನೀಡಲಾಗಿರುವ ಉತ್ತರಗಳು ದೇಶದ ಕಾನೂನು ಮತ್ತು ನಿಯಮಗಳ ಅನುಸಾರ ಇಲ್ಲ ಎನ್ನುವುದು ಗಮನಕ್ಕೆ ಬಂದಿದೆ. ಕಾನೂನುವಿರೋಧಿ ಹೇಳಿಕೆಗಳು, ಹಿಂಸಾಚಾರ, ಅವ್ಯವಹಾರ, ಹಿಂಸೆ ಮತ್ತು ಮಕ್ಕಳಲ್ಲಿ ಬೇಧಭಾವ ಮಾಡುವ ಪ್ರಕರಣಗಳ ಪ್ರಸಾರವನ್ನು ತಡೆಯುವುದು ಇದಕ್ಕಾಗಿ ಜಾಲತಾಣಗಳ ಮೇಲಿರುವ ವಿಷಯಗಳನ್ನು ತೆಗೆದುಹಾಕಬೇಕು. ಅಲ್ಲಿಯವರೆಗೆ ಈ ಜಾಲತಾಣವನ್ನು ಸ್ಥಗಿತಗೊಳಿಸಬೇಕು. ಎಂದು ಹೇಳಿದೆ. ಆಯೋಗವು ರಾಜ್ಯ ಸರಕಾರಕ್ಕೆ ದಾರುಲ ಉಲೂಮ ದೇವಬಂದ ವಿರುದ್ಧ ಅಗತ್ಯವಿರುವ ಕ್ರಮವನ್ನು ಜರುಗಿಸಲು ಮತ್ತು ಮುಂದಿನ ೧೦ ದಿನಗಳಲ್ಲಿ ಕ್ರಮ ಜರುಗಿಸಿ ವರದಿಯನ್ನು ಒಪ್ಪಿಸುವಂತೆ ಆದೇಶಿಸಿದೆ.