ವಿಶ್ವಸಂಸ್ಥೆಯ ಸಭೆಯಲ್ಲಿ ಇಸ್ರೇಲ್‍ವಿರೋಧಿ ವರದಿಯನ್ನು ಹರಿದು ಹಾಕಿದ ಇಸ್ರೇಲ್ ರಾಯಭಾರಿ !

ಜಾಗತಿಕ ವೇದಿಕೆಯಲ್ಲಿ ಅನೇಕ ಬಾರಿ ಭಾರತವಿರೋಧಿ ವರದಿಗಳು ಮಂಡನೆಯಾಗುತ್ತದೆ, ಆಗ ಭಾರತ ಇದುವರೆಗೆ ಎಂದಾದರೂ ಇಂತಹ ಕಠಿಣ ನಿಲುವು ಕೈಗೊಂಡಿದೆಯೇ ? – ಸಂಪಾದಕರು 

ನ್ಯೂಯಾರ್ಕ್ (ಅಮೇರಿಕಾ) – ಇಸ್ರೇಲ್ ರಾಯಭಾರಿ ಗಿಲಾದ ಎರ್ದನ್ ಅವರು ವಿಶ್ವಸಂಸ್ಥೆಯ ಮಹಾಸಭೆಯ ವೇದಿಕೆಯಲ್ಲಿ ವಿಶ್ವಸಂಸ್ಥೆಯ ಮಾನವಹಕ್ಕುಗಳ ಪರಿಷದ್ ಸಿದ್ಧಪಡಿಸಿದ್ದ ಇಸ್ರೇಲ್‍ ವಿರೋಧಿ ವಾರ್ಷಿಕ ವರದಿಯನ್ನು ಹರಿದು ಹಾಕಿದ್ದಾರೆ. ‘ಈ ವರದಿಯು ಇಸ್ರೇಲ್‍ವಿರೋಧಿ ಮತ್ತು ಪಕ್ಷಪಾತದಿಂದ ಕೂಡಿದೆ ಮತ್ತು ಅದರ ನೈಜ ಸ್ಥಳವು ಕಸದ ಬುಟ್ಟಿಯಲ್ಲಿದೆ. ಈ ವರದಿಯ ಯಾವುದೇ ಉಪಯೋಗವಿಲ್ಲ’, ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಈ ವರದಿಯಲ್ಲಿ ಇಸ್ರೇಲ್‍ನ ಗಾಜಾ ಪಟ್ಟಿಯ ಮೇಲೆ ದಾಳಿ ನಡೆಸಿದ ನಂತರ ಸ್ಥಾಪಿಸಲಾದ ತನಿಖಾ ಸಮಿತಿಯ ನಿಷ್ಕರ್ಷವನ್ನು ನೊಂದಾಯಿಸಲಾಗಿದೆ. ವರದಿಯ ಪ್ರಕಾರ, ಇಸ್ರೇಲ್‍ನ ದಾಳಿಯಲ್ಲಿ 67 ಮಕ್ಕಳು, 40 ಮಹಿಳೆಯರು ಮತ್ತು 16 ವೃದ್ಧರು ಸೇರಿದಂತೆ 260 ಪ್ಯಾಲೆಸ್ಟೈನಿ ನಾಗರಿಕರು ಸಾವನ್ನಪ್ಪಿದ್ದರು. ಈ ವರದಿಯಲ್ಲಿ ಗಾಜಾಪಟ್ಟಿಯ ಮೇಲಿನ ದಾಳಿಗಾಗಿ ಇಸ್ರೈಲ್‍ವನ್ನು ನಿಂದಿಸಿತ್ತು.

‘Obsessive, anti-Israel bias’: Erdan rips up human rights report at UN podium https://t.co/YNNMRX7lkj

— The Times of Israel (@TimesofIsrael) October 30, 2021

ಮಹಾಸಭೆಯನ್ನುದ್ದೇಶಿಸಿ ಮಾತನಾಡಿದ ಎರ್ದನ್, 15 ವರ್ಷಗಳ ಹಿಂದೆ ಮಾನವಹಕ್ಕುಗಳ ಪರಿಷದ್ ಸ್ಥಾಪನೆಯಾದಾಗಿನಿಂದ, ಅದು ವಿಶ್ವದ ಇತರ ದೇಶಗಳ ವಿರುದ್ಧದ 142 ನಿಂದನೆಗಳಲ್ಲಿ 95 ಬಾರಿ ಇಸ್ರೇಲ್ ಅನ್ನು ನಿಂದಿಸಿದೆ. ಮಾನವ ಹಕ್ಕುಗಳ ಪರಿಷದ್ ಪೂರ್ವಗ್ರಹದೂಷಿತವಾಗಿದೆ ಮತ್ತು ಈ ವರದಿಯು ಅದನ್ನು ಮತ್ತೊಮ್ಮೆ ಸಾಬೀತುಪಡಿಸುತ್ತದೆ ಎಂದು ಹೇಳಿದರು.