ಮೇರಠ (ಉತ್ತರಪ್ರದೇಶ)ದಲ್ಲಿನ ಮತಾಂತರದ ಪ್ರಕರಣದಲ್ಲಿ ಖ್ಯಾತ ಮೌಲಾನಾ ಕಲೀಮ ಸಿದ್ದಿಕಿ ಇವರ ಬಂಧನ

ಹವಾಲಾ ಪದ್ಧತಿಯಿಂದ ಸಂಗ್ರಹಿಸಿದ ಹಣವನ್ನು ಮತಾಂತರಕ್ಕಾಗಿ ಬಳಸಿರುವ ಆರೋಪ !

ದೇಶದಲ್ಲಿನ ಪ್ರತಿಯೊಬ್ಬ ಮೌಲಾನಾ, ಮೌಲ್ವಿ ಮತ್ತು ಇಮಾಮರ ಮೇಲೆ ಗಮನವಿಡುವುದು ಅವಶ್ಯಕತೆಯಿದೆ, ಎಂದು ಯಾರಾದರೂ ಮನವಿ ಮಾಡಿದರೆ ಅದರಲ್ಲಿ ಆಶ್ಚರ್ಯ ಪಡಬೇಕಾಗಿಲ್ಲ!

ಮೇರಠ (ಉತ್ತರಪ್ರದೇಶ) – ಮತಾಂತರದ ಪ್ರಕರಣದಲ್ಲಿ ಉತ್ತರಪ್ರದೇಶದ ಭಯೋತ್ಪಾದನಾ ವಿರೋಧಿ ಘಟಕವು ೬೪ ವರ್ಷದ ಮೌಲಾನಾ (ಇಸ್ಲಾಮೀ ಅಧ್ಯಯನಕಾರ) ಕಲೀಮ ಸಿದ್ಧಿಕಿ ಇವರನ್ನು ಬಂಧಿಸಿದೆ. ಮೌಲಾನಾ ಕಲೀಮ ಸಿದ್ಧಿಕಿ ಇವರು ’ಗ್ಲೋಬಲ್ ಪೀಸ್ ಸೆಂಟರ್’ನ ಅಧ್ಯಕ್ಷರಾಗಿದ್ದಾರೆ. ಹಾಗೆಯೇ ಅವರು ’ಜಮೀಯತ-ಎ-ವಲಿಉಲ್ಲಾಹ’ ಸಂಘಟನೆಯ ಅಧ್ಯಕ್ಷರೂ ಆಗಿದ್ದಾರೆ. ಈ ಪ್ರಕರಣದಲ್ಲಿ ಈ ಹಿಂದೆ ಮುಫ್ತಿ ಕಾಜಿ ಮತ್ತು ಉಮರ ಗೌತಮ ಈ ಇಬ್ಬರನ್ನು ಬಂಧಿಸಲಾಗಿತ್ತು. ಈ ಇಬ್ಬರೂ ಕಲೀಮ ಸಿದ್ಧಿಕಿಯ ಸಂಪರ್ಕದಲ್ಲಿದ್ದರು. ವಿದೇಶಗಳಿಂದ ಕಲೀಮ ಸಿದ್ಧಿಕಿಯವರ ಖಾತೆಯಲ್ಲಿ ಕೋಟ್ಯಾಂತರ ರೂಪಾಯಿ ಜಮೆಯಾಗಿರುವ ಆರೋಪವಿದೆ. ಹವಾಲಾ ಪದ್ಧತಿಯಿಂದ ಸಂಗ್ರಹಿಸಲಾದ ಈ ಹಣವನ್ನು ಸಿದ್ದಿಕಿಯವರು ಮತಾಂತರಕ್ಕಾಗಿ ಬಳಸುತ್ತಿದ್ದರು.

UP ATS has arrested Maulana Kaleem Siddiqui, a resident of Muzaffarnagar, in connection with India’s largest religious conversion syndicate busted by the ATS. He runs Jamia Imam Waliullah trust that funds several madrassas for which he received huge foreign funding: Police pic.twitter.com/XxHIYhxJKx

— ANI UP (@ANINewsUP) September 22, 2021

೧. ಮೌಲಾನಾ ಸಿದ್ಧಿಕಿ ಇವರು ಇತರ ಧರ್ಮೀಯರಿಗೆ ಆಮಿಷಗಳನ್ನು ಒಡ್ಡಿ ಮತಾಂತರಗೊಳಿಸಲು ಪ್ರಯತ್ನಿಸುತ್ತಿದ್ದರು. ಅವರು ಇತರ ಮದರಸಾಗಳಿಗೆ ಆರ್ಥಿಕ ಸಹಾಯ ನೀಡುತ್ತಿದ್ದರು. ವಿದೇಶಗಳಿಂದ ಹವಾಲಾ ಪದ್ಧತಿಯಲ್ಲಿ ಈ ಕೆಲಸಗಳಿಗಾಗಿ ಹಣ ಸಂಗ್ರಹ ಮಾಡಲಾಗುತ್ತಿತ್ತು. ಬಹರಿನನಿಂದ ಸಿದ್ಧಿಕಿ ಅವರ ಖಾತೆಗೆ ಸುಮಾರು ಒಂದೂವರೆ ಕೋಟಿ ರೂಪಾಯಿ ಬಂದಿತ್ತು. ಅವರ ಖಾತೆಗೆ ವಿದೇಶಗಳಿಂದ ಒಟ್ಟು ೩ ಕೋಟಿ ರೂಪಾಯಿ ಬಂದಿದೆ.

೨. ಸಪ್ಟೆಂಬರ್ ೭ ರಂದು ಮುಂಬೈಯಲ್ಲಿ ಸರಸಂಘಚಾಲಕರಾದ ಡಾ. ಮೋಹನ ಭಾಗವತರು ಆಯೋಜಿಸಿದ ’ರಾಷ್ಟ್ರ ಪ್ರಥಮ ಮತ್ತು ರಾಷ್ಟ್ರ ಸರ್ವತೋಪರಿ’ ಈ ಕಾರ್ಯಕ್ರಮದಲ್ಲಿ ಮೌಲಾನಾ ಸಿದ್ದಿಕಿಯವರೂ ಸಹಭಾಗಿಯಾಗಿದ್ದರು. ಈ ಮೊದಲು ನಟಿ ಸನಾ ಖಾನಳ ನಿಕಾಹ ಮಾಡಿಸಿದ್ದಕ್ಕಾಗಿ ಮೌಲಾನಾ ಸಿದ್ದಿಕಿಯವರು ಚರ್ಚೆಯಲ್ಲಿದ್ದರು.