ಪಾಕಿಸ್ತಾನದಲ್ಲಿ 50 ವರ್ಷದ ಮೌಲ್ವಿಯಿಂದ 3 ವರ್ಷದ ಕ್ರೈಸ್ತ ಬಾಲಕಿಯ ಮೇಲೆ ಬಲಾತ್ಕಾರ !

ಲಾಹೋರ್ – ಪಾಕಿಸ್ತಾನದ ಲಾಹೋರಿನಲ್ಲಿ ಡಾ. ಮಹಮ್ಮದ್ ಸಲೀಂ ಎಂಬ ಹೆಸರಿನ 50 ವರ್ಷದ ಮೌಲ್ವಿಯು 3 ವರ್ಷದ ಬಾಲಕಿಯ ಮೇಲೆ ಬಲಾತ್ಕಾರ ಮಾಡಿರುವ ಘಟನೆಯು ಬೆಳಕಿಗೆ ಬಂದಿದೆ. ಈ ಪ್ರಕರಣದಲ್ಲಿ ಮೌಲ್ವಿಯನ್ನು ಬಂಧಿಸಲಾಗಿದೆ. ಸಂತ್ರಸ್ತೆಯ ತಂದೆ-ತಾಯಿಯ ಹೇಳಿಕೆಯಂತೆ ಮಗು ಒಂದು ಖಾಸಗಿ ಸಂಸ್ಥೆಯಿಂದ ನಡೆಸಲಾಗುವ ಶಾಲೆಗೆ ಕಲಿಯಲು ಹೋಗಿದ್ದಳು. ಅಲ್ಲಿಂದ ಹಿಂದಿರುಗುವಾಗ ಆರೋಪಿ ಸಲೀಮನು ಆಕೆಯ ಮೇಲೆ ಬಲಾತ್ಕಾರ ಮಾಡಿದನು.

ಪಾಕಿಸ್ತಾನದಲ್ಲಿನ ಅಲ್ಪಸಂಖ್ಯಾತರ ಹಿತಕ್ಕಾಗಿ ಹೋರಾಡುವ ಮಾನವಾಧಿಕಾರ ಕಾರ್ಯಕರ್ತರಾದ ಶ್ರೀ. ರಾಹತ್ ಆಸ್ಟಿನ್ ಇವರು ಸನಾತನ ಪ್ರಭಾತಕ್ಕೆ ಕಳಿಸಿದ ಮಾಹಿತಿಗನುಸಾರ, ಲಾಹೋರ್ ನಲ್ಲಿನ ರಾಯವಿಂಡ ಸುಂದರ ರಸ್ತೆಯಲ್ಲಿರುವ ಕ್ರೈಸ್ತ ವಸಾಹತಿನಲ್ಲಿ ಈ ಮೌಲ್ವಿಯು ಬಾಲಕಿಯ ಮೇಲೆ ಬಲಾತ್ಕಾರ ಮಾಡಿದ್ದಾನೆ. ಈ ವಿಷಯದಲ್ಲಿ ಪೊಲೀಸರು ಯಾವುದೇ ಕಾರ್ಯಾಚರಣೆ ಮಾಡದಿರುವ ಬಗ್ಗೆ ಅಲ್ಪಸಂಖ್ಯಾತ ಖಾತೆಯ ಪ್ರಾಂತೀಯ ಮಂತ್ರಿಗಳಾದ  ಎಜಾಜ್ ಆಲಂ ಅಗಸ್ಟೀನ್ ಇವರಿಗೆ ತಿಳಿಸಲಾಯಿತು. ಆಗಸ್ಟೀನರು ಇದನ್ನು ಗಮನಿಸಿ ಪೊಲೀಸರಿಗೆ ಆದೇಶ ನೀಡುತ್ತಲೇ ಮೌಲ್ವಿಯನ್ನು ಬಂಧಿಸಲಾಯಿತು.