ಮಿಜೋರಾಮ್ ಪೊಲೀಸರ ಗುಂಡು ಹಾರಾಟದಲ್ಲಿ ಅಸ್ಸಾಂನ 6 ಪೊಲೀಸರ ಸಾವು, 50 ಕ್ಕೂ ಹೆಚ್ಚು ಗಾಯಾಳುಗಳು !

ಮಿಜೋರಾಮ್ ಮತ್ತು ಅಸ್ಸಾಂ ನಡುವಿನ ಗಡಿ ವಿವಾದ ಪ್ರಕರಣ

ಆಯಿಜೊಲ್ – ಅಸ್ಸಾಂ ಮತ್ತು ಮಿಜೋರಾಮ್ ನಡುವಿನ ಗಡಿ ವಿವಾದವು ಮತ್ತೊಮ್ಮೆ ಭುಗಿಲೆದ್ದಿದ್ದು ಇದರ ಪರಿಣಾಮವಾಗಿ ಜುಲೈ 26 ರಂದು ರಾತ್ರಿ ಅಸ್ಸಾಂನ ಕಛಾರ ಪ್ರದೇಶದಲ್ಲಿ ನಡೆದ ಗುಂಡು ಹಾರಾಟದಲ್ಲಿ ಅಸ್ಸಾಂನ 6 ಪೊಲೀಸರು ಸಾವನ್ನಪ್ಪಿದ್ದಾರೆ ಹಾಗೂ 50 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಗಾಯಗೊಂಡವರಲ್ಲಿ ಅಸ್ಸಾಂನಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಪೊಲೀಸ್ ಅಧೀಕ್ಷಕ ವೈಭವ ನಿಂಬಾಳಕರ ಇವರೂ ಕೂಡ ಸೇರಿದ್ದಾರೆ.

ಮಿಜೋರಾಂ ಗಡಿಯಲ್ಲಿ ಹಿಂಸಾಚಾರ: ಆರು ಅಸ್ಸಾಂ ಪೊಲೀಸರು ಸಾವು, ಎಸ್ ಪಿ ಸೇರಿದಂತೆ 50 ಮಂದಿಗೆ ಗಾಯ https://t.co/hZBIQUY49f via @KannadaPrabha #Guwahati #MizoramBorder #Violence #AssamCopsDead
ReadMore Here: https://t.co/Z8srJdBYBU

— kannadaprabha (@KannadaPrabha) July 26, 2021

ಹಿಂಸಾಚಾರದ ಘಟನೆಯಿಂದ ಅಸ್ಸಾಂ ಹಾಗೂ ಮಿಜೋರಾಮ್ ರಾಜ್ಯದ ಮುಖ್ಯಮಂತ್ರಿಗಳು ಸಾಮಾಜಿಕ ಮಾಧ್ಯಮದಿಂದ ಪರಸ್ಪರರ ಮೇಲೆ ಆರೋಪ ಹೊರಿಸುತ್ತಿದ್ದಾರೆ. ಎರಡೂ ರಾಜ್ಯಗಳ ಪೊಲೀಸರು ಇನ್ನೊಂದು ರಾಜ್ಯಕ್ಕೆ ಹೋಗಿ ಹಿಂಸಾಚಾರ ಮಾಡುತ್ತಿದ್ದಾರೆ, ಎಂದು ಎರಡೂ ರಾಜ್ಯದ ಮುಖ್ಯಮಂತ್ರಿಗಳಿಂದ ವಿವಿಧ ವಿಡಿಯೋಗಳನ್ನು ಟ್ವೀಟ್ ಮಾಡಿ ಹೇಳಲಾಗುತ್ತಿದೆ.

1. ಕೇಂದ್ರಿಯ ಗೃಹ ಸಚಿವ ಅಮಿತ್ ಶಾಹ್ ಇವರು ಈ ಎರಡೂ ರಾಜ್ಯದ ನಾಯಕರೊಂದಿಗೆ ಚರ್ಚೆ ಮಾಡಿದ್ದು ಗಡಿ ವಿವಾದದ ಮೇಲೆ ಸೌಹಾರ್ದಯುತ ಪರಿಹಾರ ಕಂಡುಕೊಳ್ಳಲು ಇಬ್ಬರೂ ಮುಖ್ಯಮಂತ್ರಿಗಳಿಗೆ ಸೂಚಿಸಿದ್ದಾರೆ.

2. ಮುಖ್ಯಮಂತ್ರಿಗಳಿಬ್ಬರೂ ಈ ಬಗ್ಗೆ ಭರವಸೆ ನೀಡಿದ್ದರೂ, ನಂತರ ಅಸ್ಸಾಂನ ಮುಖ್ಯಮಂತ್ರಿ ಹಿಮಂತಾ ಬಿಸ್ವ ಸರಮಾ ಇವರು ಟ್ವೀಟ್ ಮಾಡುತ್ತಾ, ಅಸ್ಸಾಂ ರಾಜ್ಯದ ಪೊಲೀಸರ ಮೇಲೆ ಗುಂಡು ಹಾರಾಟ ಮಾಡಿದ ನಂತರ ಮಿಜೋರಾಮ್ ಪೊಲೀಸರು ಸಂತೋಷ ವ್ಯಕ್ತಪಡಿಸಿದ್ದಾರೆ ಎಂದು ತಿಳಿಸಿದ್ದಾರೆ.

3. ಕೇಂದ್ರ ಮೀಸಲು ಭದ್ರತಾ ಪಡೆಗಳು, ತಮ್ಮ ಪಡೆಗಳು ಎರಡೂ ರಾಜ್ಯಗಳ ಪೊಲೀಸರೊಂದಿಗೆ ಇದ್ದು, ತಟಸ್ಥವಾಗಿ ಕಾರ್ಯನಿರ್ವಹಿಸುತ್ತಿವೆ ಎಂದು ಹೇಳಿವೆ, ಆದರೆ ಪೊಲೀಸರು ಮಾತ್ರ ಪರಸ್ಪರರ ಮೇಲೆ ಗುಂಡುಹಾರಾಟ ನಡೆಸುತ್ತಿದ್ದಾರೆ ಎಂದು ಸಹ ಹೇಳಿದೆ.