ಚುನಾವಣೆಯಲ್ಲಿ ಹಣ ಹಂಚಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ತೆಲಂಗಾಣಾ ರಾಷ್ಟ್ರ ಸಮಿತಿಯ ಮಹಿಳಾ ಸಂಸದೆಗೆ ೬ ತಿಂಗಳ ಜೈಲು ಶಿಕ್ಷೆ !

ದೇಶದಲ್ಲೇ ಮೊದಲ ಘಟನೆ!

ಭಾಗ್ಯನಗರ : ೨೦೧೯ ರಲ್ಲಿ ನಡೆದ ಲೋಕಸಭಾ ಚುನಾವಣೆಯಲ್ಲಿ ಹಣ ಹಂಚಿದ ಪ್ರಕರಣದಲ್ಲಿ, ತೆಲಂಗಾಣದ ಮಹಬೂಬಾಬಾದ್‍ನ ವಿದ್ಯಮಾನ ಸಂಸದೆ ಮತ್ತು ರಾಜ್ಯದ ಆಡಳಿತಾರೂಢ ತೆಲಂಗಾಣಾ ರಾಷ್ಟ್ರೀಯ ಸಮಿತಿಯ ಮುಖಂಡೆ ಮಾಲೋತ ಕವಿತಾರಿಗೆ ನಾಮಪಲ್ಲಿಯ ವಿಶೇಷ ಸೆಷನ್ಸ್ ನ್ಯಾಯಾಲಯವು ೧೦ ಸಾವಿರ ರೂಪಾಯಿ ದಂಡ ಹಾಗೂ ೬ ತಿಂಗಳ ಸೆರೆಮನೆವಾಸ ಶಿಕ್ಷೆಯನ್ನು ವಿಧಿಸಿದೆ. ವಿಶೇಷ ಸೆಷನ್ಸ್ ನ್ಯಾಯಾಲಯದ ಈ ತೀರ್ಪಿಗೆ ಮಲೊತ ಕವಿತಾ ಉಚ್ಚ ನ್ಯಾಯಾಲಯದಲ್ಲಿ ಮೇಲ್ಮನವಿ ಸಲ್ಲಿಸಬಹುದು, ಎಂದು ಹೇಳಲಾಗುತ್ತಿದೆ. ಓರ್ವ ವಿದ್ಯಮಾನ ಮಹಿಳಾ ಸಂಸದೆಗೆ, ದೇಶದಲ್ಲಿ ಇದೇ ಮೊದಲ ಬಾರಿಗೆ ಇಂತಹ ಶಿಕ್ಷೆಯನ್ನು ವಿಧಿಸಲಾಗಿದೆ ಎಂದು ಹೇಳಿದ್ದಾರೆ.

TRS MP Kavitha Maloth convicted of bribing voters during 2019 Lok Sabha elections https://t.co/cCgujYDY9m

— Republic (@republic) July 25, 2021

ಒಂದು ಮತಕ್ಕೆ ೫೦೦ ರೂಪಾಯಿ ನೀಡಲಾಗುತ್ತಿತ್ತು !

೨೦೧೯ ರಲ್ಲಿ ಹಣ ವಿತರಿಸುವಾಗ ಮಾಲೊತ ಕವಿತಾ ಅವರ ಸಹೋದ್ಯೋಗಿ ಶೌಕತ್ ಅಲಿಯನ್ನು ರೆಡ್ ಹ್ಯಾಂಡ್ ಆಗಿ ಕಂದಾಯ ಇಲಾಖೆ ಅಧಿಕಾರಿಗಳು ಹಿಡಿದಿದ್ದರು. ಶೌಕತ್ ಅಲಿ ಬರ್ಗಮಪಹಾಡ ಪ್ರದೇಶದ ಮತದಾರರಿಗೆ ಪ್ರತಿ ಮತಕ್ಕೆ ೫೦೦ ರೂಪಾಯಿ ಹಂಚುತ್ತಿದ್ದರು. ಇದರ ನಂತರ ಪೊಲೀಸರು ಶೌಕತ್ ಅಲಿ ಮತ್ತು ಮಾಲೊತ ಕವಿತಾ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ವಿಚಾರಣೆಯ ವೇಳೆ, ಶೌಕತ್ ಅಲಿ ಆರೋಪಗಳನ್ನು ಒಪ್ಪಿಕೊಂಡು ಕವಿತಾ ಅವರ ಹೇಳಿಕೆಯ ಮೇರೆಗೆ ಹಣವನ್ನು ವಿತರಿಸಲಾಗಿದೆ ಎಂದು ಹೇಳಿದ್ದಾನೆ.