ಚೀನಾ ದೇಶವು ಭಾರತವನ್ನು ಪಾಕಿಸ್ತಾನ, ಶ್ರೀಲಂಕಾ ಮತ್ತು ಈಗ ಬಾಂಗ್ಲಾದೇಶದ ಬಂದರುಗಳ ಮೂಲಕ ಸುತ್ತುವರಿದಿದೆ!

ಬೀಜಿಂಗ್ (ಚೀನಾ) – ಬಾಂಗ್ಲಾದೇಶದ ಪ್ರಧಾನಿ ತಾರಿಕ್ ರೆಹಮಾನ್ ಮತ್ತು ಚೀನಾದ ಅಧ್ಯಕ್ಷ ಶೀ ಜಿನ್‌ಪಿಂಗ್ ನಡುವೆ ಇಲ್ಲಿ ನಡೆದ ಭೇಟಿಯಲ್ಲಿ, ಬಾಂಗ್ಲಾದೇಶದ ಮೊಂಗ್ಲಾ ಬಂದರಿನ ಬಳಿ ಆರ್ಥಿಕ ವಲಯವನ್ನು ಅಭಿವೃದ್ಧಿಪಡಿಸಲು ಒಪ್ಪಂದ ಮಾಡಿಕೊಳ್ಳಲಾಗಿದೆ. ಈ ಯೋಜನೆಯು ಬಂಗಾಳ ಕೊಲ್ಲಿಯಲ್ಲಿ ಮತ್ತು ವ್ಯಾಪಕ ಹಿಂದೂ ಮಹಾಸಾಗರ ಪ್ರದೇಶದಲ್ಲಿ ಚೀನಾದ ಕಾರ್ಯತಂತ್ರದ ಉಪಸ್ಥಿತಿಯನ್ನು ಹೆಚ್ಚಿಸಬಹುದು. ಬೀಜಿಂಗ್ ಈಗಾಗಲೇ ಪಾಕಿಸ್ತಾನದ ಗ್ವಾದರ್‌ನಿಂದ ಹಿಡಿದು ಪೂರ್ವ ಆಫ್ರಿಕಾದ ಜಿಬೂಟಿವರೆಗಿನ ಬಂದರುಗಳಲ್ಲಿ ಹೂಡಿಕೆ ಮಾಡಿದೆ. ಬಾಂಗ್ಲಾದೇಶದ ಬಂದರಿನ ಪ್ರವೇಶ ಪಡೆಯುವ ಮೂಲಕ ಚೀನಾ ಈಗ ಭಾರತವನ್ನು ಮೂರು ಕಡೆಗಳಿಂದ ಸುತ್ತುವರಿದಂತಾಗಿದೆ. ಪಾಕಿಸ್ತಾನದ ಗ್ವಾದರ್ ಬಂದರನ್ನು ಚೀನಾ ಅಭಿವೃದ್ಧಿಪಡಿಸಿದ್ದರೆ, ದಕ್ಷಿಣದ ಶ್ರೀಲಂಕಾದ ಹಂಬಂತೋಟ ಬಂದರಿನ ಮೇಲೂ ಬೀಜಿಂಗ್ ನಿಯಂತ್ರಣ ಹೊಂದಿದೆ. ಈಗ ಪೂರ್ವ ಭಾಗದ ಬಾಂಗ್ಲಾದೇಶದ ಮೊಂಗ್ಲಾ ಬಂದರಿನಲ್ಲಿ ಚೀನಾ ಪ್ರವೇಶದಿಂದ ಬಂಗಾಳ ಕೊಲ್ಲಿಯಲ್ಲಿ ಚೀನಾದ ಉಪಸ್ಥಿತಿ ಹೆಚ್ಚಿಸಲಿದೆ.

ವಿಶೇಷವೆಂದರೆ, ಮೊಂಗ್ಲಾ ಬಂದರನ್ನು ಅಭಿವೃದ್ಧಿಪಡಿಸಲು ಬಾಂಗ್ಲಾದೇಶ ಭಾರತಕ್ಕೆ ನೀಡಬೇಕಿತ್ತು. ಈ ನಿಟ್ಟಿನಲ್ಲಿ ಒಪ್ಪಂದವೂ ನಡೆದಿತ್ತು; ಆದರೆ ಬಾಂಗ್ಲಾದೇಶದ ಮುಹಮ್ಮದ್ ಯೂನಸ್ ಅವರ ಮಧ್ಯಂತರ ಸರಕಾರ ಈ ಒಪ್ಪಂದವನ್ನು ರದ್ದುಗೊಳಿಸಿತ್ತು.

ಈಗ ಬಾಂಗ್ಲಾದೇಶದ ‘ತೀಸ್ತಾ ನದಿ ನಿರ್ವಹಣೆ ಮತ್ತು ಪುನರುಜ್ಜೀವನ’ ಯೋಜನೆಗೆ ಚೀನಾ ಬೆಂಬಲ ನೀಡುವ ಭರವಸೆ ನೀಡಿದೆ, ಇದು ಭಾರತದ ಕಳವಳವನ್ನು ಹೆಚ್ಚಿಸಲಿದೆ. ಶೇಖ್ ಹಸೀನಾ ಅವರ ಸರಕಾರವು ತೀಸ್ತಾ ಯೋಜನೆಯನ್ನು ಭಾರತಕ್ಕೆ ನೀಡುವ ಇಚ್ಛೆ ವ್ಯಕ್ತಪಡಿಸಿತ್ತು.