ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > Singapore Blocks Anti-India Content: ಭಾರತೀಯರನ್ನು ಅಪಖ್ಯಾತಿಗೊಳಿಸುವ ಚೀನಿ ನಾಗರಿಕರ ಆನ್‌ ಲೈನ್ ಅಭಿಯಾನವನ್ನು ಬಯಲಿಗೆಳೆದ ಸಿಂಗಾಪುರ ಸರಕಾರ

Singapore Blocks Anti-India Content: ಭಾರತೀಯರನ್ನು ಅಪಖ್ಯಾತಿಗೊಳಿಸುವ ಚೀನಿ ನಾಗರಿಕರ ಆನ್‌ ಲೈನ್ ಅಭಿಯಾನವನ್ನು ಬಯಲಿಗೆಳೆದ ಸಿಂಗಾಪುರ ಸರಕಾರ

‘ಯೂಟ್ಯೂಬ್’, ‘ಫೇಸ್‌ಬುಕ್’ ಮತ್ತು ‘ಎಕ್ಸ್’ ಮೇಲಿನ 15 ಕ್ಕೂ ಹೆಚ್ಚು ಪೋಸ್ಟಗಳನ್ನು ನಿರ್ಬಂಧಿಸಲಾಗಿದೆ

‘ಯೂಟ್ಯೂಬ್’, ‘ಫೇಸ್‌ಬುಕ್’ ಮತ್ತು ‘ಎಕ್ಸ್’ ಮೇಲಿನ 15 ಕ್ಕೂ ಹೆಚ್ಚು ಪೋಸ್ಟಗಳನ್ನು ನಿರ್ಬಂಧಿಸಲಾಗಿದೆ

ಸಿಂಗಾಪುರ – ಸಿಂಗಾಪುರ ಸರಕಾರವು ಯೂಟ್ಯೂಬ್, ಫೇಸ್‌ ಬುಕ್ ಮತ್ತು ಎಕ್ಸ್ ಎಂಬ 3 ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿನ 15 ಪೋಸ್ಟಗಳನ್ನು ನಿರ್ಬಂಧಿಸಲು ಆದೇಶಿಸಿದೆ. ಭಾರತೀಯ ಸಮುದಾಯವನ್ನು ಗುರಿಯಾಗಿಸಿದ್ದ ಈ ಪೋಸ್ಟಗಳು ಚೀನಾ ದೇಶಕ್ಕೆ ಸಂಬಂಧಿಸಿದ್ದವು. ಈ ಮೂಲಕ ಸಿಂಗಾಪುರದ ಸಾಂಸ್ಕೃತಿಕ ವೈವಿಧ್ಯತೆಯ ವಿಚಾರಧಾರೆಯನ್ನು ದುರ್ಬಲಗೊಳಿಸಲು ಪ್ರಯತ್ನಿಸಲಾಗುತ್ತಿತ್ತು. ಇದನ್ನು ಗಮನದಲ್ಲಿಟ್ಟುಕೊಂಡು ಸಿಂಗಾಪುರ ಸರಕಾರವು ತಕ್ಷಣವೇ ಈ ಪೋಸ್ಟಗಳನ್ನು ನಿರ್ಭಂದಿಸಿದೆ. ಈ ಅಪರಾಧಕ್ಕಾಗಿ 3 ವರ್ಷಗಳವರೆಗೆ ಜೈಲು ಶಿಕ್ಷೆ ಮತ್ತು ದಂಡ ವಿಧಿಸಬಹುದಾಗಿದೆ.

ಸಿಂಗಾಪುರದ ಗೃಹ ಸಚಿವರಾದ ಎಡ್ವಿನ್ ಟಾಂಗ್ ರವರು ಪತ್ರಕರ್ತರೊಂದಿಗೆ ಮಾತನಾಡಿ, ಇಲ್ಲಿಯವರೆಗೆ ದೊರೆತ ಮಾಹಿತಿಯ ಅನುಸಾರ, ಈ ಪೋಸ್ಟಗಳನ್ನು ವಿದೇಶದಿಂದ ಮಾಡಲಾಗಿದೆ. ಈ ವಿಡಿಯೋಗಳು ನಮ್ಮ ವಿವಿಧ ಜನಾಂಗೀಯ ಸಮಾಜ ವ್ಯವಸ್ಥೆಯ ಮೇಲೆ ದಾಳಿ ಮಾಡುವಂತಹ ಹಾಗೂ ಜನರ ನಡುವೆ ಜನಾಂಗೀಯ ಆಧಾರದ ಮೇಲೆ ಒಡಕು ಮೂಡಿಸುವಂತಹದ್ದಾಗಿದ್ದವು. ಸಿಂಗಾಪುರದಲ್ಲಿ ಪ್ರತಿಯೊಂದು ಸಮುದಾಯಕ್ಕೂ ಮಹತ್ವವಿದ್ದು, ಎಲ್ಲರಿಗೂ ಸಮಾನ ಸ್ಥಾನವಿದೆ. ಈ ವಿಡಿಯೋಗಳು ನಮ್ಮ ಸಮಾಜದ ಅಡಿಪಾಯವನ್ನು ದುರ್ಬಲಗೊಳಿಸುವ ಪ್ರಯತ್ನವಾಗಿವೆ. ಸರಕಾರವು ಅಂತಹ ಪ್ರಯತ್ನದ ಯಾವುದೇ ಕೃತ್ಯಗಳನ್ನು ಸಹಿಸುವುದಿಲ್ಲ. ಒಂದು ಸಮುದಾಯವನ್ನು ಮತ್ತೊಂದು ಸಮುದಾಯದ ವಿರುದ್ಧ ಎತ್ತಿಕಟ್ಟುವ ಪ್ರಯತ್ನ ಇದಾಗಿದ್ದು, ಇದನ್ನು ಎಲ್ಲಾ ರೀತಿಯಿಂದಲೂ ವಿರೋಧಿಸಬೇಕು ಎಂದು ಹೇಳಿದರು.

ಸಂಬಂಧಿತ ಲೇಖನಗಳು