ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ರಷ್ಯಾ ಮತ್ತು ತಾಲಿಬಾನ್ ಸರಕಾರದ ನಡುವೆ ಮಿಲಿಟರಿ ಸಹಕಾರದ ಒಪ್ಪಂದ!

ರಷ್ಯಾ ಮತ್ತು ತಾಲಿಬಾನ್ ಸರಕಾರದ ನಡುವೆ ಮಿಲಿಟರಿ ಸಹಕಾರದ ಒಪ್ಪಂದ!

ಮಾಸ್ಕೋ (ರಷ್ಯಾ) – ರಷ್ಯಾ ದೇಶವು ತಾಲಿಬಾನ್ ಜೊತೆಗೆ ಮಿಲಿಟರಿ ಸಹಕಾರ ಹೆಚ್ಚಿಸುವ ಮಹತ್ವದ ಒಪ್ಪಂದ ಮಾಡಿಕೊಂಡಿದೆ. ಮಾಸ್ಕೋದಲ್ಲಿ ಆಯೋಜಿಸಲಾಗಿದ್ದ ಅಂತರರಾಷ್ಟ್ರೀಯ ಭದ್ರತಾ ವೇದಿಕೆಯಲ್ಲಿ ರಷ್ಯಾ ಸರಕಾರವು ಅಫ್ಘಾನಿಸ್ತಾನದೊಂದಿಗಿನ ಈ ಒಪ್ಪಂದಕ್ಕೆ ಅನುಮೋದನೆ ನೀಡಿತು. ಈ ಕಾರ್ಯಕ್ರಮದಲ್ಲಿ ತಾಲಿಬಾನ್ ನ ರಕ್ಷಣಾ ಸಚಿವರು ಉಪಸ್ಥಿತರಿದ್ದರು. ತಾಲಿಬಾನ್ ಸರಕಾರಕ್ಕೆ ಅಧಿಕೃತ ಮಾನ್ಯತೆ ನೀಡಿದ ನಂತರ, ರಷ್ಯಾ ಸರಕಾರವು ತಾಲಿಬಾನ್ ಜೊತೆಗೆ ಇಷ್ಟೊಂದು ಉನ್ನತ ಮಟ್ಟದ ರಕ್ಷಣಾ ಸಹಕಾರವನ್ನು ಸ್ಥಾಪಿಸುತ್ತಿರುವುದು ಇದೇ ಮೊದಲ ಬಾರಿಯಾಗಿದೆ.

ಈ ಒಪ್ಪಂದದ ಬಗ್ಗೆ ಹೆಚ್ಚಿನ ವಿವರಗಳು ಲಭ್ಯವಾಗಿಲ್ಲದಿದ್ದರೂ, ವರದಿಯೊಂದರ ಪ್ರಕಾರ ತಾಲಿಬಾನ್ ರಕ್ಷಣಾ ಸಚಿವರು ರಷ್ಯಾ ಬಳಿ ಆಧುನಿಕ ವಾಯು ರಕ್ಷಣಾ ವ್ಯವಸ್ಥೆ ನೀಡುವಂತೆ ಆಗ್ರಹಿಸಿದ್ದಾರೆ. ಕಳೆದ ಕೆಲವು ದಿನಗಳಿಂದ ಪಾಕಿಸ್ತಾನ ನಿರಂತರವಾಗಿ ಅಫ್ಘಾನಿಸ್ತಾನದ ಮೇಲೆ ದಾಳಿ ನಡೆಸುತ್ತಿದೆ. ಪಾಕಿಸ್ತಾನದ ಮಿಲಿಟರಿ ಶಕ್ತಿಯ ಮುಂದೆ ಅಫ್ಘಾನಿಸ್ತಾನದ ಶಕ್ತಿ ಕಡಿಮೆಯಿದೆ. ಇದೇ ಕಾರಣಕ್ಕಾಗಿ ತಾಲಿಬಾನ್ ತನ್ನ ಮಿಲಿಟರಿ ಶಕ್ತಿಯನ್ನು ವೃದ್ಧಿಸಿಕೊಳ್ಳಲು ತೀವ್ರ ಪ್ರಯತ್ನ ನಡೆಸುತ್ತಿದೆ.

ಸಂಪಾದಕೀಯ ನಿಲುವು

  • ಒಂದೆಡೆ ಅಫ್ಘಾನಿಸ್ತಾನದ ಹೆಗಲ ಮೇಲೆ ಬಂದೂಕನ್ನಿಟ್ಟು ಭಾರತ ಪಾಕಿಸ್ತಾನದ ವಿರುದ್ಧ ಕಾರ್ಯಾಚರಣೆ ನಡೆಸುತ್ತಿದೆ ಎಂದು ಪಾಕ್ ಸದಾ ಕೂಗಾಡುತ್ತಾ ಬಂದಿದೆ. ಈಗ ಈ ರಕ್ಷಣಾ ಒಪ್ಪಂದದಿಂದ ಪಾಕಿಸ್ತಾನಕ್ಕೆ ತೀವ್ರ ಹೊಟ್ಟೆಯುರಿ ಉಂಟಾಗುವುದರಲ್ಲಿ ಆಶ್ಚರ್ಯವೇನಿಲ್ಲ!
  • ಇತ್ತೀಚೆಗಷ್ಟೇ ಚೀನಾ ಮುಂದೆ ಮಂಡಿಯೂರಿ ಬಂದ ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್ ಶರೀಫ್ ಅವರು ಒಂದು ರೀತಿಯಲ್ಲಿ ಅಮೆರಿಕಕ್ಕೆ ಸವಾಲು ಹಾಕಿದ್ದಾರೆ. ಆದರೆ ಚೀನಾ ಮತ್ತು ‘ಭಾರತದ ಆಪ್ತ ಮಿತ್ರ’ ರಷ್ಯಾ ಒಳ್ಳೆಯ ಸ್ನೇಹಿತರು ಎಂಬುದು ಪಾಕಿಸ್ತಾನಕ್ಕೆ ತಿಳಿದಿರಬೇಕು. ಈಗ ರಷ್ಯಾದ ಒಡನಾಟ ತಾಲಿಬಾನ್ ಜೊತೆಗೆ ಹೆಚ್ಚಾಗುತ್ತಿರುವುದರಿಂದ ದಕ್ಷಿಣ ಏಷ್ಯಾದಲ್ಲಿ ಪಾಕಿಸ್ತಾನ ಒಂಟಿಯಾಗಲಿದೆ ಎಂದು ತೋರುತ್ತಿದೆ. ಜಿಹಾದಿ ಪಾಕಿಸ್ತಾನಕ್ಕೆ ಇದಕ್ಕಿಂತ ದೊಡ್ಡ ಶಿಕ್ಷೆ ಬೇರೆಯೇನಿರಬಹುದು?

ಸಂಬಂಧಿತ ಲೇಖನಗಳು