ಇರಾನ್ ಯುರೇನಿಯಂನ ದಾಸ್ತಾನನ್ನು ಬಿಟ್ಟುಕೊಡಲು ಸಿದ್ಧತೆ ತೋರಿಸಿದೆ ! – ‘ನ್ಯೂಯಾರ್ಕ್ ಟೈಮ್ಸ್’ನ ವರದಿ

ವಾಶಿಂಗ್ಟನ್ (ಅಮೆರಿಕ) – ಅಮೆರಿಕದೊಂದಿಗೆ ನಡೆಯುತ್ತಿರುವ ಶಾಂತಿ ಚರ್ಚೆಯ ಒಂದು ಭಾಗವಾಗಿ ಇರಾನ್ ತನ್ನ ಬಳಿಯಿರುವ ಅತ್ಯಂತ ಘಾತಕವಾದ ‘ಸಂವರ್ಧಿತ (ಎನ್ರಿಚ್ಡ್) ಯುರೇನಿಯಂ’ನ ದಾಸ್ತಾನನ್ನು ಬಿಟ್ಟುಕೊಡಲು ತತ್ತ್ವಶಃ ಸಿದ್ಧವಾಗಿದೆ. ‘ದ ನ್ಯೂಯಾರ್ಕ್ ಟೈಮ್ಸ್’ ಅಮೆರಿಕದ ೨ ಹಿರಿಯ ಅಧಿಕಾರಿಗಳು ನೀಡಿದ ಮಾಹಿತಿಯ ಆಧಾರದಲ್ಲಿ ಈ ವರದಿ ನೀಡಿದೆ.

ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅಮೆರಿಕ ಮತ್ತು ಇರಾನ್ ನಡುವಿನ ಯುದ್ಧಜನ್ಯ ಪರಿಸ್ಥಿತಿಯನ್ನು ಕೊನೆಗೊಳಿಸಲು ಹಾಗೂ ಹಾರ್ಮುಜ್ ಜಲಸಂಧಿ ಎಂಬ ಸಾಗರ ಮಾರ್ಗವನ್ನು ವ್ಯಾಪಾರಕ್ಕಾಗಿ ಮತ್ತೆ ತೆರೆಯಲು ಒಂದು ದೊಡ್ಡ ಒಪ್ಪಂದವು ಅಂತಿಮ ಹಂತದಲ್ಲಿದೆ ಎಂದು ಘೋಷಿಸಿದ್ದರು. ಈ ಘೋಷಣೆಯ ನಂತರ ಕೂಡಲೇ ಇರಾನ್ ಪರಮಾಣು ಶಸ್ತ್ರಾಸ್ತ್ರಗಳಿಗಾಗಿ ಬಳಸಬಹುದಾದ ಯುರೇನಿಯಂ ಬಿಟ್ಟುಕೊಡಲು ಸಿದ್ಧವಾಗಿದೆ ಎಂಬ ಮಾಹಿತಿ ಬೆಳಕಿಗೆ ಬಂದಿದೆ.

ಇರಾನ್ ಯುರೇನಿಯಂ ನೀಡುವ ಸೂತ್ರವನ್ನು ತಳ್ಳಿಹಾಕಿತು !

ಇರಾನ್ ತನ್ನ ಸಂವರ್ಧಿತ ಯುರೇನಿಯಂನ ದಾಸ್ತಾನನ್ನು ಅಮೆರಿಕಕ್ಕೆ ನೀಡುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ. ಸದ್ಯದ ಪ್ರಾಥಮಿಕ ಒಪ್ಪಂದದಲ್ಲಿ ಅಣುವಿಷಯದ ಸಮಾವೇಶವಿಲ್ಲ ಎಂದು ಓರ್ವ ಹಿರಿಯ ಇರಾನಿ ಅಧಿಕಾರಿ ಹೇಳಿದರು.

ಇರಾನ್ ಬಳಿ ನಿಖರವಾಗಿ ಎಷ್ಟು ಯುರೇನಿಯಂ ಇದೆ ?

‘ಅಂತರರಾಷ್ಟ್ರೀಯ ಅಣುಶಕ್ತಿ ಸಂಸ್ಥೆ’ಯ ವರದಿಗನುಸಾರ ಇರಾನ್ ಬಳಿ ಸದ್ಯ ಸುಮಾರು ೪೦೦ ಕಿಲೋಗ್ರಾಂ ನಷ್ಟು ಶೇಕಡಾ ೬೦ ರಷ್ಟು ಶುದ್ಧತೆಯ ಯುರೇನಿಯಂ ಇದೆ. ಪರಮಾಣು ಶಸ್ತ್ರಾಸ್ತ್ರಗಳನ್ನು ತಯಾರಿಸಲು ಈ ಯುರೇನಿಯಂ ಅತ್ಯಂತ ಪೂರಕವಾಗಿದೆ ಎಂದು ಪರಿಗಣಿಸಲಾಗುತ್ತದೆ. ಇಸ್ರೇಲ್ ನ ಪ್ರಕಾರ, ಇರಾನ್ ಈ ದಾಸ್ತಾನಿನಿಂದ ಒಂದಕ್ಕಿಂತ ಹೆಚ್ಚು ಅಣುಬಾಂಬ್ ಗಳನ್ನು ಸುಲಭವಾಗಿ ತಯಾರಿಸಬಹುದು.