ಬಂಗಾಲ ಸರಕಾರವು ಗಡಿ ಭದ್ರತಾ ಪಡೆಗೆ ಮೊದಲ ಹಂತದಲ್ಲಿ ಭಾರತ-ಬಾಂಗ್ಲಾದೇಶ ಗಡಿಯಲ್ಲಿನ ೨೭ ಕಿ.ಮೀ. ಭೂಮಿಯನ್ನು ನೀಡಿತು ! : Bengal Border Fencing

ಕೊಲಕಾತಾ (ಬಂಗಾಲ) – ಬಂಗಾಲದ ಮುಖ್ಯಮಂತ್ರಿ ಶುಭೇಂದು ಅಧಿಕಾರಿಯವರು ಭಾರತ-ಬಾಂಗ್ಲಾದೇಶ ಗಡಿಯಲ್ಲಿನ ೨೭ ಕಿಲೋಮೀಟರ್ ಭೂಮಿಯನ್ನು ಗಡಿ ಭದ್ರತಾ ಪಡೆಗೆ ಒಪ್ಪಿಸಿದರು. ಇದರ ಮೇಲೆ ಈಗ ಬೇಲಿ ಮತ್ತು ಭದ್ರತಾ ವ್ಯವಸ್ಥೆಯನ್ನು ನಿರ್ಮಿಸುವರು.

ಗಡಿ ಭದ್ರತಾ ಪಡೆ, ಪೊಲೀಸ್ ಮತ್ತು ಆಡಳಿತ ಇವುಗಳ ಸಮನ್ವಯ ಸಭೆಗಳು ಮತ್ತೆ ಪ್ರಾರಂಭವಾಗಲಿವೆ !

ಈ ಸಂದರ್ಭದಲ್ಲಿ ನಡೆದ ಸಭೆಯಲ್ಲಿ ಮುಖ್ಯಮಂತ್ರಿ ಶುಭೇಂದು ಅಧಿಕಾರಿಯವರು, ‘ಇದು ಕೇವಲ ಪ್ರಾರಂಭವಾಗಿದೆ. ಮುಂದೆ ಗಡಿ ಭದ್ರತೆಗಾಗಿ ಎಲ್ಲಿ ಭೂಮಿಯ ಅವಶ್ಯಕತೆಯಿರುತ್ತದೆಯೋ, ರಾಜ್ಯ ಸರಕಾರವು ಅದನ್ನು ಗಡಿ ಭದ್ರತಾ ಪಡೆಗೆ ಲಭ್ಯ ಮಾಡಿಕೊಡುವುದು. ಗಡಿ ಭದ್ರತೆಯನ್ನು ಬಲಪಡಿಸಲು ಬೇಲಿಯ ಕೆಲಸವನ್ನು ವೇಗವಾಗಿ ಪೂರ್ಣಗೊಳಿಸುವುದು ಅವಶ್ಯಕವಾಗಿದೆ. ಹಿಂದಿನ ತೃಣಮೂಲ ಕಾಂಗ್ರೆಸ್ ಸರಕಾರವು ಮತಬ್ಯಾಂಕಿನ ರಾಜಕಾರಣ ಮತ್ತು ಓಲೈಕೆಯಿಂದಾಗಿ ಗಡಿ ಭದ್ರತಾ ಪಡೆಗೆ ಭೂಮಿಯನ್ನು ನೀಡಲಿಲ್ಲ. ಕಳೆದ ಅನೇಕ ವರ್ಷಗಳಿಂದ ಗಡಿಭಾಗದ ಜಿಲ್ಲೆಗಳಲ್ಲಿ ಗಡಿ ಭದ್ರತಾ ಪಡೆ, ರಾಜ್ಯ ಪೊಲೀಸ್ ಮತ್ತು ಜಿಲ್ಲಾಡಳಿತದ ನಡುವೆ ಸಮನ್ವಯ ಸಭೆಗಳು ನಡೆಯುತ್ತಿರಲಿಲ್ಲ. ಈಗ ಈ ಸಭೆಗಳು ಮತ್ತೆ ಪ್ರಾರಂಭವಾಗಿದ್ದು ಮುಂದೆ ಅವು ನಿಯಮಿತವಾಗಿ ನಡೆಯಲಿವೆ’ ಎಂದು ಹೇಳಿದರು.

ಈ ಸಮಯದಲ್ಲಿ ಗಡಿ ಭದ್ರತಾ ಪಡೆಯ ಅಧಿಕಾರಿಗಳು, ‘ರಾಜ್ಯದ ೨ ಸಾವಿರದ ೨೦೦ ಕಿಲೋಮೀಟರ್ ಉದ್ದದ ಅಂತರರಾಷ್ಟ್ರೀಯ ಗಡಿಯ ಪೈಕಿ ಅಂದಾಜು ೧ ಸಾವಿರದ ೬೦೦ ಕಿಲೋಮೀಟರ್ ಭಾಗದಲ್ಲಿ ಬೇಲಿ ಹಾಕಿದ್ದಾರೆ, ಹಾಗೂ ಅಂದಾಜು ೬೦೦ ಕಿಲೋಮೀಟರ್ ಗಡಿಯು ಇಂದಿಗೂ ಬೇಲಿಯಿಲ್ಲದೆ ಇದೆ’ ಎಂದು ಹೇಳಿದರು.