‘ಭಾರತದ ೨೫ ಕೋಟಿ ಮುಸಲ್ಮಾನರು ಒಂದಾಗಿ ಭಾರತವನ್ನು ವಿಭಜಿಸಬೇಕು !’

ಢಾಕಾ (ಬಾಂಗ್ಲಾದೇಶ) – ಬಾಂಗ್ಲಾದೇಶದಲ್ಲಿ ಆಡಳಿತ ಬದಲಾವಣೆಯ ನಂತರ ನಿರ್ಮಾಣವಾಗಿರುವ ಅಸ್ಥಿರತೆಯ ವಾತಾವರಣದಲ್ಲಿ ಈಗ ಅಲ್ಲಿನ ನಾಯಕರಿಂದ ಭಾರತದ ವಿರುದ್ಧ ಬಹಿರಂಗವಾಗಿ ವಿಷ ಕಾರಲಾಗುತ್ತಿದೆ. ‘ಬಾಂಗ್ಲಾದೇಶ ನ್ಯಾಶನಲಿಸ್ಟ್ ಪಾರ್ಟಿ’ಯ (‘ಬಿ.ಎನ್.ಪಿ.’ಯ) ನಾಯಕ ಅಲ್ತಾಬ್ ಹುಸೇನ್ ಮುಲ್ಲಾ ಅವರ ಅತ್ಯಂತ ಪ್ರಚೋದನಾಕಾರಿ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರವಾಗುತ್ತಿದೆ. ಭಾರತೀಯ ಮುಸಲ್ಮಾನರಿಗೆ ದೇಶವನ್ನು ವಿಭಜಿಸುವಂತೆ ಅಲ್ತಾಬ್ ಪ್ರಚೋದನೆ ನೀಡಿದ್ದಾರೆ. ಸಭೆಯೊಂದನ್ನು ಉದ್ದೇಶಿಸಿ ಮಾತನಾಡುವಾಗ, ‘ಒಂದು ವೇಳೆ ಭಾರತದ ೨೦ ರಿಂದ ೨೫ ಕೋಟಿ ಮುಸಲ್ಮಾನರು ಒಂದಾದರೆ, ಅವರು ಭಾರತವನ್ನು ತುಂಡು-ತುಂಡು ಮಾಡಬಲ್ಲರು ಮತ್ತು ಅಲ್ಲಿನ ಮುಸ್ಲಿಮರು ಶೀಘ್ರದಲ್ಲೇ ಈ ಮಾರ್ಗವನ್ನು ಅನುಸರಿಸಲಿದ್ದಾರೆ’ ಎಂದು ಅಲ್ತಾಬ್ ಹೇಳಿಕೆ ನೀಡಿದ್ದಾರೆ.

ಭಾರತದಲ್ಲಿ ತೀವ್ರ ಆಕ್ರೋಶ

ಈ ವಿಡಿಯೋ ಹೊರಬಂದ ನಂತರ ಭಾರತದಲ್ಲಿ ಆಕ್ರೋಶದ ಅಲೆ ಎದ್ದಿದೆ. ಅನೇಕ ರಕ್ಷಣಾ ತಜ್ಞರು ಮತ್ತು ರಾಜಕೀಯ ವಿಶ್ಲೇಷಕರು ಇದನ್ನು ಭಾರತದ ಸಾರ್ವಭೌಮತ್ವಕ್ಕೆ ನೀಡಿದ ನೇರ ಬೆದರಿಕೆ ಎಂದು ಕರೆದಿದ್ದಾರೆ. ಕೇಂದ್ರ ಸರಕಾರ ಮತ್ತು ವಿದೇಶಾಂಗ ಸಚಿವಾಲಯವು ಬಾಂಗ್ಲಾದೇಶ ಸರಕಾರಕ್ಕೆ ಈ ಪ್ರಕರಣದ ಬಗ್ಗೆ ಕಠಿಣ ಶಬ್ದಗಳಲ್ಲಿ ಪ್ರತಿಭಟನೆಯನ್ನು ದಾಖಲಿಸಬೇಕೆಂದು ಅನೇಕರು ಒತ್ತಾಯಿಸಿದ್ದಾರೆ.