ಗೋವಿಂದ ಪನ್ಸಾರೆ ಬರೆದ ‘ಶಿವಾಜಿ ಕೋಣ್ ಹೋತಾ?’ (ಶಿವಾಜಿ ಯಾರು?) ಪುಸ್ತಕವನ್ನು ಕೂಡಲೇ ನಿಷೇಧಿಸಿ! – ಹಿಂದುತ್ವನಿಷ್ಠರ ಪ್ರತಿಭಟನೆ ಮೂಲಕ ಒತ್ತಾಯ

ಕೊಲ್ಹಾಪುರ – ಗೋವಿಂದ ಪನ್ಸಾರೆ ಅವರು ಬರೆದ ‘ಶಿವಾಜಿ ಕೋಣ ಹೋತಾ?’ ಪುಸ್ತಕದಲ್ಲಿ ಛತ್ರಪತಿ ಶಿವಾಜಿ ಮಹಾರಾಜರನ್ನು ಏಕವಚನದಲ್ಲಿ ಸಂಬೋಧಿಸುವ ಮೂಲಕ ಅವರಿಗೆ ಅವಮಾನ ಮಾಡಲಾಗಿದೆ. ಅಷ್ಟೇ ಅಲ್ಲದೆ, ಈ ಪುಸ್ತಕದಲ್ಲಿ ಇತಿಹಾಸವನ್ನು ತಿರುಚಿ ಸುಳ್ಳು ಇತಿಹಾಸವನ್ನು ಬಿಂಬಿಸಲು ಅನೇಕ ಘಟನೆಗಳನ್ನು ದಾಖಲಿಸಲಾಗಿದೆ. ಛತ್ರಪತಿ ಶಿವಾಜಿ ಮಹಾರಾಜರ ಪ್ರಖರ, ಉಜ್ವಲ ಮತ್ತು ಪರಾಕ್ರಮಿ ಇತಿಹಾಸವನ್ನು ಜನರ ಮುಂದಿಡುವ ಬದಲು ತಪ್ಪು ಮಾಹಿತಿಯನ್ನು ನೀಡಲಾಗಿದೆ.

🚨 Protest in Kolhapur: Hindutva activists demand an immediate ban on 'Shivaji Kon Hota'? by Govind Pansare.

They also seek criminal action against publishers and institutions for using disrespectful singular references to Chhatrapati Shivaji Maharaj.

📌 Key Demands:
– Register… pic.twitter.com/o2Vz3mOAtm

— Sanatan Prabhat (@SanatanPrabhat) April 25, 2026

ಆದ್ದರಿಂದ, ಈ ಪುಸ್ತಕವನ್ನು ಕೂಡಲೇ ನಿಷೇಧಿಸಬೇಕು ಮತ್ತು ಸಂಬಂಧಪಟ್ಟವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿ ‘ಹಿಂದೂ ರಾಷ್ಟ್ರ ಸಮನ್ವಯ ಸಮಿತಿ’ ವತಿಯಿಂದ ಛತ್ರಪತಿ ಶಿವಾಜಿ ಮಹಾರಾಜ್ ಚೌಕ್‌ನಲ್ಲಿ ಪ್ರತಿಭಟನೆ ನಡೆಸಲಾಯಿತು. ಪ್ರತಿಭಟನೆಯ ನಂತರ ಪೊಲೀಸ್ ಅಧೀಕ್ಷಕರ ಕಚೇರಿಗೆ ಮನವಿ ಸಲ್ಲಿಸಲಾಯಿತು. ಮನವಿಯನ್ನು ಸ್ವೀಕರಿಸಿದ ನಗರ ಪೊಲೀಸ್ ಉಪಾಧೀಕ್ಷಕಿ ಪ್ರಿಯಾ ಪಾಟೀಲ್ ಮತ್ತು ಅಪರ ಪೊಲೀಸ್ ಅಧೀಕ್ಷಕ ಧೀರಜ್ ಕುಮಾರ್ ಬಚ್ಚು ಅವರು ಈ ಬಗ್ಗೆ ‘ಸೂಕ್ತ ಕ್ರಮ ಕೈಗೊಳ್ಳಲಾಗುವುದು’ ಎಂದು ಭರವಸೆ ನೀಡಿದರು.

ಈ ಸಂದರ್ಭದಲ್ಲಿ ಶಿವಸೇನೆಯ ಉಪಜಿಲ್ಲಾ ಪ್ರಮುಖ ಶ್ರೀ. ಕಿಶೋರ್ ಘಾಟ್ಗೆ, ಬಿಜೆಪಿಯ ಶ್ರೀ. ಮಹೇಶ್ ಜಾಧವ್, ‘ಹಿಂದೂ ಏಕತಾ ಆಂದೋಲನ’ದ ನಗರಾಧ್ಯಕ್ಷ ಶ್ರೀ. ಗಜಾನನ ತೋಡ್ಕರ್, ‘ಶಿವಶಾಹಿ ಫೌಂಡೇಶನ್’ ಸಂಸ್ಥಾಪಕ ಶ್ರೀ. ಸುನೀಲ್ ಸಾಮಂತ್, ‘ಆರೋಗ್ಯ ಭಾರತಿ’ಯ ವೈದ್ಯೆ ಅಶ್ವಿನಿ ಮಾಳ್ಕರ್ ಮತ್ತು ಸನಾತನ ಸಂಸ್ಥೆಯ ಡಾ. ಮಾನಸಿಂಗ್ ಶಿಂದೆ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದರು. ಹಿಂದೂ ರಾಷ್ಟ್ರ ಸಮನ್ವಯ ಸಮಿತಿಯ ಶ್ರೀ. ರಾಮಭಾವು ಮೆಥೆ ಅವರು ಈ ಕಾರ್ಯಕ್ರಮವನ್ನು ನಿರ್ವಹಿಸಿದರು.