ರಾಮರಾಜ್ಯದಿಂದ ಹೊಟ್ಟೆ ತುಂಬುವುದಿಲ್ಲ ಎಂದ ತೃಣಮೂಲ ಕಾಂಗ್ರೆಸ್ ನಾಯಕನ ಖೇದಕರ ಹೇಳಿಕೆ!

ಕೋಲಕಾತಾ (ಬಂಗಾಳ) – ರಾಜ್ಯದ ಚುನಾವಣೆಯ ಹಿನ್ನೆಲೆಯಲ್ಲಿ ತೃಣಮೂಲ ಕಾಂಗ್ರೆಸ್ ನಾಯಕ ಅಖಿಲ್ ಗಿರಿ, ‘ಬಂಗಾಳದಲ್ಲಿ ರಾಮರಾಜ್ಯದ ಯಾವುದೇ ಅಗತ್ಯವಿಲ್ಲ. ಅದರಿಂದ ಜನರ ಹೊಟ್ಟೆ ತುಂಬುವುದಿಲ್ಲ’ ಎಂದು ಹೇಳಿದ್ದಾರೆ. ಈ ಹೇಳಿಕೆಯಿಂದ ರಾಜಕೀಯ ವಾತಾವರಣ ಇನ್ನಷ್ಟು ಕಾವೇರಿದೆ. ವಿರೋಧ ಪಕ್ಷಗಳು ಪ್ರಸ್ತಾಪಿಸಿರುವ ‘ರಾಮರಾಜ್ಯ’ದ ವಿಚಾರವು ರಾಜ್ಯದ ನೈಜ ಅಗತ್ಯಗಳಿಗೆ ಸಂಬಂಧಿಸಿಲ್ಲ ಎಂಬುದನ್ನೂ ಅವರು ಉಲ್ಲೇಖಿಸಿದ್ದಾರೆ. ರಾಮನಗರ ಕ್ಷೇತ್ರದಿಂದ ತೃಣಮೂಲ ಕಾಂಗ್ರೆಸ್ ಟಿಕೆಟ್‌ನಡಿ ಕಣಕ್ಕಿಳಿದಿರುವ ಗಿರಿ, ರಾಜ್ಯದಲ್ಲಿ ಗಡಿ ಭದ್ರತಾ ಪಡೆಯ (BSF) ಯೋಧರ ನಿಯೋಜನೆ ಬಗ್ಗೆಯೂ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಚುನಾವಣಾ ಆಯೋಗದ ಮೇಲೆ ಪಕ್ಷಪಾತದ ಆರೋಪ ಮಾಡಿರುವ ಅವರು, ‘ಭಾಜಪ ತನ್ನ ಲಾಭಕ್ಕಾಗಿ ಕೇಂದ್ರ ಸಂಸ್ಥೆಗಳನ್ನು ಬಳಸಿಕೊಳ್ಳುತ್ತಿದೆ’ ಎಂದು ಹೇಳಿದ್ದಾರೆ.

Outrageous remark by a veteran TMC leader Akhil Giri: “Ram Rajya does not fill stomachs” & is “not relevant” to Bengal’s needs.

The whole world knows that “Ram Rajya” stands for justice, dharma & good governance.

Such statements raise serious questions on priorities. In… pic.twitter.com/6rwySpDrRW

— Sanatan Prabhat (@SanatanPrabhat) April 10, 2026

ಗಿರಿಯವರು ಮಾತು ಮುಂದುವರೆಸಿ,

೧. ರಾಜ್ಯದ ಜನತೆಗೆ ಅಭಿವೃದ್ಧಿ ಮತ್ತು ಕಲ್ಯಾಣ ಬೇಕಾಗಿದೆಯೇ ಹೊರತು, ಧಾರ್ಮಿಕ ಘೋಷಣೆಗಳ ಆಧಾರಿತ ರಾಜಕಾರಣವಲ್ಲ. ಆದ್ದರಿಂದ ಮಮತಾ ಬ್ಯಾನರ್ಜಿಯವರು ಮತ್ತೆ ಮುಖ್ಯಮಂತ್ರಿಯಾಗುತ್ತಾರೆ ಮತ್ತು ಬಂಗಾಳದಲ್ಲಿ ‘ಮಮತಾರಾಜ್ಯ’ ಮುಂದುವರಿಯುತ್ತದೆ.

೨. ಭಾಜಪ ಬಂಗಾಳದಲ್ಲಿ ಅನಗತ್ಯ ವಿಚಾರಗಳನ್ನು ಪ್ರಚಾರದಲ್ಲಿ ಎತ್ತಿಕೊಳ್ಳುತ್ತಿದೆ. ರಾಜ್ಯದ ಮುಸ್ಲಿಂ ಸಮಾಜವು ಸಂಪೂರ್ಣವಾಗಿ ಮಮತಾ ಬ್ಯಾನರ್ಜಿಯವರೊಂದಿಗಿದೆ.